«كانەلو» مەن دجەيكوبس تۇڭعىش رەت باسپاسوز جيىنىن وتكىزىپ, كوز تۇيىستىردى (ۆيدەو)

1085
0
بولىسۋ:

ورتا سالماقتاعى الەم چەمپيونى, مەكسيكالىق ساۋل «كانەلو» الۆارەس پەن وسى ديۆيزيونداعى IBF تيتۋلىنىڭ يەگەرى امەريكالىق دەنيەل دجەيكوبس جەكپە-جەك الدىنداعى باسپاسوز تۋرىن باستاپ كەتتى.

العاشقى باسپاسوز جيىنى نيۋ-يوركتە وتىپ, قارسىلاستار بىر-بىرىمەن كوز تۇيىستىردى.

تۋر اياسىندا بوكسشىلار ۇش بىردەي قالاعا بارادى: 1 ناۋرىز كۇنى مەحيكودا, ودان كەيىن لوس-اندجەلەستە جانكۇيەرلەرىمەن جۇزدەسپەك.

الۆارەس-دجەيكوبس كەزدەسۋى 4 مامىر كۇنى لاس-ۆەگاستاعى T-Mobile ارەنادا وتەدى.

كەزدەسۋگە «كانەلوعا» تيەسىلى WBC, WBA (Super) جانە دجەيكوبسقا تيەسىلى IBF تيتۋلدارى تىگىلىپ وتىر.

بۇعان دەيىن الۆارەس تە, دجەيكوبس تە گولوۆكينمەن جۇدىرىقتاسقان بولاتىن. 2017 جىلدىڭ قاڭتار ايىندا گولوۆكين مەن الۆارەس دال وسى T-Mobile ارەنادا كەزدەسىپ, تەڭ تۇسكەن بولاتىن. ولاردىڭ ەكىنشى جەكپە-جەگى دە دال وسى ارەنادا ۇيىمداستىرىلدى جانە مەكسيكالىق بوكسشىنىڭ جەڭىسىمەن اياقتالدى. تيىسىنشە «كانەلو» GGG-گە تيەسىلى بارلىق تيتۋلداردى تارتىپ الدى. بۇل – گولوۆكيننىڭ كارەراسىنداعى العاشقى جەڭىلىس بولدى.

ال 2017 جىلدىڭ ناۋرىز ايىندا گولوۆكين Madison Square Garden ارەناسىندا دجەيكوبسپەن كەزدەسىپ, WBC, WBA (Super), IBF جانە IBO بەلدىكتەرىن ساتتى قورعاپ قالعان بولاتىن.

اباي قازبەكۇلى

بولىسۋ: