كاسىپكەرگە كەڭەس

571
0
بولىسۋ:

«نۇر وتان» پارتيياسى «بيزنەستىڭ جول كارتاسى – 2020» باعدارلاماسى بويىنشا پەتروپاۆلدا قابىلداۋ كۇنىن وتكىزدى. «دامۋ» قورى مەن «اتامەكەن» ۇلتتىق كاسىپكەرلەر پالاتاسى بىرلەسىپ وتكىزگەن شارادا ازاماتتارعا تۇسىندىرۋ-ناسيحاتتاۋ جۇمىسىن جۇرگىزدى. كاسىپ باستاۋشى ازاماتتاردىڭ سۇراقتارىنا جاۋاپ بەردى. ماقسات – «بيزنەستىڭ جول كارتاسى – 2020» باعدارلاماسىنىڭ اياسىندا مەملەكەتتىك قولداۋ كورسەتۋدىڭ تەتىكتەرى مەن تالاپتارى تۋرالى حالىق اراسىندا تۇسىندىرۋ جۇمىستارىن ۇيىمداستىرۋ. 

«بيزنەستىڭ جول كارتاسى – 2020» باعدارلاماسى بويىنشا ازاماتتاردى قابىلداۋ شاراسىنا كاسىپ اشىپ, بيزنەس باستاعان كاسىپ­كەرلەر مەن ستارتاپ جوبالارعا قاتى­سىپ جۇرگەن سولتۇستىك قا­زاقستان ۋنيۆەرسيتەتىنىڭ ستۋ­دەنتتەرى قاتىستى.
ولاردىڭ ستارتاپ جوبالارىن قولداۋ ماقساتىندا وڭىردە اتقارى­لىپ جاتقان جۇمىستاردىڭ ناتي­جە­سى ايتىلدى. ايماقتا كاسىپتى دامى­تۋدى سولتۇستىك قازاقستان وبلىستىق كاسىپكەرلەر پالاتاسى مەن «دامۋ» قورى بىرلەسىپ جۇزەگە اسىرۋدا.
– جاس كاسىپكەرلەر بيزنەستە قارجىنى تيىمدى كادەگە جاراتۋ, مەملەكەت تاراپىنان بەرىلەتىن كاسىپ يەلەرىن قولدايتىن باعدار­لامار تۋرالى اقپارات الدى. سەبەبى, كاسىپكەرلەرگە ەڭ قاجەتتى مالىمەت پەن پايدالى كەڭەس, دەرەكتەردى بارلىعى بىردەي جەتە بىلە بەرمەيدى. ونىڭ ىشىندە, ورتا جانە شاعىن بيز­نەس وكىلدەرى, اسىرەسە, جاس كاسىپ­كەرلەر پايدالى مالىمەتتەر الدى, – دەدى «نۇر وتان» پارتيياسىنىڭ قوعامدىق قابىلداۋ بولىمىنىڭ باسشىسى رۇستەم الىبەكوۆ.
قابىلداۋدا «بيزنەستىڭ جول كارتاسى – 2020» باعدارلاماسى اياسىندا بەرىلەتىن نەسيەلەر, قايتا قارجىلاندىرۋ, سۋبسيدييا ماسە­لەلەرى جونىندە اقىل-كەڭەس الۋعا كەلگەندەردىڭ قاراسى كوپ بولدى. ونىڭ ىشىندە, اۋىلدىق جەرلەردە شاعىن نەسيە الۋدا «دامۋ» قورى­نىڭ ارتىقشىلىعى جان-جاقتى ايتىلدى.
– الىس ايماقتاردا وزىن-وزى جۇمىس­پەن قامتىپ وتىرعان ازا­ماتتار, ماۋسىمدىق كاسىپپەن اينالىساتىن كاسىپ يەلەرى شاعىن بيزنەستەن باستاپ, ۇلكەن تابىستارعا جەتىپ جاتىر. ارينە, بۇل جەردە كاسىپتى باستاۋ ۇشىن قولداۋ كورسەتۋ, قارجىلىق ساۋاتتىلىق تۋرالى جان-جاقتى باعىت-باعدار بەرۋ وتە ماڭىزدى. ۇزدىك يدەياسىمەن وڭىردە پايدالى, تابىستى بيزنەس اشۋعا تالپىنعان ازاماتتاردى قولداۋعا ازىرمىز. كاسىپ اشسام دەگەن اربىر ازامات جەرگىلىكتى حالىققا قىزمەت كورسەتۋ ورتالىعى مەن «اتامەكەن» كاسىپكەرلىك پالاتاسىنىڭ بولىم­شەسىنە بارىپ, تەگىن كەڭەس الۋىنا بولادى. ولاردىڭ وتىنىشى حقكو ارقىلى جۇمىسپەن قامتۋ ورتالى­عىنا تىكەلەي جولدانادى. قاعازباس­تىلىقپەن ۋاقىت جوعالتپايدى. كاسىپ اشسام دەگەن ازاماتتاردى «دامۋ» قورى «بيزنەس باستاۋ» باع­دارلاماسىمەن تەگىن وقىتادى. كۋرستى بىتىرگەن سوڭ سەرتيفيكات بەرەدى. ودان بولەك, «دامۋدان»
6 پايىزبەن 5-7 جىلعا نەسيە الۋىنا مۇمكىندىك بار, – دەپ اتاپ وتتى كاسىپ­كەرلىكتى قولداۋ ورتالىعىنىڭ جەتەكشىسى اسەمگۇل احمەتوۆا.
ازاماتتار بىرىڭعاي قابىلداۋ كۇنى كاسىبىن جاڭادان باستاعالى جۇرگەن وبلىس تۇرعىندارى جەكە بيزنەستى اشۋ, نەسيەنىڭ پايىزدىق وسىمى, كاسىپكەرلەرگە جەر تەلىمدەرىن بولۋ جانە بيزنەس ۇشىن نەسيە الۋ ماسەلەلەرى توڭىرەگىندە سۇراقتار قويىپ, ناقتى جاۋاپ الدى.
مايرا باقىت

بولىسۋ: