660,6 ملرد تەڭگە جيناعى بار 1,3 ملن سالىمشى پاتەردەن ۇمىتتى

2428
0
بولىسۋ:

تۇرعىن ۇي قۇرىلىس جيناق بانك جۇيەسى بويىنشا 660,6 ملرد تەڭگە جيناعى بار 1,3 ملن سالىمشى تىركەلگەن. بۇل تۋرالى ۇكىمەت ۇيىندە يندۋسترييا جانە ينفراقۇرىلىمدىق دامۋ مينيسترى ج. قاسىمبەك ايتتى.

بۇل سالىمشىلار مەملەكەتتىك قولداۋ شارالارى ەسەبىنەن باسپانالى بولۋعا نيەتتى «نۇرلى جەر» مەملەكەتتىك باعدارلاماسىنىڭ الەۋەتتى قاتىسۋشىلارى. 44,7 مىڭ سالىمشىنىڭ 195,9 ملرد تەڭگە جيناعى بار (پاتەر سوماسىنان 20% استام).
وتكەن جىلى بانك 38,3 مىڭ زايم بەردى. بۇل 2017 جىلدىڭ دەڭگەيىنەن 47 پايىزعا ارتىق. «2019–2021 جىلدارعا ارنالعان رەسپۋبليكالىق بيۋدجەت تۋرالى» زاڭ اياسىندا 2019 جىلعا 28 ملرد تەڭگە بولۋ قولداۋ تاپتى. بيۋدجەتتىك نەسيە تۇرعىن ۇي قۇرىلىس جيناق بانكىنە 20 جىلعا بەرىلەدى.
ج. قاسىمبەك تۇرعىن ۇي قۇرىلىس جيناق جۇيەسى باسپانا الۋدىڭ ەڭ تيىمدى قۇرالدارىنىڭ بىرى ەكەنىن اتاپ وتتى. سالىمشىلارعا بەرىلەتىن زايمدار باستاپقى جارناسى 20 پايىزعا دەيىن بولعان جاعدايدا 25 جىلعا 5 پايىزبەن بەرىلەدى.
ماسەلەن, قۇنى 8,4 ملن تەڭگە بولاتىن پاتەردىڭ (60 شارشى مەتر ەكى بولمەلى پاتەر) اي سايىنعى تولەمى 60 مىڭ تەڭگەنى قۇرايتىن بولادى.
بولىنگەن قارجى 3111 سالىمشىنىڭ قولجەتىمدى زايم الۋلارىنا مۇمكىندىك بەرەدى. بۇل قارجى الداعى 15 جىلدا 3 رەت اينالىمدا بولادى, ياعني تاعى 6 مىڭ سالىمشىعا زايم بەرىلەدى.

«ايقىن» اقپارات

بولىسۋ: