تەڭگەدە تەك قانا قازاقشا جازىلادى

1185
0
بولىسۋ:

بۇدان بىلاي بانكنوتا مەن مونەتالاردا ماتىندەر تەك قازاق تىلىندە جازىلادى. پرەزيدەنت جارلىعىنا سايكەس وزگەرىس 2018 جىلدىڭ 12 جەلتوقسانىندا ەنگىزىلگەن.

«ۇلتتىق ۆاليۋتا – قازاقستان تەڭگەسى بانكنوتالارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى» №804 جارلىققا ساي بانكنوتا مەن مونەتالاردا قولدانىلاتىن جازبانىڭ ماتىنى ەندى مەملەكەتتىك تىلدە عانا جازىلادى. ال ينۆەستيتسييالىق جانە كوللەكتسييالىق مونەتالاردا شەت تىلدەردىڭ جازبالارىن قولدانۋعا بولادى.

قۇجاتتىڭ الدىڭعى نۇسقاسىندا: «بانكنوتالار مەن مونەتالاردا مەملەكەتتىك جانە ورىس تىلدەرىندەگى جازۋلار پايدالانىلادى. شەت تىلىندە راسىمدەلەتىن باسقا ەلدەردىڭ تاپسىرىستارى بويىنشا دايىندالاتىن كوللەكتسييالىق مونەتالاردى قوسپاعاندا, كوللەكتسييالىق جانە ينۆەستيتسييالىق مونەتالاردا جازۋلاردىڭ ماتىنى مەملەكەتتىك, سونداي-اق ورىس نەمەسە شەت تىلدەرىندە رەسىمدەلەدى», – دەپ جازىلعان ەدى.

«ايقىن» اقپارات

بولىسۋ: