جاڭا تەلەسەرىكتەس تاپقان گولوۆكيننىڭ شارشى الاڭعا قاشان شىعاتىنى بەلگىلى بولدى

1332
0
بولىسۋ:

DAZN ستريمينگتىك كومپانيياسى قازاقستاندىق كاسىپقوي بوكسشى گەنناديي گولوۆكينمەن كەلىسىمشارت جاساسقانى تۋرالى رەسمي مالىمدەدى.

گولوۆكينمەن كەلىسىمشارت جاساۋعا Premier Boxing Champions, Showtime جانە FOX سەرۆيستەرى دە ۇمىتتى بولعان. بىراق بارىن DAZN باسىپ وزعان.

«كانەلو» گولوۆكيننىڭ مىقتىلىعىن مويىندادى

«كەلىسىم جۇزەگە استى! GGG جەكپە-جەكتەرىن DAZN-نان كورىڭىزدەر» دەپ جازدى سەرۆيستىڭ تۆيتتەردەگى پاراقشاسى.

The Ring جۋرنالىنىڭ جازۋىنشا, كەلىسىمگە 7 ناۋرىز كۇنى قول قويىلعان. بۇل تۋرالى رەسمي تۇردە لوس-اندجەلەستە 12 ناۋرىز كۇنى باسپاسوز جيىنىندا حابارلانباق.

ەندى گولوۆكين وسى جىلداعى العاشقى كەزدەسۋىنە ماۋسىم ايىندا شىعادى. ۇش جىلدىق كەلىسىمشارت اياسىندا ول جىلىنا ەكى كەزدەسۋ وتكىزەدى. سونداي-اق DAZN GGG Promotions كومپانيياسىنا 2020 جانە 2021 جىلدارى تورت بوكس كەشىن ۇيىمداستىرۋعا ۋادە ەتىپ وتىر.

گولوۆكيننىڭ DAZN-مەن كەلىسىمگە كەلۋى ونىڭ الۆارەسپەن ۇشىنشى رەت جۇدىرىقتاسۋ مۇمكىندىگىن ارتتىرا تۇسپەك. DAZN-نىڭ اتقارۋشى ديرەكتورى دجون سكيپپەر جانە بەلگىلى پروموۋتەر ەددي حيرن بوكسشىمەن كەلىسىمشارتتى بىرنەشە اي بويى جۇرگىزگەن.

گولوۆكين شارشى الاڭعا سوڭعى رەت بىلتىر قىركۇيەك ايىندا شىعىپ, مەكسيكالىق ساۋل «كانەلو» الۆارەستەن جەڭىلىپ قالعان ەدى. قازاقستاندىق سپورتشىنىڭ وزى جاڭا كەلىسىمى جايلى پىكىر بىلدىردى.

دجەيكوبس: الدىمەن «كانەلونى» جەڭىپ الايىن, سوسىن گولوۆكيننىڭ ەسەسىن قايتارام

«DAZN ىڭعايلى كەلىسىمگە كەلىپ جاڭا بوكس ۇيىنە اينالىپ شىعا كەلدى. مەن وزىمنىڭ كارەرامدى قالاي, قايدا جالعاستىرامىن دەپ ويلانعان كەزدە DAZN-نىڭ ۇستانىمى مەنىڭ ماقساتتارىممەن ساي كەلدى. فاناتتارىما قولداۋ بىلدىرگەنى ۇشىن العىس ايتامىن» دەيدى گولوۆكين.

ەسكە سالساق, HBO كومپانيياسى بوكس ترانسلياتسيياسىن دوعارعاننان كەيىن گولوۆكين تەلەسەرىكتەسسىز قالعان ەدى. بۇل امەريكالىق ارنامەن بىرگە گولوۆكين 2012 جىلدان بەرى جۇمىس ىستەستى.

اباي قازبەكۇلى

بولىسۋ: