قازاق بالاسى يلون ماسكقا كاپسۋلا ازىرلەدى (ۆيدەو)

845
0
بولىسۋ:

 Spaceح, Hyperloop سەكىلدى مەگا جوبالار امەريكالىق كاسىپكەر يلون ماسكقا تيەسىلى. ول Forbes تىزىمىندەگى 54-ورىندا تۇر. 2015 جىلى SpaceX كاليفورنييادا ارنايى پوليگون سالىپ, Hyperloop Pod Competition جوباسىنا ستۋدەنتتىك كوماندا جيناۋ ۇشىن تۋرنير جارييالاعان. مىنە, يلون ماسكتىڭ Hyperloop جوباسىنا 21 جاستاعى قازاق بالاسى ترانسپورتتىق كاپسۋلا ازىرلەگەن. بۇل كاپسۋلا – قۇبىرلىق جەلى جوعارى جىلدامدىقپەن قوزعالۋعا مۇمكىندىك بەرەدى. سانجار تايجاننىڭ بۇل جوباسى 1600-دەن استام وتىنىشتەن 50 ۇزدىككە ەنگەنىن Forbes جۋرنالى جارييالاعان. جاس عالىمنىڭ وزىمەن حابارلاسىپ, وسى جايىندا جازۋدى جون كوردىك.

سانجاردىڭ تەگى كىم?

Hyperloop Pod Competition جوباسىنىڭ ەندىگى ارالىق قورىتىندىسى بيىل جارييالانادى. بۇل كەزەڭدە ەڭ ۇزدىك دەپ تانىلعان 20 جوبا ىرىكتەلەدى. قىزىعى, جاس عالىم قوعام قايراتكەرى مۇحتار تايجاننىڭ ۇلى ەكەن. تىپتى وسى جوباسى جايىندا مۇحتار تايجان Facebook پاراقشاسىندا بولىسكەن.

سانجاردىڭ ايتۋىنشا, 2013 جىلى ەشلي ۆەنستىڭ «يلون ماسك: Tesla, SpaceX جانە تاڭعاجايىپ بولاشاق» اتتى كىتابىن وقىپ, ينجەنەريياعا ىقىلاسى ويانعان. سودان باستاپ يلون ماسك ۇلگى تۇتار تۇلعاسىنا اينالعان. «يلون ماسكتىڭ: «ارقايسىمىز وز سالامىز بويىنشا مىنا الەمگە ەشكىم ويلاپ تاپپاعان جاڭا دۇنيەلەردى بەرۋىمىز كەرەك» دەگەن سوزى قاتتى اسەر ەتتى», – دەيدى ول.

سانجار بالا كۇنىنەن ساندارعا اۋەس, ەسەپكە ەپتى بولىپ وسكەن. سول كەزدىڭ وزىندە-اق, كوشەدەگى كولىكتەردىڭ نومىرىن جاتتاپ الادى ەكەن. مەكتەپ بارعاننان باستاپ, ماتەماتيكا مەن فيزيكاعا ىڭعايلانادى. تىپتى 9-سىنىپتا رەسپۋبليكالىق فيزيكا-ماتەماتيكا مەكتەبىنە وقۋعا تۇسەدى. «مەكتەپ ماقتانىشى» دەگەن اتپەن بىتىرگەن سوڭ, كەمبريدجدەگى Bellerbys كوللەدجىنىڭ A-level بولىمىنە وقۋعا تۇسەدى. 2016-2017 جىلى «ۇزدىك ستۋدەنت» اتانادى. سويتىپ, 2017 جىلى ۇلىبريتانييانىڭ ەڭ ۇزدىڭ 10 بىلىم ورداسىنىڭ قاتارىنا كىرەتىن Warwick ۋنيۆەرسيتەتىنە تۇسەدى.

سانجاردىڭ ارمانى

«بۇل وقۋ ورنى دال وسى ماشينا قۇراستىرۋ سالاسى بويىنشا الەمنىڭ ەڭ ۇزدىك ۋنيۆەرسيتەتى بولىپ ەسەپتەلەدى», – دەيدى سانجار. شىنىمەن دە, بۇل بىلىم ورداسى QS رەيتينگى بويىنشا الەمنىڭ الدىڭعى قاتارلى 60 ۋنيۆەرسيتەتىنىڭ ساپىنا ەنەدى. 2015 جىلى كاليفورنييادا SpaceX ارنايى پوليگون سالىپ, Hyperloop Pod Competition جوباسىنا ستۋدەنتتىك كوماندا جيناۋ ۇشىن تۋرنير جارييالاعان. ال سانجاردىڭ ارمانى – يلون ماسكتىڭ Hyperloop جوباسىنا ارنالعان ترانسپورتتىق كاپسۋلا ازىرلەۋ جارىسىنا قاتىسۋ. بۇل ترانسپورتتىق كاپسۋلا – قۇبىرلىق جەلى جوعارى جىلدامدىقپەن قوزعالۋعا مۇمكىندىك بەرەدى.

سويتىپ, سانجار وزى وقيتىن Warwick ۋنيۆەرسيتەتىنەن كوماندا جاساقتاي باستايدى.         اۋەلگى كەلىپ تۇسكەن  200 وتىنىشتىڭ ىشىنەن 60 ادامدى ىرىكتەپ الىپ, Warwick Hyperloop Team دەگەن كوماندا قۇرادى. 2018 جىلدىڭ اقپان ايىنان باستاپ, كاپسۋلا قۇراستىرۋ ىسىنە بەل شەشە كىرىسەدى. جوسپار بويىنشا قاراي كاپسۋلا كۇزگە ازىر بولۋى كەرەك. «بۇل جوبا ۇشىن كوپ دۇنيەدەن, تىپتى, دوستارىممەن ارالاسۋدان دا باس تارتۋعا تۋرا كەلدى», – دەگەن سانجار اقىرىندا ماقسات تۇتقان كاپسۋلانى قۇراستىرىپ شىعادى. 3D نۇسقاسىن دايىنداپ بىتكەن سوڭ, ونى سىناقتان وتكىزبەكشى. سودان سيممۋلياتور باعدارلاماسىندا تەستىلىك سىناق جاسايدى. بۇدان بولەك, جىگىتتەردىڭ قولىندا بىر جارىم مەترلىك پروتوتيپتى ۋنيۆەرسيتەتتەگى اەروديناميكالىق قۇبىردا سىناقتان وتكىزەدى. ارتىنان سانجار كومانداسىمەن وز كاپسۋلاسىنىڭ ۆيرتۋالدى نۇسقاسىن Hyperloop Pod Competition جوباسىنا جىبەرگەن.

– بىزدىڭ كاپسۋلا 11-12 سەكۋندتا 500 كم/ساعات جىلدامدىق  الدى. بۇل كاپسۋلامىز  Bugatti, «Tesl»a تىپتى, Boeing ۇشاعىنان دا جىلدام ەكەنىن كورسەتەدى, – دەيدى سانجار تايجان.

 جاس عالىمنىڭ جەتىستىگى

قاراشا ايىندا ولارعا رەسمي جاۋاپ كەلىپ, ولاردىڭ جوباسى 52-ورىندا تۇرعانى جانە ۇزدىكتەر قاتارىنا ەنگەنى ايتىلعان. نەگىزى, بۇل جوباعا الەمنىڭ تۇكپىر-تۇكپىرىنەن 1600-دەن استام وتىنىش كەلىپ تۇسكەن ەكەن. Hyperloop Pod Competition  جوباسىنىڭ ەندىگى ارالىق قورىتىندىسى بيىل جارييالانادى. بۇل كەزەڭدە ەڭ ۇزدىك دەپ تانىلعان 20 جوبا ىرىكتەلەدى ەكەن. دەمەك, بۇل 20 جوبانىڭ اۆتورلارى يلون ماسكپەن جەكە كەزدەسۋى مۇمكىن. Warwick Hyperloop Team دەپ اتالاتىن سانجاردىڭ كومانداسى بۇعان ەنبەي قالسا دا كوماندانىڭ تارقامايتىنىن جەتكىزدى. «بىز انگلييادا العاش بولىپ Hyperloop قۇراستىرماقپىز . جوبامىز ۇلىبريتانييانىڭ ۇكىمەتتىك قۇرىلىمىنىڭ دا قىزىعۋشىلىعىن تۋدىرعان. تىپتى كوماندانى كومپانييا رەتىندە تىركەپ, ۇكىمەتتىك گرانتتارعا قاتىسۋ تۋرالى ۇسىنىس ايتىلعان», – دەدى سانجار. ونىڭ ايتۋىنشا, ماسكتىڭ جارىسىنا قولداۋ كورسەتكەن Warwick Manufacturing Group پەن Advanced Propulsion Centre اراسىندا تەستىلىك ترەك قۇرىلىسىن باستاۋ جونىندەگى كەلىسىم بار ەكەن. مىنە, قازاق بالاسىنىڭ جوباسى الەمنىڭ نازارىندا دەسەك تە بولادى.

 

انار قونىس

بولىسۋ: