ەلباسى جولداۋىن ەل قولدايدى

538
0
بولىسۋ:

ەسبەرگەن ىڭىربايۇلى,
اقتاۋ قالاسىنىڭ «قۇرمەتتى ازاماتى», پارتييا ارداگەرى:

– مەملەكەت باسشىسى ن.نازارباەۆ «قازاقستاندىقتار­دىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» جول­داۋىنىڭ ايماقتاعى ىسكە اسۋىنا كوڭىلىڭىز تولا ما?
– مەنىڭ ومىرىم, تىنىس-تىر­شىلىگىم اقتاۋ قالاسىمەن تىعىز باي­لانىستى. ەلدە اتقارىلىپ جات­قان بارلىق ىستەرگە كوڭىلىم توق. وڭىر ەكونوميكاسىنىڭ نەگىزگى سالاسى – مۇناي وندىرىسى. سوندىق­تان وسى سالانىڭ دامۋ قارقىنى جوعارى. ون­دىرىستىڭ وڭىر تۇرعىن­دا­رىنىڭ تۇرمىسى دا جوعارى بولۋى شارت. ەلباسى جولداۋىندا: «قازىرگى «7–20–25», «نۇرلى جول», «نۇرلى جەر» جانە باسقا دا مەم­لەكەتتىك باعدارلامالاردىڭ باستى ماقساتى – حالقىمىزدىڭ تۇرمىس ساپاسىن جاقسارتۋ» دە­گەن بو­لاتىن. وسى ماقساتتا اي­ماقتا تالاي تىڭعىلىقتى دۇنيە­لەر ىسكە اسىپ جاتىر.
– بۇگىنگى كونفەرەنتسييادا قانداي ماسەلەلەر تالقىلاندى?
– بۇل كونفەرەنتسييانى مەرەكە­لىك شارا دەسەك تە بولعانداي. سە­بەبى, قوعام ومىرىنىڭ كوشباسىن­دا جۇرگەن «نۇر وتان» پارتيياسىنا
20 جىل تولىپ وتىر. پارتييامىز قازىر جاڭا ورلەۋ كەزەڭىنە قادام باستى. حVىىى سەزدە قا­بىلداناتىن پارتييانىڭ جاڭا باعدارلاماسىندا 2030 جىلعا دەيىنگى اتقارىلاتىن مىندەتتەرى­مىزدىڭ كەشەندى با­عىتتارى بەل­گىلەنگەن. سول كۇنى پار­تييانىڭ جار­عى­سىنا دا بىر­قاتار وزگەرىستەر مەن تولىقتىرۋلار ەنگىزۋ كوزدەلىپ وتىر.
– بۇل وزگەرىستەر قانداي ناتيجە بەرەدى?
– وبلىستىق پارتييا كون­فەرەن­تسييا­سىنىڭ قاراۋىنا ۇسىنىلىپ وتىرعان پارتييا جارعىسىنىڭ 30-عا جۋىق بابى مەن تارماق­تا­رىنا ەنگىزىلەتىن وزگەرىستەردى قول­داي­مىن. بۇل وزگەرىستەر پارتييا­مىزدىڭ ەل ىشىندەگى بەدەلىن ارت­تى­رۋعا, پارتييا مۇشەلەرىنىڭ لاۋا­زىمدى قىزمەتتەرگە مەريتوكراتييا جولىمەن بارۋىنا, وكىلەتتى ور­گاندارعا سايلانۋىنا ىقپال ەتە­تىن باپتارمەن تولىق­تى­رىلماق.
جارعىنىڭ بىرقاتار تار­ماق­تارى ەلىمىزدە سوڭعى جىلدارى قا­بىلدانعان «سايلاۋ تۋرالى» كونستيتۋتسييالىق زاڭعا, «ساياسي پارتييالار تۋرالى» جانە باسقا دا زاڭدارىنا سايكەس كەلتىرۋ ماق­ساتىمەن ەنگىزىلىپ وتىر.
ۇزاق جىل بويى پارتييا في­ليا­لىندا تابىستى ەڭبەك ەتتىڭىز. پارتييا ارداگەرى رەتىندە قانداي وي قوساسىز?
– راس, مەن 20 جىلعا جۋىق وب­لىستىق فيليالدىڭ اپپاراتىندا جۇمىس اتقارىپ كەلدىم. وسىناۋ جىلدار ىشىندە پارتييالىق جۇ­مىستا جيناقتاعان تاجىريبەمە سۇيەنە وتىرىپ, پارتييا جارعى­سىنا ەنگىزىلگەلى وتىرعان وزگەرىس­تەرگە قاتىستى ويلارىمدى بىل­دىرگىم كەلەدى.
پرەزيدەنتتىڭ جىل سايىنعى جولداۋلارىندا دا, پارتييانىڭ باعدارلامالىق قۇجاتتارىندا دا كاسىپكەرلىكتى دامىتۋعا ايرىقشا كوڭىل بولىنىپ كەلەدى. وبلىستىق فيليالدا كاسىپكەرلىكتى قولداۋ جونىندە ساراپتامالىق كوميسسييا دا بار. «بيزنەستىڭ جول كارتاسى – 2020» باعدارلاماسى مەملەكەتتىك قولداۋ كورسەتۋدىڭ تۇرلى تەتىكتەرى جولعا قويىلعان. سوندىقتان نە­گىزگى باسىمدىق كاسىپكەرلىككە بە­رىلسە پايداسى مولىراق بولار ەدى.
– سوز سوڭىندا پارتييانىڭ 20 جىلدىق مەرەيتويىنا تىلەگىڭىزدى بىلسەك?
– بۇگىنگى مەرەكەلى مەزەتتە بارشا ماڭعىستاۋلىقتاردى, پارتييا ارداگەرلەرىن, وبلىستىق فيليال ەسەبىندەگى 30 مىڭعا تارتا پارتييا مۇشەلەرىن, كوشباسشى پارتييامىزدىڭ 20 جىلدىق مەرەي­تويىمەن قۇتتىقتاپ, بارشاڭىزعا بەرەكەلى عۇمىر, بەيبىت اسپان, باقۋات تۇرمىس تىلەيمىز. بارشا باستاما-تالپىنىستارىمىز جە­مىستى بولىپ, تۋعان جەرىمىز, سۇيىكتى وتانىمىز – تاۋەلسىز قازاق ەلى گۇلدەنىپ, كوركەيە بەرسىن!
– اڭگىمەڭىزگە راقمەت!

سۇحباتتاسقان
ابىلمانسۇر جاسان

بولىسۋ: