مادينا ابىلقاسىموۆا – ۇلتتىق بانك توراعاسىنىڭ ورىنباسارى

1634
0
بولىسۋ:

مادينا ابىلقاسىموۆا ۇلتتىق بانك توراعاسىنىڭ ورىنباسارى بولىپ تاعايىندالدى, دەپ حابارلايدى Tengrinews.kz پورتالى.

«مەملەكەت باسشىسىنىڭ وكىمىمەن مادينا ابىلقاسىموۆا ۇلتتىق بانك توراعاسىنىڭ ورىنباسارى بولىپ تاعايىندالدى» دەلىنگەن حابارلامادا.

ايتا كەتەيىك, مادينا ابىلقاسىموۆا بۇعان دەيىن قازاقستان رەسپۋبليكاسىنىڭ  ەڭبەك جانە الەۋمەتتىك قورعاۋ مينيسترى بولىپ قىزمەت اتقاردى. 21 اقپان كۇنى ەلباسى ۇكىمەتتى وتستاۆكىگە جىبەرىپ, مادينا ابىلقاسىموۆا قىزمەتسىز قالعان بولاتىن. ول ناۋرىزدىڭ 12-ى كۇنى ۇلتتىق ەكونوميكا مينيسترىنىڭ بىرىنشى ورىنباسارى قىزمەتىنە كىرىستى. الايدا بۇل جۇمىستى ول جارتى اي عانا اتقاردى.

 

مادينا ابىلقاسىموۆا 1978 جىلى 1 تامىزدا تۋعان.

1999 جىلى قازاق مەملەكەتتىك باسقارۋ اكادەميياسىن «حالىقارالىق ەكونوميكالىق قاتىناستار» ماماندىعى بويىنشا بىتىرگەن.

2002 جىلى كولۋمبييا ۋنيۆەرسيتەتىن حالىقارالىق قاتىناستار ماگيسترى دارەجەسىمەن «ەكونوميكالىق ساياساتتى باسقارۋ» ماماندىعى بويىنشا بىتىرگەن.

2011 جىلى گارۆارد ۋنيۆەرسيتەتىنىڭ كەننەدي اتىنداعى مەملەكەتتىك باسقارۋ مەكتەبىن «مەملەكەتتىك باسقارۋ ماگيسترى» ماماندىعى بويىنشا بىتىرگەن ەڭبەك جولىن 1999 جىلدان 2001 جىلعا دەيىن – قازاقستان رەسپۋبليكاسىنىڭ ستراتەگييالىق جوسپارلاۋ اگەنتتىگىنىڭ باس مامانى بولىپ باستاعان.

2003 جىلدان 2004 جىلعا دەيىن – قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگىنىڭ ستراتەگييالىق جوسپارلاۋ باسقارماسىنىڭ باستىعى.

2004 جىلدان 2006 جىلعا دەيىن – «ماركەتينگتىك-تالدامالىق زەرتتەۋلەر ورتالىعى» اق مەملەكەتتىك ساياساتتى تالداۋ دەپارتامەنتىنىڭ ديرەكتورى.

2006 جىلعى اقپاننان 2008 جىلعى ناۋرىزعا دەيىن – قازاقستان رەسپۋبليكاسىنىڭ پرەمەر-مينيسترى كەڭسەسىنىڭ الەۋمەتتىك-ەكونوميكالىق بولىم مەڭگەرۋشىسىنىڭ ورىنباسارى.

2008 جىلعى ناۋرىزدان 2011 جىلعى قىركۇيەككە دەيىن – قازاقستان رەسپۋبليكاسى پرەزيدەنت اكىمشىلىگىنىڭ ستراتەگييالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى.

2011 جىلعى قىركۇيەكتەن 2013 جىلعى اقپانعا دەيىن – قازاقستان رەسپۋبليكاسىنىڭ ەكونوميكالىق دامۋ جانە ساۋدا ۆيتسە-مينيسترى.

2012 جىلدان باستاپ دۇنيەجۇزىلىك بانكتىڭ قازاقستانداعى باسقارۋشىسىنىڭ ورىنباسارى 2013 جىلعى اقپاننان 2014 جىلعى تامىزعا دەيىن – قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە-مينيسترى.

2018 جىلدىڭ اقپان ايىنان باستاپ 2019 جىلدىڭ اقپانىنا دەيىن ەڭبەك جانە حالىقتى الەۋمەتتىك قورعاۋ مينيسترى قىزمەتىن اتقارعان.

«ايقىن» اقپارات

 

بولىسۋ: