سايلاۋدى باقىلاپ قايتتى

399
0
بولىسۋ:

سەنات توراعاسىنىڭ ورىنباسارى ب.بەكنازاروۆ مولدوۆاداعى سايلاۋ قورىتىندىسى بويىنشا باسپاسوز كونفەرەنتسيياسىن­دا سوز سويلەدى. كيشينەۆتە تاۋەلسىز مەملەكەتتەر دوستاستىعىنىڭ حالىقارا­لىق بايقاۋشىلار ميسسيياسى ۇيىمداستىرعان اقپارات قۇرالدارى وكىلدە­رىمەن كەزدەسۋ مولدوۆانىڭ ححى شاقىرىلعان پارلا­مەنتىنە جەكسەنبىدە وتكەن سايلاۋعا ارنالدى.

وندا سونداي-اق مولدوۆاداعى رەسپۋبليكالىق كەڭەسۋ رەفە­رەن­دۋمىنا مونيتورينگ جۇرگى­زۋدىڭ قورىتىندىلارى جارييا ەتىلدى. بايقاۋشىلاردىڭ بايلامى بو­يىنشا سايلاۋ «زاڭعا سايكەس اشىق, باسەكەلەستىك تۇرعىسىندا جانە ايقىن بولدى». مولدوۆا ور­تالىق سايلاۋ كوميسسيياسىنىڭ داۋىس بەرۋگە ازىرلىگى مەن ونى وتكىزۋ جونىندەگى كاسىبي جۇمى­­سى ەرەكشە اتاپ وتىلدى. بارلىعى
2143 سايلاۋ ۋچاسكەسى, ونىڭ ىشىندە 123-ى – شەتەلدە ۇيىم­داستىرىلدى.
تمد پارلامەنتارالىق اسسامبلەياسىنىڭ بايقاۋشىلار توبىنىڭ ۇيلەستىرۋشىسى, قا­زاق­ستان سەناتى توراعاسىنىڭ ور­ىنباسارى بەكتاس بەكنازاروۆتىڭ ايتۋىنشا, داۋىس بەرۋ كەزىندە تمد پاا بايقاۋشىلارى كي­شي­نەۆتە, بەلتسىدە, گاگاۋزييا اۆتونو­مييالىق اۋماقتىق قۇرى­لىمى مەن ەلدىڭ 6 وڭىرىندەگى 100-گە جۋىق سايلاۋ ۋچاسكەسىندە بولدى.
– بىز پارلامەنتتىك سايلاۋ مولدوۆانىڭ سايلاۋ زاڭناماسى مەن حالىقارالىق سايلاۋ ستان­دارتتارىنا سايكەس وتتى دەپ سا­نايمىز. داۋىس بەرگەن كۇنى مول­دوۆا رەسپۋبليكاسىنىڭ بۇقا­رالىق اقپارات قۇرالدارى سايلاۋ ناۋقانىنىڭ بار اۋقىمىن بەل­سەندى تۇردە قامتىعانىنا كۋا بولدىق. سايلاۋ ۋچاسكەلەرىنە بارعان كەزدە بايقاۋشىلارىمىز جەكەلەگەن ەسكەرتۋلەر جاسادى, بىراق ولار وتە سيرەك بولدى. بىزدىڭ پىكىرىمىزشە, ولار داۋىس بەرۋدىڭ ناتيجەلەرىنە اسەر ەتپەيدى, – دەپ تۇيدى بەكتاس بەكنازاروۆ.
ۇيلەستىرۋشىنىڭ مالىمەتىنشە, قازاقستان, ازىربايجان, ارمە­نييا, بەلارۋس, قىرعىزستان, رە­سەي جا­نە تاجىكستان وكىلدەرىنەن تۇ­را­تىن تمد پاا-نىڭ بارلىق باي­قاۋ­شىلارىنان قۇرالعان مو­ني­تو­رينگ توبىنىڭ قورىتىندىسى بىر­اۋىز­دان ماقۇلدانىپ, قول قويىلدى.

ايحان شارىپ

بولىسۋ: