«Astana musical» تەاترى رەي كۋنيدىڭ پەساسىن ۇسىنۋدا

154
0
بولىسۋ:

«Astana musical» مەملەكەتتىك تەاترى  العاش رەت اعىلشىن دراماتۋرگى رەي كۋنيدىڭ «№13» كومەديياسىن ۇسىنۋدا. قويىلىم كەشەدەن باستاپ ۇش كۇن قاتارىنان كەشكى ساعات 19.00-دە «قازاقستان» ورتالىق كونتسەرت زالىنىڭ كامەرالىق زالىندا وتۋدە.

«№13» پەساسى – سوڭعى ونجىلدىقتاعى ەڭ ۇزدىك كومەدييالاردىڭ بىرى. رەي كۋنيدىڭ بۇل تىرناقالدى تۋىندىسى 1991 جىلى اعىلشىن كومەديياسىنىڭ ۇزدىگى دەپ تانىلىپ, وليۆە لوۋرەنس اتىنداعى سىيلىقتى يەلەنگەن.

وقيعا جەلىسى قوناقۇيدەگى №13 بولمەدە باستالادى. سيۋجەت نەگىزىنەن ۇش كەيىپكەردىڭ اراسىندا وربيدى. ەكەۋى – بەدەلدى ساياساتكەر مەن ونىڭ حاتشىسى. ۇشىنشى ارتىق ادام – ەكى كوڭىلدەستىڭ كەزدەسۋىن بۇزعان قاراقشىنىڭ مايىتى. ابىرويىنا نۇقسان كەلتىرمەۋ ۇشىن باس كەيىپكەر پوليتسيياعا دا حابارلاسا المايدى. كۇتپەگەن جەردەن مايىتكە تاپ بولعان كوڭىلدەستەر ودان قۇتىلۋدىڭ امالىن ىزدەيدى.

قويىلىمداعى قايتالانباس سيۋجەت, بىر مەزەتتىك ۇرەي, مانساپقورلىقتىڭ كەسىرىنەن ورىن الاتىن شەكسىز بىلىق ادام بولمىسىنىڭ شىنايىلىعىن اشا تۇسەدى. كومەدييانىڭ قويۋشى رەجيسسەرى – قازاقستاننىڭ تۇڭعىش پرەزيدەنتى – ەلباسى قورى سىيلىعىنىڭ يەگەرى,PhD دوكتورى ەسليام نۇرتازين بولدى.

«ايقىن» اقپارات

Cۋرەتتەر: سوۆەتبەك ماعزۇموۆ

بولىسۋ: