كالەتاەۆ قىزمەتىن تاعى اۋىستىردى

1360
0
بولىسۋ:

مەملەكەت باسشىسىنىڭ جارلىعىمەن دارحان امانۇلى كالەتاەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ بىرىنشى ورىنباسارى بولىپ تاعايىندالدى.

ايتا كەتەيىك, كالەتاەۆ 1 ناۋرىزدا پرەمەر-مينيستر كەڭسەسىنىڭ باسشىسى قىزمەتىنە تاعايىندالعان ەدى.

دارحان كالەتاەۆ 1972 جىلى شىعىس قازاقستان وبلىسىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن «تاريح» ماماندىعى بويىنشا, مەملەكەتتىك باسقارۋ ۇلتتىق جوعارى مەكتەبىن «مەملەكەتتىك باسقارۋ مەنەدجەرى» ماماندىعى بويىنشا تامامداعان. ساياسي عىلىمدار دوكتورى.

ەڭبەك جولىن 1995 جىلى قر مينيسترلەر كابينەتىنىڭ تىلدەر كوميتەتىنىڭ مامانى رەتىندە باستاعان. بىلىم جانە مادەنيەت, اقپارات جانە قوعامدىق كەلىسىم مينيسترلىكتەرىنىڭ قۇرىلىمىندا جۇمىس ىستەگەن.

2001-2002 جىلدارى مادەنيەت جانە قوعامدىق كەلىسىم مينيسترلىگىنىڭ ىشكى ساياسات دەپارتامەنتى ديرەكتورىنىڭ ورىنباسارى, كەيىن اقپارات جانە قوعامدىق كەلىسىم مينيسترلىگىنىڭ جاستار ساياساتى دەپارتامەنتىنىڭ ديرەكتورى بولىپ جۇمىس ىستەدى.

2002 جىلدان باستاپ – قر پرەزيدەنتى اكىمشىلىگىنىڭ سەكتور مەڭگەرۋشىسى, ىشكى ساياسات بولىمىنىڭ مەڭگەرۋشىسى, الەۋمەتتىك-ساياسي بولىم مەڭگەرۋشىسى, مەملەكەتتىك باقىلاۋ جانە ۇيىمداستىرۋ بولىمىنىڭ مەڭگەرۋشىسى قىزمەتىن اتقارعان.

2007-2008 جىلدارى – قر پرەزيدەنتى اكىمشىلىگى باسشىسىنىڭ ورىنباسارى, 2008-2009 جىلدارى – «نۇر وتان» حدپ توراعاسىنىڭ بىرىنشى ورىنباسارى, 2009-2016 جىلدارى – «سامۇرىق-قازىنا» ۇلتتىق ال-اۋقات قورى» اق باسقارۋشى ديرەكتورى قىزمەتتەرىن اتقارعان.

بولىسۋ: