اقتوبەدە 2009 جىلى سالىنعان مەكتەپتىڭ توبەسى قۇلاپ تۇستى

1364
0
بولىسۋ:

اقتوبە قالاسىنداعى №20 ورتا مەكتەپتىڭ توبەسى قۇلاپ تۇستى, دەپ حابارلايدى اقتوبە قالاسىنىڭ بىلىم بولىمى.

قالالىق بىلىم بولىمىنىڭ مəلىمەتىنشە, 30 قاراشا كۇنى مەكتەپتىڭ اكت زالىنىڭ كيىم اۋىستىراتىن جەرىندەگى اسپالى توبەنىڭ بىر بولىگى قۇلاعان. سول ۋاقىتتا ول جەردە توعىز وقۋشى بولعان, بىراق ولار جەدەل تۇردە قاۋىپسىز جەرگە شىعارىلدى. مۇعالىمدەر بولعان جاعداي تۋرالى دەرەۋ اتا-انالاردى حاباردار ەتتى. مەكتەپتىڭ مەديتسينا قىزمەتكەرى وقۋشىلاردى تەكسەرىپ, ىشكى ەرەجەگە سəيكەس جەدەل جəردەم بريگاداسىن شاقىرعان.
بالالار وبلىستىق بالالار كلينيكالىق اۋرۋحاناسىنا پروفيلاكتيكالىق تەكسەرۋگە جەتكىزىلدى. ولاردىڭ دەنساۋلىق جاعدايلارىنىڭ تۇراقتىلىعىنا كوز جەتكىزگەن اتا-انالارى بالالارىن ۇيلەرىنە الىپ كەتتى. سىرقاتى بويىنشا ەسەپتە تۇرعان وقۋشى قىز تاڭەرتەڭگە دەيىن دəرىگەرلەردىڭ باقىلاۋىندا بولۋ ۇشىن اۋرۋحانادا قالدى.
ايتا كەتۋ كەرەك, اقتوبە قالاسىنىڭ بىلىم بەرۋ مەكەمەلەرىندە مۇنداي جاعداي العاش رەت ورىن الىپ وتىر. ورتا مەكتەپ 2009 جىلى پايدالانۋعا بەرىلگەن جəنە  جىل سايىن مۇندا كوسمەتيكالىق جوندەۋ جۇمىستارى جۇرگىزىلىپ تۇرادى. اسپالى توبەنىڭ نە سەبەپتەن قۇلاعاندىعىن اقتوبە قالاسىنىڭ əكىمدىگى قۇرعان ارنايى كوميسسييا انىقتاماق.
اتالعان مəسەلە اقتوبە قالاسى əكىمىنىڭ جەكە باقىلاۋىندا  بولادى.

ا.احمەتقازى

بولىسۋ:

پىكىر جازۋ


*