«استانا» سۋپەركۋبوك ۇشىن تارتىستا «قايراتتى» جەڭىپ كەتتى (ۆيدەو)

385
0
بولىسۋ:

الماتىنىڭ ورتالىق ستاديونىندا فۋتبولدان قازاقستان سۋپەركۋبوگى ۇشىن بولعان ماچتا ەلوردالىق «استانا» الاڭ يەلەرى «قايراتتان» 2:0 ەسەبىمەن باسىم تۇستى.

قارقىندى باستالعان كەزدەسۋدىڭ 7 مينۋتىندا «استانا» شابۋىلشىسى دجۋنيور كابانانگا ەسەپ اشقان. بۇدان كەيىن دە قوس كوماندادا بىرنەشە مۇمكىندىكتەر بولدى. الايدا بىردە قاقپادان قيىس كەتسە, بىردە قاقپاشىلار شەبەرلىك تانىتىپ جاتتى. ويىننىڭ 66 مينۋتىندا كابانانگا ەكىنشى گولىن سوعىپ, «استانانى» بىرجولا العا شىعاردى.

ماتچتىڭ ۋاقىتىنىڭ اياقتالۋىنا بەس مينۋت قالعاندا «قايرات» شابۋىلشىسى ەسەولا الاڭنان قۋىلىپ, الماتىلىق كلۋب ون ويىنشىمەن ونەر كورسەتۋگە ماجبۇر بولدى.

وسىلايشا, «استانا» قازاقستان سۋپەركۋبوگىن تورتىنشى رەت جەڭىپ الىپ (2011, 2015, 2018, 2019), رەكوردتىق كورسەتكىشكە قول جەتكىزىپ وتىر. الماتىلىقتار بولسا بۇل كۋبوكتى ەكى رەت جەڭىپ العان (2016, 2017).

جالپى, سوڭعى بەس ماتچ قاتارىنان «قايرات» باستى قارسىلاسى «استانانى» جەڭە الاتىن ەمەس. الدىمەن بىلتىر 4 ناۋرىزدا سۋپەركۋبوك كەزدەسۋىندە «استانا» 3:0 ەسەبىمەن جەڭدى. سوسىن 14 ساۋىردە «قايرات» قوناقتا تەڭ وينادى (1:1). قپل اياسىنداعى 24 ماۋسىمدا وتكەن كەزدەسۋدە الماتىلىق كلۋب وز ۇيىندە 1:2 ەسەبىمەن جەڭىلسە, ودان سوڭ 3 قاراشادا سىرت الاڭدا 2:3 ەسەبىمەن جەڭىلدى. ال بۇگىنگى كەزدەسۋ – بەسىنشى ساتسىز تەكەتىرەس رەتىندە تىركەلدى.

 

پوسموترەت ەتۋ پۋبليكاتسييۋ ۆ Instagram

 

ەموتسيي پوسلە ماتچا

پۋبليكاتسييا وت FC Astana (@fca.astana)

قازاقستان پرەمەر-ليگاسىنىڭ ويىندارى كەلەسى اپتادا باستالادى.

اباي قازبەكۇلى

بولىسۋ: