دەر كەزىندە قابىلدانعان شەشىم

1114
0
بولىسۋ:

– پرەزيدەنتتىڭ كەزەكتەن تىس سايلاۋىنىڭ 9 ماۋسىمعا بەلگىلەنۋى – دەر كەزىندە قابىلدانعان شەشىم. مۇنى حالىق ەكى كوزى تورت بولىپ كۇتىپ وتىر. ەلباسىنىڭ شەشىمىنەن كەيىن قازاقستاندىقتار بىرشاما الاڭداعان بولاتىن. «كىم پرەزيدەنت بولادى, ەلدىڭ دامۋى ارى قاراي قالاي جۇرەدى?» دەپ ىشتەي اركىم ويلايتىنى انىق. سول تۇرعىدان العاندا, سايلاۋدى وتكىزۋ وتە دۇرىس ارى ورىندى, زاڭدى دەپ سانايمىن. ەكىنشى جاعىنان, حالىقارالىق قوعام دا قازاقستانعا كوز تىگىپ وتىر. ەندى بيلىك ترانزيتىن ابىرويمەن اياقتاپ, سايلاۋدى بارىنشا اشىق ارى ادىل وتكىزۋ مىندەتى تۇر. وسىلايشا, ەلىمىزدىڭ تۇراقتىلىعىن, ىنتاماق-بىرلىگىن بۇرىنعى قالپىندا ساقتاپ قالۋ ماڭىزدى. سونداي-اق ەلباسىنىڭ سالعان سارا جولىن جالعاپ, ساياساتىن گۇلدەندىرەتىن, دامىتاتىن باسشى كەلەدى دەپ ويلايمىز. ويتكەنى نۇرسۇلتان ابىشۇلىنىڭ مەملەكەت قالىپتاستىرۋدا, باسقارۋدا سىڭىرگەن ەڭبەگى وراسان. جاڭا پرەزيدەنتتىڭ الدىندا دا سونداي كورنەكتى ارى تابىستى باسشى بولۋ مىندەتى تۇر. وسىنداي ماڭىزدى ساتتە بارشا قازاقستاندىق قالىس قالماي, بەلسەنە ات سالىسسا دەيمىز.

مايرا ايسينا,
ماجىلىس دەپۋتاتى,
Nur Otan فراكتسيياسىنىڭ مۇشەسى

بولىسۋ: