Жобаларды жандандырады

2019 жылдың 9 маусымы күні өтетін сайлауға байланысты Nur Otan партиясының жарғысына сәйкес, партияның кезектен тыс съезіне делегаттарды сайлау үшін бастауыш партия ұйымдарының жиыны еліміздің әр аймағында жалғасуда. Сондай шараның бірі Nur Otan партиясы ШҚО Ұлан аудандық филиалында өтті. 

Конференцияға мәслихат де­путаттары, бастауыш партия ұйым­дарының төрағалары, сы­бай­лас жемқорлыққа қарсы іс-қимыл кеңесінің, партиялық ба­қылау комиссиясының, ау­дан­дық депутаттық фракциясының жетекшілері, «Жас Отан» Жастар қанатының мүшелері, мекеме басшылары, қоғамдық бірлес­тіктер мен бұқаралық ақпарат құралдарының өкілдері қатысты.
Жиында партия бастама­сымен қолға алынған «Бақытты отбасы, «Құтты мекен», «Халыққа көмек» және «Ауыл – ел бесігі» жобаларын түсіндіру жұмыстары жүргізілді. Nur Otan партиясы Ұлан аудандық филиалының төрағасы Нұрымбет Сақтағанов ұлттық жобалардың өміршеңдігі мен әлеуметтік маңызы туралы айтты.
– Елбасы Н.Назарбаев көре­гендігі мен көпжылдық тәжіри­бесін Отанымыздың жарқын болашағы үшін жұмсап, ел игілігін еселеу жолында ерен еңбек атқаруда. Nur Otan пар­тия­сының кезекті ХVIII съезінде жариялаған «Бақытты отбасы», «Халыққа көмек», «Құтты ме­кен», «Ауыл – ел бесігі» жалпы­ұлттық жобалары – осының ай­қын сипаты. Елімізде жүргізіліп отырған мемлекеттік саясат пен Nur Otan партиясы бағдарлама­сы­ның басты мақсаты бір, ол – халықтың тұрмыс-тіршілігін жақ­сарту, әл-ауқатын арттыру. Бірлесіп атқарған жұмыстардың нәтижесінде Қазақстан әлемнің озық 30 мемлекетінің қатарына кіру мұратын уақытынан бұрын орындайды деп сенемін, – деді Н.Аманұлы.
Жиын соңында облыстық пар­тия филиалы конферен­циясына делегаттар сайланды.

Абылайхан ЖҰМАШ