قازاقستان قۇراماسى مولدوۆانى جەڭدى (ۆيدەو)

768
0
بولىسۋ:

فۋتبولدان قازاقستان قۇراماسى انتالييادا وتكەن مولدوۆا قۇراماسىنا قارسى ماتچتا جەڭىسكە جەتتى.

21 اقپان كۇنى وتكەن كەزدەسۋ ميحال بيلەك قۇراما تىزگىنىن ۇستاعالى بەرگى العاشقى ماتچ بولاتىن. دەگەنمەن ويىن فيفا كۇنتىزبەسىنە ساي كەلمەگەندىكتەن رەسمي ماتچ ساناتىنا ەنگەن جوق.

سونداي-اق كەزدەسۋگە كوپتەگەن قازاقستاندىق كلۋبتار وز ويىنشىلارىن جىبەرمەدى. ويتكەنى دال وسى كۇنگە ولاردىڭ وقۋ-جاتتىعۋ جيىندارى بارىسىنداعى كەزدەسۋلەرى جوسپارلانعان. سونىمەن قاتار «روستوۆ» باقتيەر زاينۋتدينوۆتى, «ۋفا» ەركەبۇلان سەيداحمەتتى وز قاتارلارىنان بوساتپادى. سول سەبەپتى بيلەك الاڭعا قۇراما ساپىنا ەندى كەلىپ جاتقان جاس ويىنشىلاردى شىعاردى.

العاشقى تايمدا ەسەپ اشىلعان جوق. ال ەكىنشى تايمدا تىڭنان قوسىلعان «شاحتەر» ويىنشىسى ورالحان ومىرتاەۆ جەڭىس گولىن سوقتى.

ايتا كەتۋ كەرەك, بۇل ورالحان ومىرتاەۆتىڭ ۇلتتىق قۇراما ساپىنداعى ەكىنشى گولى. جاس شابۋىلشى بۇعان دەيىن ۇلتتار ليگاسى اياسىندا سىرت الاڭدا گرۋزييا قۇراماسىنىڭ قاقپاسىنان ساڭىلاۋ تاپقان بولاتىن.

اباي ايماعامبەت

بولىسۋ: