جاھان عالىمدارىنىڭ قاتىسۋىمەن فارابي وقۋلارى وتەدى

885
0
بولىسۋ:

ال-فارابي اتىنداعى قازاق ۇلتتىق ۋنيۆەرسيتەتى ساۋىر ايىنىڭ 2-12 جۇلدىزى ارالىعىندا VI حالىقارالىق فارابي وقۋلارىن وتكىزەدى.

2014 جىلدان باستاپ ال-فارابي اتىنداعى قازاق ۇلتتىق ۋنيۆەرسيتەتى ار تۇرلى باعىتتاعى وزەكتى عىلىمي, ساياسي جانە الەۋمەتتىك ماسەلەلەردى تالقىلايتىن اشىق الاڭ رەتىندە جىلسايىنعى حالىقارالىق فارابي وقۋلارىن وتكىزۋ داستۇرگە اينالعان.
VI حالىقارالىق فارابي وقۋلارى اياسىندا مەملەكەت پەن تۇلعانى, قوعامدى دامىتۋداعى ماسەلەلەردى شەشۋ ۇشىن شەتەلدىك جانە قازاقستاندىق عالىمداردىڭ كۇش-جىگەرىن بىرىكتىرۋگە باعىتتالعان ىرى حالىقارالىق عىلىمي ىس-شارالار وتەدى.
فارابي وقۋلارىنا قازاقستان ۋنيۆەرسيتەتتەرى مەن جاقىن جانە الىس شەت ەلدەردىڭ عىلىمي مەكەمەلەرىنىڭ عالىمدارى, وقىتۋشىلارى مەن ستۋدەنتتەرى قاتىسادى.

فارابي وقۋلارى شەڭبەرىندە كەلەسى ىس-شارالار:

  • 2-3 ساۋىرىندە «ال-فارابي جانە قازىرگى زامان» VI حالىقارالىق فارابي فورۋمى;

  • 3-12 ساۋىر ارالىعىندا فاكۋلتەتتەردىڭ حالىقارالىق عىلىمي كونفەرەنتسيياسى;

  • 8-11 ساۋىر ارالىعىندا «فارابي الەمى» ستۋدەنتتەر مەن جاس عالىمداردىڭ حالىقارالىق عىلىمي كونفەرەنتسيياسى وتەدى.

عىلىمي-تەحنيكالىق ىس-شارالار وگايو ۋنيۆەرسيتەتىنىڭ (اقش), حاماد بين حاليفا ۋنيۆەرسيتەتى يسلامدىق زەرتتەۋلەر كوللەدجىنىڭ (كاتار), ەكسەتەر ۋنيۆەرسيتەتىنىڭ گۋمانيستىك بيوارحەولوگييا ورتالىعىنىڭ (ۇلىبريتانييا), فرانكوفونييا حالىقارالىق اگەنتتىگىنىڭ (رۋمىنييا), پۋسان ۋنيۆەرسيتەتىنىڭ (وڭتۇستىك كورەيا), كاير ۋنيۆەرسيتەتىنىڭ (ەگيپەت), چەليابى مەملەكەتتىك تاريحي-مادەني «اركايم» قورىعى مەن رعا فيلوسوفييا ينستيتۋتىنىڭ (رەسەي) جانە ت.ب. عالىمدارىنىڭ قاتىسۋىمەن وتەدى.

بولىسۋ: