جالعان «تەحوسموتر» ۇسىنعاندار ۇستالۋدا

1559
0
بولىسۋ:

الماتىدا تەحنيكالىق بايقاۋدىڭ جالعان دياگنوستيكالىق كارتالارىن ساتىپ جۇرگەن بىر توپ ازامات قولعا تۇستى.

كولىك كوميتەتىنىڭ تاپسىرماسىن ورىنداۋ ماقساتىندا الماتى قالاسى بويىنشا كولىكتىك باقىلاۋ ينسپەكتسيياسى مەن مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگىنىڭ الماتى قالاسى بويىنشا دەپارتامەنتى اۆتوكولىك قۇرالدارىنىڭ تەحنيكالىق قاراپ-تەكسەرۋدىڭ جالعان دياگنوستيكالىق كارتالارىن انىقتاۋعا قاتىستى ىس-شارالار جۇرگىزدى.
اتالعان ىس-شارانىڭ باستى ماقساتى «جاسىرىن ساتىپ الۋشى» رەتىندە تەحنيكالىق بايقاۋدىڭ جالعان دياگنوستيكالىق كارتالارىن جاساۋ فاكتىلەرىن انىقتاۋ. بۇدان بۇرىن ينسپەكتسييامەن اتالعان ىس-شارالاردى جۇرگىزۋ بويىنشا دەپارتامەنت وكىلدەرىنىڭ قاتىسۋىمەن تيىستى رەيدتىك شارالاردى وتكىزۋ تۋرالى ماسەلەلەر تالقىلانعان بولاتىن.
كەڭەس بارىسىندا دەپارتامەنتپەن قازىرگى ۋاقىتتا ا. راحيمبەكوۆ ەسىمدى ازاماتتان تەحنيكالىق بايقاۋدى وتكىزۋدىڭ زاڭدىلىعىنا قاتىستى كەلىپ تۇسكەن وتىنىشتەرىندە كەلتىرىلگەن دايەكتەردى انىقتاۋ بويىنشا جەدەل جۇمىستاردىڭ جۇرگىزىلىپ جاتقاندىعى باياندالدى.
اتاپ ايتقاندا, وتىنىش يەسى تەحنيكالىق بايقاۋ وپەراتورلارىمەن اۆتوكولىك قۇرالىن ۇسىنباي دياگنوستيكالىق كارتالاردى ۇسىنۋ قىزمەتىنىڭ www.olx.kz ينتەرنەت-رەسۋرسىندا جارنامالانىپ جۇرگەنى جانە ونىڭ قانشالىقتى زاڭدى ەكەندىگىن انىقتاۋدى سۇراعان.
اتقارىلعان ىس-شارالار بارىسىندا «Honda» ماركالى (C-RV مودەلى) مەملەكەتتىك نومىرى 995VKا05 اۆتوكولىك قۇرالىن ۇسىنباي 4 000 تەڭگەگە تەحنيكالىق بايقاۋدان وتكىزۋ كەلىسىمى جۇرگىزىلدى. وسى ورايدا, اۆتوكولىك قۇرالى تەحنيكالىق بايقاۋ ورتالىعىنا كىرمەي ساعات 10:35 شاماسىندا اتالعان نومىرگە whatsapp موبيلدى قوسىمشاسى ارقىلى اۆتوكولىك قۇرالىنىڭ تەحنيكالىق كۋالىگى جانە اۆتوكولىك قۇرالىنىڭ سۋرەتى جىبەرىلدى.
بۇعان قوسا, 2018 جىلعى 13 قاراشا ساعات 15:40-تا الماتى قالاسىنىڭ شەۆچەنكو-امانگەلدى كوشەلەرى قيىلىسىندا ا.ب. ەسىمدى ازامات تەحنيكالىق بايقاۋدان وتكەنى تۋرالى دياگنوستيكالىق كارتانى ۇسىندى جانە قىزمەتى ۇشىن 4 000 تەڭگە الدى.
بەرىلگەن فاكت بويىنشا اتالعان ازامات پوليتسييا قىزمەتكەرىمەن ۇستالىپ, الماتى قالاسى ىشكى ىستەر دەپارتامەنتىنىڭ المالى اۋدانى ىشكى ىستەر باسقارماسىنا جەتكىزىلدى. بۇل بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە (ەردر) قر قىلمىستىق كودەكسىنىڭ 385 بابى بويىنشا
2018 جىلعى 13 قاراشاداعى № 187511031007523 ىس تىركەلدى (جالعان قۇجاتتاردى, مورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ) (قوسىمشا ۇسىنىلادى).
«تەحنيكالىق بايقاۋ» بىرىڭعاي اقپاراتتىق جۇيەسى ارقىلى اتالعان دياگنوستيكالىق كارتانى تەكسەرۋ بارىسىندا ونىڭ استانا قالاسىندا تىركەلگەن «BOMOND» جك تەحنيكالىق بايقاۋ وپەراتورىمەن بەرىلگەندىگى انىقتالدى.
وسىعان وراي, قولدانىستاعى زاڭنامامەن قاراستىرىلعان تارتىپتە تيىستى شارالاردى قابىلداۋ ۇشىن استانا قالاسى بويىنشا كولىكتىك باقىلاۋ ينسپەكتسيياسىنا 2018 جىلعى 15 قاراشاداعى № 20-11-05/4519 حات جولداندى.

اسقار بەكوۆ

بولىسۋ:

پىكىر جازۋ


*