گولوۆكين قازاقستاندىق بوكسشىنىڭ پروموۋتەرى بولدى (ۆيدەو)

570
0
بولىسۋ:

قازاقستاندىق كاسىپقوي بوكسشى الي احمەدوۆ جاڭا سالماق دارەجەسىندەگى العاشقى جەكپە-جەگىن وتكىزىپ جەڭىسكە جەتتى. 23 جاستاعى بوكسشى سەگىز راۋندتىق كەزدەسۋدە 37 جاستاعى امەريكالىق مايك گايدان باسىم تۇستى.

جەكپە-جەك گولليۆۋدتاعى بوكس كەشىندە وتىپ, قازاقستاندىق بوكسشى ۇپاي سانىمەن جەڭىسكە جەتتى. بۇل كەزدەسۋ – احمەدوۆ ۇشىن ەكىنشى ورتا سالماقتاعى العاشقى جەكپە-جەك بولدى. بۇعان دەيىن ول جارتىلاي اۋىر سالماق ديۆيزيونىندا باسەكەگە تۇسكەن. وسىلايشا, احمەدوۆ كاسىپقوي رينگتە 14 كەزدەسۋ وتكىزىپ, 14 رەت قاتارىنان جەڭىس ولجالاپ وتىر. ال ون كەزدەسۋدى مەرزىمىنەن بۇرىن اياقتاعان.

وقي وتىرىڭىز – بوكس جاڭالىقتارى: گولوۆكين, جانىبەك, باتىر

«مەنى قولداۋعا كەلگەن بارشا جانعا العىس ايتامىن. سونداي-اق ارنايى قازاقستاننان ۇشىپ كەلگەن باۋىرلارىما دا راحمەت. بۇگىن وڭاي كەزدەسۋ بولعان جوق. بۇل – ۇلكەن سپورت, بۇل – بيزنەس. قارسىلاسىم مايك گايعا دا ريزامىن. ول وسال قارسىلاس ەمەس.

وقي وتىرىڭىز – گولوۆكيننىڭ باسپاسوز ماسليحاتىندا ايتقان سوزدەرى (ۆيدەو)

وز-وزىمدى جاقسى سەزىنىپ تۇرمىن. بۇل سالماق كاتەگوريياسى مەن ۇشىن جايلى. ارى قارايعى جەتىستىكتەر ۇشىن جۇمىس ىستەيمىز. الدا بىزدى بۇدان دا مىقتى كەزدەسۋلەر كۇتىپ تۇر.

بۇگىن قارسىلاستى نوكاۋتقا تۇسىرۋگە تىرىسپادىم. جەكپە-جەك ىڭعايىنا قاراي جۇدىرىقتاستىم. ارى قارايعى كارەرامنىڭ قالاي وربيتىنىن مەنىڭ كوماندام شەشەدى. گەنناديي گولوۆكين – مەنىڭ پروموۋتەرىم. ماكسيم گولوۆكين جانە ابەل سانچەس – بىز بارىمىز بىر ۇجىمبىز. وسىنداي مۇمكىندىك ۇشىن وز كومانداما ۇلكەن العىس ايتامىن» دەدى الي احمەدوۆ.

وقي وتىرىڭىز – گولوۆكين قايتا ورالدى

اباي قازبەكۇلى

بولىسۋ: