«ورداباسىعا» اۋىسقان ويىنشى جايلى نە بىلەمىز? (ۆيدەو)

408
0
بولىسۋ:

 بىرەر كۇن بۇرىن عانا شىمكەنتتىك «ورداباسى» وز قاتارىن زيگي باديبانگا ەسىمدى بەلگيالىق فۋتبولشىمەن تولىقتىردى. 27 جاستاعى فۋتبولشى وز وتانىندا «اندەرلەحت», «شارلەرۋا» , گوللاندييالىق «دە گرافسحاپە», گرەكييالىق «ەرگوتەليس», «استەراس», كيپرلىك «ومونييا» جانە مولدوۆالىق «شەريف» كوماندالارىندا ويناعان.

باديبانگا جاسوسپىرىم شاعىندا بەلگييانىڭ جاستار قۇراماسىنا (U-19 جانە U-21) شاقىرتۋ العان. بىراق ودان كەيىن ۇلتتىق قۇراماعا شاقىرتۋ الماعان. سوندىقتان ول الداعى ۋاقىتتا وزىنىڭ شىققان تەگى – كونگو در قۇراماسىنا بارىپ قالۋى ابدەن مۇمكىن.

كاسىبي مانسابىندا – بەلگييا چەمپيوناتىن, كۋبوگى مەن سۋپەركۋبوگىن, مولدوۆا سۋپەركۋبوگىن جەڭىپ العان. 2017 جىلى مولدوۆا چەمپيوناتىنىڭ ەڭ ۇزدىك لەگيونەرى اتاندى.

2017 جىلى وعان يتالييالىق «دجەنوا», «تورينو», رەسەيلىك «دينامو», «ۋفا», «روستوۆ» كلۋبتارى قىزىعۋشىلىق تانىتتى.

بىلتىرعى ماۋسىمدا ول 30 ماتچتا 12 گول سوعىپ, 8 ناتيجەلى پاس شىعارعان. ەۋروكۋبوكتارداعى تاجىريبەسى دە وتە باي. چەمپيوندار ليگاسى مەن ەۋروپا ليگاسىندا جالپى سانى 36 كەزدەسۋدە الاڭعا شىعىپ, 9 گول سالىپ, 3 ناتيجەلى پاس بەرگەن.

Transfermarkt.de باعالاۋىنشا ونىڭ ترانسفەرلىك قۇنى – 1,5 ملن ەۋرو. ول نەگىزىنەن وڭ قاپتالداعى ۆينگەر مىندەتىن اتقارادى. قاجەت بولسا ورتالىق شابۋىلشى, ەكىنشى شابۋىلشى, شابۋىلداۋشى حاۆبەك پوزيتسييالارىندا دا ويناي بەرەدى.

قازىر «ورداباسى» قازاقستان چەمپيوناتىنىڭ ۇشىنشى تۋرىنان كەيىن 7 ۇپاي جيناپ تورتىنشى ورىندا كەلە جاتىر. شىمكەنتتىك ۇجىم كەلەسى كەزدەسۋىن 6 ساۋىر كۇنى تالدىقورعاندىق «جەتىسۋعا» قارسى وتكىزەدى.

اباي قازبەكۇلى

بولىسۋ: