كاسىبي وسۋدىڭ مۇمكىندىگى قايدا دەسەڭ…

2944
0
بولىسۋ:

«قازاقستان تەمىر جولى» ۇلتتىق كومپانيياسى مەن ەنشىلەس ۇيىمدارىندا 52 مىڭ جاس  جۇمىس ىستەيدى. ولار كومپانيياداعى كادرلاردىڭ 39 پايىزىن قۇرايدى. وسى جاستاردىڭ كاسىبي جانە تۇلعالىق وسۋىنە كومپانييا بار جاعدايدى جاساپ وتىر. بۇل جونىندە «قتج» ۇلتتىق كومپانيياسىنىڭ جاستار ساياساتىنا ارنالعان باسپاسوز ماسليحاتىندا ايتىلدى.

– مەملەكەت باسشىسى قازاق­ستان حالقىنا ارناعان جولدا­ۋىن­دا 2019 جىلدى – جاستار جىلى دەپ جارييالادى. كومپانييا 2009 جىلدان بەرى جاس كادرلاردىڭ يننوۆاتسييالىق الەۋەتىن دامى­تىپ, كاسىبي, تۇلعالىق وسۋى ۇشىن جاستار ساياساتى باعدارلاماسىن سات­تى جۇزەگە اسىرىپ كەلەدى, – دەدى «قتج» ۇك» اق باسقارما تورا­عاسىنىڭ كورپوراتيۆتىك ماسە­لەلەر جونىندەگى ورىنباسارى سەرىك ابدەنوۆ.
ونىڭ ايتۋىنشا, اتالعان باع­دارلامانى جۇزەگە اسىرۋ بارى­­­سىندا تەمىرجول سالاسى ۇشىن جاس مامانداردى دايارلاۋعا ەرەكشە نازار اۋدارىلادى. ماسە­لەن, جىل سايىن جاقسى جانە وتە جاقسى ۇلگەرىممەن وقىپ جۇر­گەن­دەرگە كومپانييا باسقارما تورا­عا­سىنىڭ اتاۋلى ستيپەنديياسى جانە «ماگيسترال» باعدارلاما­سى­مەن وقۋعا بىلىم گرانتى تاعا­يىن­دالادى. سوڭعى 3 جىلدا «ماگي­سترال» باعدارلاماسى بو­يىن­شا 60 بىلىم گرانتى جانە 33 اتاۋ­لى ستيپەندييا بەرىلگەن.
– كومپانييا جۇمىسىنا جاس مامانداردى تارتۋ ۇشىن بولاشا­عى­نان ۇمىت كۇتتىرەتىن جاستار جۇمىسقا تارتىلادى. ماسەلەن, 2016 جىلدان باستاپ كومپانييا كاسىپورىندارىنا قازاق كولىك جانە كوممۋنيكاتسييا اكادەمييا­سى­نىڭ 240 تۇلەگى جۇمىسقا ورنا­لاس­تى. سونىمەن بىرگە, سالالىق ماماندىقتار بويىنشا ارنايى ورتا جانە جوعارى وقۋ ورىندارى شاكىرتتەرىنىڭ وندىرىستىك تاجىري­بە­دەن وتۋىنە دە مۇمكىندىك بەرە­مىز. بۇل رەتتە 2016 جىلدان باستاپ 6 مىڭنان استام شاكىرت وندىرىستىك تاجىريبەدەن وتتى. قازككا-نىڭ ۇلگەرىمى جوعارى ستۋدەنتتەرىنىڭ وندىرىستىك تاجىريبەسىن اقىلى ەتتىك. وتكەن جىلى اكادەمييانىڭ 53 ستۋدەنتىنە 2,9 ملن تەڭگە ستي­پەن­دييا تولەندى. تەمىرجول سالا­سىن­داعى جۇمىستىڭ تارتىم­دى­لى­­عىن جاقسارتىپ, كادرلىق الە­ۋەتتى نىعايتۋ ۇشىن كومپانييا قىز­­مەتكەرلەرىنىڭ باسپانا ماسە­لە­سىن شەشۋ مىندەتىن دە كومپانييا موي­نىنا العان, – دەدى س.ابدە­نوۆ.
كومپانييانىڭ جاستار سايا­ساتى باعدارلاماسىن جۇزەگە اسى­رۋ شەڭبەرىندە جىل سايىن رەس­پۋب­ليكالىق جاستار فورۋمى, «سەن بولماساڭ, كىم?» جاستار كورپوراتيۆتىك لاگەرى سەسسييالارى, «جاس كاسىبي مامان» جاستار سىي­لى­عى بايقاۋى, «جوبا-مەنەد­ج­مەنت» وڭىرلىك يننوۆاتسييالىق باي­­قاۋ­لارى وتكىزىلەدى. بۇل باي­قاۋ­­لارعا جىل سايىن كومپا­نييا­نىڭ 1600 جاس قىزمەتكەرى قاتى­سا­دى ەكەن. كونكۋرس كەزىندە جاس ينو­ۆاتورلار اقپاراتتىق تەحنو­لو­گييالار, تسيفرلاندىرۋ, ۇقىپ­تى­لىق وندىرىسى, ەڭبەكتى قورعاۋ, تاسىمال قاۋىپسىزدىگى سيياقتى باعىتتار بويىنشا كومپانييا جۇمىسىن جاقسارتۋعا باعىتتال­عان بيزنەس يدەيالارىن تانىس­تى­رۋعا مۇمكىندىك الادى. ەلىمىزدىڭ 16 وڭىرىندە وتەتىن بۇل بايقاۋدىڭ ۇزدىكتەرى استاناداعى جاستاردىڭ رەسپۋبليكالىق فورۋمىنا قاتى­سۋ مۇمكىندىگىنە يە بولادى ەكەن. اتالعان فورۋم وڭىرلىك دەڭگەيدە وتكىزىلەتىن بارلىق كونكۋرستار مەن ىس-شارالاردىڭ قورىتىندى كەزەڭى سانالادى. ال رەسپۋب­لي­كا­لىق فورۋم شەڭبەرىندە جىل بويى جۇرگىزىلگەن جۇمىستىڭ قورى­تىندىسى شىعارىلادى. 2010 جىلدان بەرى 2000 جاس تەمىر­جول­شى رەسپۋبليكالىق فورۋمعا قاتى­سىپ, ناتيجەسىندە 70-ى قىز­مەت­تە كوتەرىلسە, ەكەۋى شەتەل­دىك ۋني­ۆەرسيتەتتەردىڭ وقۋ گرانتىنا يە بولدى.
2018 جىلدىڭ 4 جەلتوقسا­نىن­دا جاستاردىڭ ىح رەسپۋبليكالىق فورۋمىندا «قتج» ۇك» اق باس­قار­ما توراعاسى ساۋات مىڭ­باەۆ «قتج 100 جاس تۇلعا» جوباسىنىڭ ىسكە اسقانىن جارييالادى. بيىل جىل بويى Worldskills Hi-tech چەم­­پيوناتىنا قاتىسۋعا, حالىق­ارا­لىق تاجىريبەدەن وتۋگە جانە مۆا باعدارلاماسىمەن وقۋعا مۇمكىندىك الاتىن كومپانييانىڭ تيىمدى دە جوعارى الەۋەتتى 100 ۇزدىگى انىقتالادى.
ال «جاس مامان» جاستار سىي­لى­عى وز سالاسىنىڭ ۇزدىكتەرىن انىقتايدى. بايقاۋ ۇزدىك جولشى, باي­لانىسشى, جولسەرىك, ۆاگون­شى, قوزعالىسشى, ەكونوميست سيياق­تى 24 اتالىم بويىنشا وتە­دى. ەلىمىز­دىڭ ار وڭىرىندە تۇرا­­تىن كومپا­نييا­نىڭ جاس قىزمەتكەرلەرى ارا­سىن­دا تيىمدى كوممۋني­كا­تسييا­نى قامتاماسىز ەتەتىن Zhas­temir.kz الەۋمەتتىك جەلىسى جۇمىس ىستەيدى. بۇل جەلىنى 9000 جاس پايدا­لانادى.

ايدانا بەگىم

بولىسۋ:

پىكىر جازۋ


*