Қарымы мол қаламгер

768
0
Бөлісу:

«Нұр Отан» партиясы Атырау облыстық филиалы «Жас Отан» Жастар қанаты ақын, журналист, Қазақстан Журналистер одағы сыйлығының иегері Төлеген Жаңабайұлымен кездесу ұйымдастырды.

Төлеген Жаңабайұлы өңір айнасы – «Атырау» газетінде меншікті тілшісі, бөлім меңгерушісі, облыстық телера­диокомпанияда бас редактор, төраға­ның орынбасары, «Прокуратура жар­шысы» қоғамдық құқық қорғау газе­тінің бас редакторы болып еңбек еткен. Ол – «Малды ауылдың өрендері», «Шал­дығып жеткен шындық», «Зілдей сөзді Зімбіл», «Жайық Беріштің Тумаш тармағы» және тағы да басқа кітаптар­дың, «Сән мен сахна шырайы» деректі телефильмінің авторы. 2003 жылы «Аты­рау ақын-жазушыларының кітап­ханасы» сериясымен оның әр жылдарда жазған бірнеше әңгіме мен деректі хикаяттары, очерктері мен трамфлеті, жолжазбалары енгізілген «Іңкәр сезім» атты кітабы шыққан.
Жастармен кездесу барысында қа­ламгер Елбасының «Ұлы даланың жеті қыры» атты мақаласына қатысты ой толғады. «Бұл мақала – «Болашаққа бағ­­дар: рухани жаңғыру» атты мақа­ла­­ның заңды жалғасы. Біздің тарихымыз – терең. Қазақтың дана ойшылдары, ға­лымдары, батырлары мен ел би­леу­шілері әлем тамсанып, еліктеуге тұрар­лық тұлғалар болған. Сондықтан Ел­басы айтқандай, біздің мақсат – қазақ­тың төл тарихы тереңірек зерттеп, кейінгі буынға мұра етіп қалдыру. Әр халық өз тарихын бағалап ғана қоймай, оны келешек ұрпаққа қалдыру да басты парыз», – дейді Төлеген Жаңабайұлы.

Айзат АЙДАРҚЫЗЫ 

Бөлісу:

Пікір жазу


*