العىس العان ارىماس

118
0
بولىسۋ:

قايىرىمدىلىقتىڭ ەڭ ابزالى – مۇقتاج جانداردىڭ قاجەتىن وتەۋ. قازاق حالقى قايىرىمدىلىقتى قاستەرلى ۇعىم ساناپ, اردايىم وزارا جاقسىلىققا, ادالدىققا ۇندەگەن. داستۇرلى «مىڭ العىس» اتتى قايىرىمدىلىق شاراسى وسىنداي يگى ىستەرگە ۇمتىلدىرىپ, العىس الۋعا شاقىرادى. قازاق راديوسى بيىل دا 11-28 اقپان ارالىعىندا وتەتىن «قايىرىمدىلىقتان قالىس قالما! العىسقا بولەن!» راديو-ۆيدەومارافونىن باستاپ كەتتى. 

بۇگىندە «Qazaq radiolary» سەرىك­تە­س­تىگىنە قاراستى «Shalqar», «Astana», «Classic» جانە «Qazaq radiolary» راديولارىنىڭ ەفير­لەرى­نە ەلىمىزدىڭ بەلگىلى قوعام قايراتكەر­لەرى, ونەر مايتالمان­دارى جانە مەتسەناتتار شاقىرى­لىپ, ادامنىڭ بويىنداعى ەڭ اسىل قاسيەتتەرىنىڭ بىرى – قايىرىمدىلىق تۋرالى وي­لا­رى مەن تىلەكتەرىن ورتاعا سالۋدا.
قازاق راديوسىنداعى «زاڭگەر كەڭەسى», «دەنساۋلىق», «بىرىنشى بايلىق», «بارمىسىڭ, باۋىرىم?», «كاسىپ-ناسىپ» حابارلارى وسى شارا اياسىندا ار سالا بويىنشا ارنايى مامانداردى ستۋديياعا شاقىرىپ, قايىرىمدىلىق تاقىرىبىندا پىكىر بولىسۋدە. كومەككە مۇقتاج جاندارعا قول ۇشىن بەرىپ, قايى­رىم­دىلىق كورسەتىپ جۇرگەن جو­مارت جانداردى كوپكە ۇلگى ەتەتىن بۇل باعدارلامالار جۇمىلا كوتەر­گەن جۇك جەڭىل ەكەندىگىن ەسكە سا­لىپ, وسى يگى ىستىڭ ماڭىزى زور ەكە­­نىن جەتكىزەدى.
ايتا كەتەيىك, بىلتىر قازاق راديوسىنىڭ «مىڭ العىس» باعدار­لا­ماسى بىر جىلدىڭ ىشىندە 85 رەت ەفيرگە شىعىپ, 75 كەيىپكەرگە
16 004361 تەڭگە قارجىلاي كومەك كورسەتكەن ەدى. «بۇل قاراجاتتىڭ ار جاعىندا ۇلكەن كۇش جاتىر. ار ادامنىڭ تاعدىرىنا بەي-جاي قارا­ماعان تىڭدارمانداردىڭ ىزگى تىلەگى, جومارت پەيىلى بار. «مىڭ العىس» شۋاق سىيلاعان بىرقاتار كەيىپكەر ستۋديياعا ارنايى قوڭىراۋ شالىپ, جاعدايلارىنىڭ وڭالۋىنا جاردەم بەرگەن جاندارعا شەكسىز العىستا­رىن جەتكىزدى. «قىمباتتى راديو­تىڭداۋشى, ار ادامنىڭ جۇرەگىنە ۇمىت وتىن ۇيالاتۋعا, بالاسى ۇشىن شىرىل قاققان انالاردى قۋانتۋعا وزدەرىڭىز اتسالىستىڭىزدار. بىرىڭىز كولىك تىزگىنىندە, بىرىڭىز كوشەدە كەلە جاتىپ, ەندى بىرىڭىز بالا-شاعاڭىزدىڭ اۋزىنان جىرىپ, اتا-اجەلەرىمىز زەينەتاقىسىن تاعات­سىزدانا كۇتىپ جاقسىلىققا ۇن قوستىڭىزدار! بارشاڭىزعا مىڭ العىس! جاڭا جىل تەك جاقسى جاڭا­لىعىمەن سۇيىنشىلەسىن! سابيلەر اۋىرماسىن! انالار جىلاماسىن!», – دەدى قورىتىندى جيىندا باعدار­لاما جۇرگىزۋشىسى امانگۇل ەرمەك­قىزى.
داستۇرگە اينالعان قايىرىم­دى­لىق جوباسى بيىل قازاقستان حالقى اسسامبلەياسىمەن بىرگە ۇيىمداستىرىلىپ وتىر. بۇگىندە العاش­قىلاردىڭ بىرى بولىپ, شارا­پاتى مول شاراعا «Qazaq radiolary» ۇجىمى بىر كۇندىك ەڭبەكاقىلارىن اۋدارىپ ۇلگەردى. ايتا كەتەيىك, 2017 جىلدان باستاپ, وسى ۋاقىتقا دەيىن اتالمىش شارا اياسىندا مۇقتاج جاندارعا 56 000 000 تەڭگە قاراجات كولەمىندە كومەك كورسەتىلدى. بيىل دا ارنايى قۇرىلعان قورعا جينال­عان قاراجات 1 ناۋرىز كۇنى «بەي­بىتشىلىك جانە كەلىسىم سارايىن­دا» «مىڭ العىس» قايىرىم­دىلىق كونتسەرتىندە تابىستالاتىن بولادى. ادامي قاسيەتتەردىڭ قادىرلىسى قايى­­رىمدىلىق بولسا, ايالى الا­قا­­نىن, جۇرەك جىلۋىن ۇسىنۋ, ساۋا­بى مول ىسكە قولىنان كەلگەنشە كومەك­تەسىپ, ۇلەسىن قوسۋ ادامنىڭ ازاماتتىق پارىزى. سوندىقتان ۇيىمداستىرۋ­شى­لار ەل تۇرعىن­دا­رىن وسى يگى ىسكە اتسالىسۋعا شاقى­رۋ­دا.
«بابالارىمىز ىزگى ىستى ۇلكەن-كىشى دەپ بولمەي, قوعامدا وزارا قايىرىمدىلىق پەن ىنتىماق ورتا­سىنىڭ ورناۋىنا ەرەكشە نا­زار اۋدارعان. سونداي-اق قايى­رىم­دىلىق جاساعان ادام ەشقاشان كەدەيلەنىپ قالمايدى «قولى اشىق­­­تىڭ – جولى اشىق», – دەپ اتام قازاق بەكەر ايتپاسا كەرەك. سوندىقتان دا اللانىڭ بەرگەن ريزىعىنان از دا بولسا بىر بولىگىن حاق تاعالانىڭ رازىلىعى ۇشىن قايىرلى ىستەرگە جۇمساساق, قوعامعا تيەر پايداسى مول بولاتىنى سوز­سىز», – دەيدى «ۋاقىپ» قازاق­ستان­­دىق قايىرىمدىلىق قورىنىڭ تورا­عاسى قايرات مۇراتۇلى.

گۇلجان راحمان

بولىسۋ: