ۇكىمەت تۇرعىن ۇي باعدارلامالارىن الى جەتىلدىرسە…

3239
0
بولىسۋ:

5 بالانىڭ قىرشىننان قيىلۋى قوعامداعى باسپانا ماسەلەسىنىڭ تيىمسىز جۇيەدە ىستەپ جاتقانىن كورسەتتى. ەلباسىنىڭ الدىنا «7-20-25» باعدارلاماسىن الىپ بارىپ, بەكىتىپ العاندار بولاشاق ۇرپاقتان العىس ەستىمەسى انىق. وكىنىشتى.

ويلاپ قارايىقشى, بالاڭ 20-عا تولعاندا سەن ۇكىمەتكە نەمەسە بانككە الى قارىزسىڭ. ونىڭ وزىندە ۋاقىتىلى تولەپ تۇرساڭ عانا. بايقاۋسىزدا جۇمىستان ايىرىلىپ, تولەۋ مۇمكىندىگىڭ بولماي قالسا, نە ۇيىڭدى تارتىپ الادى, نە وسىمپۇلىن وسىرىپ تاعى بىرنەشە جىل قوسىپ بەرەدى. تيىمسىز.

بيلىك جۇمىس ىستەمەي وتىر دەگەننەن اۋلاقپىن. ماسەلەن, مۇنىڭ الدىندا «ساتىپ الۋ قۇقىمەن جالعا الۋ» باعدارلاماسى جۇزەگە اسىپ, حالىق بىر مارقايىپ قالىپ ەدى. مەن سول باعدارلامامەن الماتىدا ۇي العانداردىڭ بىرىمىن. العاشقى جارنا قۇيماي, 15 جىلعا جالعا الىپ, 70 شارشى مەتر ۇيگە اي سايىن 110 000 تەڭگە تولەپ, اقىر سوڭىندا جەكەمە قالاتىنى قۇپتارلىق ىس. ۇكىمەت 4,5 پايىز ەسەبىندەگى وسىم-پۇلىن الىپ وتىرادى. تيىمدى.

كەيىن مۇنداي ۇيلەردى تاراتۋ توقتالدى. تيىمسىز ەكەن دەپ سەبەبى تۇسىندىرىلدى. كىمگە, قاي توپقا تيىمسىز بولدى ەكەن, ا? بۇ قازاقتى ۇي ماسەلەسىمەن جىلدار بويى باسىن قاتىرىپ قويۋ كىمگە قاجەت? ينتەلەكتۋالدى ۇلت بولۋعا, 30 ەلدىڭ قاتارىنان كورىنۋگە نيەتتەنگەن حالىق – تۇبى بىرىنشى بولۋدى دا كوزدەيتىنى بەلگىلى. سوندىقتان, قازاقتىڭ كوكتەمەۋىن تىلەيتىن توپتار وسى باستان بىزگە قارسى ساياسات قولداناتىنى تۇسىنىكتى. بايقايىقشى!

اسقار بەكوۆ

بولىسۋ: