«تسيفرلى جازعا» ماگيسترانتتار دا قاتىسادى

339
0
بولىسۋ:

«سامۇرىق-قازىنا» اق كومپانييالار توبىندا «تسيفرلىق جاز-2019» تاعىلىمداماسىنىڭ ەكىنشى كەزەڭى باستالادى. باعدارلاما قازاقستاندىق جوعارى وقۋ ورنى ستۋدەنتتەرىنە قوردىڭ ەنشىلەس كومپانييالارىندا تاعىلىمدامادان وتۋگە مۇمكىندىك بەرەدى. وتكەن جىلدىڭ قورىتىندىسى بويىنشا باعدارلاما ناتيجەلى ەكەنىن كورسەتتى. سونىڭ ارقاسىندا, 72 جاس مامان تاعىلىمدامادان وتىپ, ونىڭ 33-ى جۇمىسقا قابىلداندى.

 

بيىل باعدارلامانىڭ تالاپتارى وزگەردى. بۇل تۋرالى بۇگىن باسپاسوز ماسليحاتىندا «سامۇرىق-قازىنا» اق  تسيفرلاندىرۋ جانە ترانسفورماتسييالاۋ جونىندەگى باسقارۋشى ديرەكتورى داۋرەن كەرەيباەۆ مالىمدەدى.

«تسيفرلىق جاز –2019» باعدارلاماسى بويىنشا تاعىلىمدا ارقىلى بىلىمىن شىڭدايتىن جاستاردىڭ ناقتى سانىن قابىلداۋ ماقساتى بەلگىلەنگەن جوق. «سامۇرىق-قازىنا» اق كومپانييالار توبى بىلىكتى كىزمەتكەرلەردى ىرىكتەۋگە مۇددەلى. سوندىقتان بيىل باعلارلاماعا قاتىسۋشىلار ۇشىن تالاپتار وزگەرتىلدى. ەندى قوردىڭ كومپانييالار توبىندا تاعىلىمدامادان وتۋگە نيەت بىلدىرگەن ستۋدەنتتەر ۇشىن 4 دەڭگەيدەن تۇراتىن ىرىكتەۋ قاراستىرىلعان», – دەدى داۋرەن كەرەيباەۆ.

جاڭا تالاپتارعا سايكەس, باكالاۆريات باعدارلاماسىمەن وقيتىن 3,4-كۋرس ستۋدەنتتەرى جانە ماگيسترانتتار باعدارلاماعا قاتىسۋعا مۇكىندىك الادى. ايتا كەتەتىن جايت, بيىل ىرىكتەۋ كەزەڭى تورت دەڭگەيدەن تۇرادى: باعدارلامانىڭ رەسمي سايتىندا تىركەلۋ جانە ونلاين IT تەست, IT ماماندىعىنىڭ باعىتى بويىنشا تاپسىرمانى شەشۋ جانە قابىلەتتىلىكتى تەكسەرەتىن تاپسىرما. اقپاراتتىق تەحنولوگييالارعا دەگەن قىزىعۋشىلىق جانە قور كومپانييالارىندا ىت سالانىڭ دامۋىنا ۇلەس قوسۋ باعدارلامانىڭ نەگىزگى تالابى بولىپ سانالادى.

تاعىلىمداماعا قاتىسۋ ۇشىن كاسىبي تاجىريبەنىڭ بولۋى مىندەتتى ەمەس. اقپاراتتىق جۇيەلەر مەن ينفراقۇرىلىمدى اكىمشىلەندىرۋ, جوبالىق باسقارۋ, باعدارلامالاۋ, قوسىمشالار ارحيتەكتۋراسى, اقپاراتتىق قاۋىپسىزدىك قاعيدالارى سالاسىندا نەگىزگى بىلىم قاجەت.

جوعارعى وقۋ ورىندارىن 2019, 2020 جىلى بىتىرەتىن باكالاۆر جانە ماگيستراتۋرا  ستۋدەنتتەرى «تسيفرلىق جاز – 2019» باعدارلاماسىنىڭ رەسمي سايتىنا  http://digital-summer.sk.kz كىرىپ, وتىنىم قالدىرا الادى.

باعدارلاماعا وتىنىم بەرۋ كەزەڭى 7 ساۋىرگە دەيىن جالعاسادى. تاعىلىمداما شىلدەنىڭ 17-سى – تامىزدىڭ 29-ى ارالىعىندا استانا, الماتى, وسكەمەن, پاۆلودار جانە اتىراۋ قالالارىندا وتەدى.  باعدارلاماعا قاتىسۋ ۇشىن ستۋدەنتتەر قوردىڭ رەسمي سايتىنا كىرىپ, اقپاراتتىق تەحنولوگييالارعا بايلانىستى 20 سۇراقتان تۇراتىن تەستىدەن وتۋى كەرەك. بۇل ىرىكتەۋدەن وتكەن جاستار قور توبىنداعى كومپانييا وكىلدەرىمەن سۇحباتقا شاقىرىلادى. ۇزدىك تانىلعان ۇمىتكەرلەر تاعىلىمداما باعدارلاماسىنىڭ قاتىسۋشىسى اتانادى. ايتا كەتكەن جون, بيىل باعدارلاماسى اياسىندا تالىم الۋشىلارعا شاكىرتاقى تولەنەدى.

وقىتۋ باعدارلاماسىن قور جەتەكشى ىت كومپانييالارمەن  بىرلەسە ازىرلەدى.  تاعىلىمدامادان وتەتىن جاستار قۇندى تاجىريبە جيناپ, بىلىم الادى. بۇل وز كەزەگىندە ولارعا باسەكەلەستىگى جوعارى ىت سالاسىندا ارتىقشىلىققا يە بولىپ,  SAP, Microsoft, Oracle, Cisco, HP, IBM, Huawei كومپانييالارىنىڭ ونىمدەرىمەن جۇمىستى شىڭداي الادى.

ەسكە سالا كەتەيىك, «تسيفرلىق جاز» باعدارلاماسى 2018 جىلى ىسكە قوسىلدى. «سامۇرىق-قازىنا» اق 2018 جىلعى قىزمەتىنىڭ قورىتىندىسى بويىنشا وتكىزىلگەن باسپاسوز ماسليحاتىندا قوردىڭ باسقارما توراعاسى احمەتجان ەسىموۆ «تسيفرلىق جاز – 2018» باعدارلاماسىنا وڭ باعاسىن بەردى.

«ايقىن» اقپارات

بولىسۋ: