حالىق ناتيجە كۇتەدى

498
0
بولىسۋ:

پرەزيدەنتتىڭ جىل سايىنعى جولداۋى حالىقتىڭ كوڭىلىندەگىنى دوپ باسىپ, ۋاقىت تالابىنا ساي ماسەلەلەردى قوزعايدى. بيىلعى جولداۋ دا وسى داستۇرمەن ەلدىڭ ويىندا جۇرگەن كوپ ساۋالعا جاۋاپ بەردى.

تاۋەلسىزدىك العاننان باستاپ, ەلباسى حالىقتىڭ ومىر ساپاسىن ارتتىرۋعا قاتىس­تى ۇزدىكسىز باستامالار كوتەرىپ, كەلە­لى ۇسىنىستار جاساپ جۇرگەنىنە كۋامىز.
جولداۋدا اتالعان شارالار «پرەزيدەنت­تىڭ بەس الەۋمەتتىك باستاماسى» ۇندەۋىندە جارييالانعان الەۋمەتتىك باستا­مالاردىڭ زاڭدى جالعاسى دەۋگە تولىق نەگىز بار.
كەلەسى جىلدان باستاپ, مەملەكەتتىك قىزمەتكەرلەردىڭ جالاقىسى 35 پايىزعا ارتادى. ەڭ تومەنگى جالاقى مولشەرى 1,5 ەسەگە وسىپ, 28 مىڭ تەڭگەدەن 42 مىڭ تەڭگە­گە دەيىن ۇلعايادى. ۋچاسكەلىك مەديتسينا قىزمەتكەرلەرى 1 قاڭتاردان باستاپ 20 پايىزعا جوعارى جالاقىعا قول جەتكىزە الادى.
بىزدىڭ پارتييا قاتارىندا پەداگوگتەر كوپ. ولار «مۇعالىم مارتەبەسى» تۋرالى زاڭنىڭ قابىلداناتىنى جونىندەگى جاڭا­لىقتى قۋانا قابىلدادى. بۇل جاڭا­شىل­دىقتى تولىقتاي قولدايمىن. مۇعالىمدەر بالالارعا بىلىم بەرۋمەن, وقىتۋ پرو­تسەسى­مەن عانا اينالىسۋى كەرەك. قال­عان قوسىم­شا جۇكتەمەلەر مۇعالىمنىڭ نەگىزگى قىز­مە­تىنە قولبايلاۋ بولادى. جولداۋدا بەل­گى­لەنگەن ناقتى قادامدار ورتا بىلىم ساپاسىن ارتتىرۋعا جاڭا سەرپىن بەرەدى دەپ سەنەمىن.
بىلىم جۇيەسىن سالماقتى وزگەرىستەر كۇتىپ تۇرعانىن اتاپ وتپەسكە بولمايدى. بارلىق بىلىم مەكەمەلەرى وقۋ پروتسەسىندە نازارباەۆ ينتەللەكتۋالدى مەكتەپتەرى مەن نازارباەۆ ۋنيۆەرسيتەتىنىڭ ستاندار­تىنا سۇيەنەتىن بولادى. الداعى بەس جىلدا بىلىم بەرۋ سالاسى, عىلىم مەن دەنساۋلىق ساقتاۋ جۇيەسىن جاڭعىرتۋعا جىو-نىڭ 10% جۇمسالاتىنى دا نازار اۋدارارلىق ماسە­لە. جاقىن ۋاقىتتا بارلىق مەكتەپتەر مەن بالاباقشالار بەينەباقىلاۋ كامەرا­لارى­مەن جابدىق­تالىپ, رەسپۋبلي­كا بويىنشا 100 دەنە شىنىقتىرۋ-ساۋىق­تى­رۋ ورتالىعى بوي كوتەرەدى.
بىزدىڭ وبلىسىمىز اگرارلىق سيپاتقا يە. بيزنەستىڭ باسىم بولىگى اۋىل­شار­ۋا­شىلىق ونىمى مەن وڭدەۋ ونەركاسىبىنە بەيىمدەلگەن. سوندىقتان سولتۇستىكقازاق­ستاندىق كاسىپكەرلەر ەڭبەك ونىمدىلىگى مەن اۋىل شارۋاشىلىعىنداعى وڭدەلگەن ونىمنىڭ ەكسپورتى 2,5 ەسەگە ارتاتىنى جونىن­دەگى جاڭالىققا قۋانىپ وتىر. وتاندىق بيزنەستى قولداۋعا 2025 جىلعا دەيىن 30 ملرد تەڭگە قاراستىرىلعان. مەنىڭ ويىمشا, بۇل كاسىپكەرلەر ۇشىن ەلەۋلى كومەك. بىزدىڭ ەلىمىزدە جاقسى تاۋار شىعارۋشىلار كوپ, ەندىگى كەزەكتە ولاردى جان-جاقتى قولداۋدى جولعا قويۋ كەرەك. سوندىقتان مەملەكەت باسشىسى «قازاق­ستاندا جاسالعان» بەلگىسىن دامىتۋعا ايرىقشا كوڭىل بولىپ وتىر.
«نۇر وتان» پارتيياسىنىڭ سولتۇستىك قازاقستان وبلىستىق فيليالىنىڭ قوعامدىق قابىلداۋىنا ازاماتتاردىڭ باسىم بولىگى تۇرعىن ۇي بەرۋ تۋرالى وتىنىشپەن كەلەدى. بۇل تۇستا الەۋمەتتىك تۇرعىدان از قورعالعان توپتار ۇشىن جالعا بەرىلەتىن تۇرعىن ۇيدىڭ سانىن كوبەيتۋ تۋرالى حابارلاندىرۋ ار تۇرعىننىڭ وز باسپاناسىنا قول جەتكىزۋىنە مۇمكىندىك بەرەتىن باستاما. وز كەزەگىندە جەرگىلىكتى اكىمدىكتەر مەملەكەتتىك قىزمەتكەرلەر مەن پوليتسييا قىزمەتكەرلەرىنە يپوتە­كا­لىق قارىزدىڭ باستاپقى جارناسىن وتەۋگە سۋبسيدييا بولەتىن بولدى. اي سايىن پارتييا دەپۋتاتتارى, پارتييالىق باقىلاۋ كوميسسيياسى مەن ازاماتتىق قوعام وكىل­دەرى «نۇرلى جول» باعدارلاماسىنىڭ جۇزەگە اسۋ بارىسىن قاتاڭ قاداعالاۋدا ۇستاپ وتىر. كەي جاعدايلاردا جول ساپاسى مەن سۋمەن قامتاماسىز ەتۋ بويىنشا بۇرىس ەسەپتەۋلەر كەزدەسەدى. وسى جاعداي­لار­عا نارازىلىق بىلدىرگەن داۋىس بەرۋ­شى­لەردەن شاعىم تۇسەدى. جەرگىلىكتى جەر­لەر­دەگى اۆتوموبيل جولدارىنىڭ ساپاسى مەن اۋىلدى جەرلەردىڭ سۋمەن قامتاماسىز ەتۋ ۇلەسىن ارتتىرۋ ۇشىن مەملەكەت ساي­كە­سىنشە 150 ملرد جانە 100 ملرد تەڭگە بولۋ­دى جوسپارلاپ وتىر.
مەملەكەتتىك قىزمەتتىڭ جاڭا مودەلىن قابىلداۋ ۇلكەن ماڭىزعا يە. بىرقاتار وڭىرلەردىڭ مىسالىندا مەملەكەتتىك قىزمەتتى جاڭعىرتۋ بويىنشا مەملەكەتتىك قىزمەتكەرلەردىڭ جالاقىسى كوتەرىلەدى. مەملەكەتتىك قىزمەتتەردىڭ 90 پايىزى ەلەكتروندى فورماتقا كوشۋى ۋاقىت تالابىنا ساي قابىلدانعان شەشىم. بۇل وتىنىشتەردى قاراۋعا, وڭدەۋگە كەتەتىن ۋاقىت­تى قىسقارتادى, مەملەكەتتىك قىز­مەت­تەردى بارىنشا اشىق ەتەدى.
وزگەرىستەر مەن جاڭاشىلدىقتار بارلىق سالانى قامتيدى. دەنساۋلىق ساق­تاۋ, تۇرعىن ۇي شارۋاشىلىعى, سىباي­لاس جەمقورلىققا قارسى كۇرەس جانە وزگە دە سالالاردا جاڭالىقتار كۇتىپ تۇر. جول­داۋ­دىڭ مۇمكىندىكتەرى كوپ, بىراق بارىنەن بۇرىن حالىق ونىڭ سوڭعى ناتيجەسىن كۇتەدى.
اتالعان ماقساتتاردى جۇزەگە اسىرۋ ۇشىن بارلىق مەملەكەتتىك ورگاندار, ۇكىمەتتىك ەمەس ۇيىمدار جانە قوعامعا ۇلكەن جاۋاپكەرشىلىك جۇكتەلەدى. بىزدىڭ ورتاق مىندەت – جولاۋدى اربىر ازاماتقا, اربىر سايلاۋشىعا جەتكىزۋ.
جولداۋ جارييالانعان بىرىنشى كۇنى-اق نۇروتاندىقتار قولداۋ بىلدىرىپ, ناسيحات­تاۋ­دى قولعا الدى. بىز قازىر جولداۋدى جۇزەگە اسىرۋعا جۇمىلا كۇش سالىپ, ەلبا­سى تاپسىرمالارىنىڭ ورىندالۋىن قادا­عا­لاۋىمىز كەرەك.
بۇكىل قازاقستاندىقتاردى ەل ومىرىن­دەگى ماڭىزدى قۇجاتتا بەلگىلەنگەن تاپسىرمالاردى ىس جۇزىندە ورىندالۋىنا اتسالىسۋعا شاقىرامىن.

ارتۋر مولداعۇلوۆ,
«نۇر وتان» پارتيياسى سولتۇستىك قازاقستان وبلىستىق فيليالى توراعاسىنىڭ
بىرىنشى ورىنباسارى,

بولىسۋ:

پىكىر جازۋ


*