ماۋلەن اشىمباەۆ: ۇلى تۇلعا رەتىندە تاريحتا ماڭگى قالادى

269
0
بولىسۋ:

نۇرسۇلتان نازارباەۆ قازاقتىڭ مەملەكەتتىلىگىن قايتا جانداندىرعان ۇلى تۇلعا رەتىندە تاريحتا ماڭگى قالادى.

دەموكراتييالىق كۇشتەردىڭ «قازاقستان — 2050» جالپىۇلتتىق كواليتسيياسىنىڭ كەزەكتى وتىرىسىندا Nur Otan پارتيياسى توراعاسىنىڭ بىرىنشى ورىنباسارى ماۋلەن اشىمباەۆ ەلباسىنىڭ ەڭبەگىن ەرەكشە ايتتى.

«دەموكراتييالىق كۇشتەردىڭ جالپىۇلتتىق كواليتسيياسىنىڭ بۇگىنگى وتىرىسى ەل تاريحىنداعى اسا ماڭىزدى كەزەڭدە وتىپ وتىر. وزدەرىڭىزگە بەلگىلى, 19 ناۋرىز كۇنى قازاقستان رەسپۋبليكاسىنىڭ تۇڭعىش پرەزيدەنتى — ەلباسى نۇرسۇلتان ابىشۇلى نازارباەۆ حالىققا ۇندەۋىن جارييالاپ, وزىنىڭ پرەزيدەنتتىك وكىلەتتىگىن توقتاتاتىنىن مالىمدەدى. مۇنداي شەشىمنىڭ بىر ساتتە قابىلدانباعانى بارشامىزعا تۇسىنىكتى. ول ۇشىن نۇرسۇلتان ابىشۇلىنىڭ ۇزاق ويلانىپ, بارلىق ماسەلەلەردى ابدەن سارالاپ, سالماقتاعانى انىق. ەلباسىمىز قاشاندا ەل مەن حالىقتىڭ مۇددەسىن بىرىنشى كەزەككە قويىپ, اردايىم دۇرىس شەشىمدەر قابىلدايتىنى بەلگىلى», — دەدى ماۋلەن اشىمباەۆ.

قازاق ەلى ۇشىن ەلباسىنىڭ ەسىمى قاشاندا قۇرمەتكە لايىق.

«قازىردىڭ وزىندە ەلىمىزدىڭ تۇڭعىش پرەزيدەنتىنىڭ ەسىمى تاۋەلسىز مەملەكەتىمىزدىڭ نەگىزىن قالاۋشى, بارلىق رەفورمالاردىڭ اۆتورى, الەمدىك دەڭگەيدەگى ساياساتكەر تاريحىمىزعا التىن ارىپتەرمەن جازىلاتىنى سوزسىز. ەلباسى قازاقستاندى كەڭەس وداعىنىڭ ارتتا قالعان رەسپۋبليكالارىنىڭ بىرىنەن زاماناۋي, دامىعان, بۇكىل الەم بىلەتىن الدىڭعى قاتارلى مەملەكەتكە اينالدىردى. ەلباسىمىزدىڭ ەكونوميكالىق جانە ساياسي رەفورمالارى مەن اۋقىمدى جاڭعىرۋ باعدارلاماسى ەلىمىزدىڭ جان-جاقتى دامۋىن قامتاماسىز ەتتى», — دەدى ماۋلەن اشىمباەۆ.

Nur Otan پارتيياسى توراعاسىنىڭ بىرىنشى ورىنباسارى حالىقتىڭ ال-اۋقاتىنىڭ ەسەلەپ وسۋى دە نۇرسۇلتان ابىشۇلىنىڭ ەڭبەگى ەكەنىن اتاپ وتتى.

«قازىرگى تاڭدا بۇكىل الەم بىزدىڭ ەلىمىزدى بىتىمگەرشىلىك باستامالارى ارقىلى دا وتە جاقسى تانيدى. قازاقستاننىڭ استاناسى ەڭ وزەكتى جاھاندىق ماسەلەلەردى تالقىلاپ, وڭ شەشىم شىعاراتىن حالىقارالىق ورتالىققا دا اينالدى. سوندىقتان نۇرسۇلتان ابىشۇلى نازارباەۆ قازاقستان تاريحىندا تاۋەلسىز مەملەكەتتىڭ نەگىزىن قالاعان, قازاقتىڭ مەملەكەتتىلىگىن قايتا جانداندىرعان ۇلى تۇلعا رەتىندە ماڭگى قالادى. سول سەبەپتى, قازىرگىدەي تاريحي كەزەڭدە قازاقستاندىق قوعام بىرلىكتى تۋ ەتىپ, ەلباسىنىڭ ستراتەگييالىق ساياساتىنىڭ اياسىندا ارى قاراي بىرىگۋى تيىس دەپ ەسەپتەيمىز. سونداي-اق قوعامىمىز تۇڭعىش پرەزيدەنتىمىز انىقتاپ بەرگەن جولمەن جۇرىپ, وزىنىڭ بىرتۇتاستىعىن جانە جەتىلگەنىن كورسەتۋى قاجەت», — دەدى ماۋلەن اشىمباەۆ.

«ايقىن» اقپارات

 

بولىسۋ: