ابۋ-دابي. مامين جەمىستى كەلىسسوزدەر جۇرگىزدى

1081
0
بولىسۋ:

ابۋ-دابيدە پرەمەر-مينيستردىڭ بىرىنشى ورىنباسارى اسقار مامين باا پرەمەر-مينيسترىنىڭ ورىنباسارى – باا پرەزيدەنت ىستەرى بويىنشا مينيسترى شەيح مانسۋر بەن زايد ال ناحايانمەن كەزدەستى.
ساپار ابۋ-دابيدىڭ مۇراگەر حانزاداسى, باا قارۋلى كۇشتەرى  جوعارى قولباسشىسىنىڭ ورىنباسارى شەيح مۇحاممەد بەن زايد ال ناحاياننىڭ استاناعا جاساعان ساپارى شەڭبەرىندە جانە ونىڭ اعىمداعى جىلدىڭ 4-شى شىلدەسىندە قازاقستان پرەزيدەنتى نۇرسۇلتان نازارباەۆپەن قول جەتكىزىلگەن كەلىسىمدەرىن ورىنداۋ شەڭبەرىندە جۇزەگە اسىرىلدى.
كەلىسسوزدەردىڭ نەگىزگى تاقىرىبى ەكونوميكانىڭ ار تۇرلى سالالارىنداعى ينۆەستيتسييالىق ىڭتىماقتاستىق ماسەلەلەرىنىڭ كەڭ اۋقىمدىلىعى بولدى.


ەنەرگەتيكا سالاسىنداعى ىڭتىماقتاستىقتىڭ ۇلكەن الەۋەتى بار ەكەندىگى اتالدى.
پوليەتيلەن وندىرۋ جوباسى بويىنشا Borealis (Mubadala) كومپانيياسىمەن بىرلەسكەن جوبالىق كومپانييا قۇرىلىپ, قازىرگى تاڭدا تەن جاسالۋدا.
جوبانى شيكىزاتپەن قامتاماسىز ەتۋ ماسەلەسى تولىق شەشىمىن تاۋىپ وتىر. جوبالىق قۋاتى 6,5 ملرد اقش دوللارى تۇراتىن 1250 مىڭ توننا پوليەتيلەن شىعارۋ جوسپارلانعان. بۇدان باسقا, اراب تاراپى اتىراۋ وبلىسىندا سالىنىپ جاتقان پوليپروپيلەن وندىرۋ جونىندەگى جوباعا كىرۋگە مۇددەلى ەكەندىكتەرىن قۋاتتادى. ال جالپى كۇتىلىپ وتىرعان قۋاتى 2,6 ملرد اقش دوللارىنا باعالاناتىن 500 مىڭ توننا پوليپروپيلەن وندىرۋ كوزدەلۋدە. تاراپتار سونداي-اق ەنەرگەتيكا سالاسىنداعى بىرقاتار بولاشاعى زور جوبالاردى قاراستىردى. جانە دە «بايقوڭىر» عارىش ايلاعى بازاسىندا اەروعارىشتىق سالاداعى ىڭتىماقتاستىقتىڭ جوعارى الەۋەتى بارلىعىن, «سويۋز-2» تيپتەگى زىمىران-تاسىعىشىمەن عارىشتىق اپپاراتتاردى جونەلتۋ جانە №1 «گاگارين ستارت» ۇشىرۋ كەشەنىڭ جاڭعىرتۋ جونىندەگى ينۆەستيتسييالىق جوبانى تالقىعا سالدى.
ۇشتاراپتى (قر, باا جانە رف) جۇمىس توبى قۇرىلىپ, تۇراقتى كونسۋلتاتسييالار جۇرگىزىلىپ كەلەدى. عارىشتىق اپپاراتتاردى ۇشىرۋ قىزمەتىنىڭ نارىقتىق باعاسىن ايقىنداۋ اياقتالدى. جوبا بويىنشا شەشىم 2019 جىلدىڭ بىرىنشى توقسانىندا قابىلدانادى دەپ كۇتىلۋدە. كولىكتىك-لوگيستيكالىق سالادا دا ىڭتىماقتاستىق دامۋدا.
قازاقستاندا Mubadala (باا) ينۆەستيتسييالىق قورىمەن بىرلەسە «قورعاس-شىعىس قاقپاسى» ەركىن ەكونوميكالىق ايماعى اۋماعىندا «ا» كلاستى زاماناۋي قويمالىق عيماراتتار سالۋ جونىندەگى جوبانى جۇزەگە اسىرۋ جالعاسۋدا. اۋماعى 14 مىڭ شارشى مەتردى قۇرايتىن ەكى قويما 2019 جىلدىڭ قاڭتارىندا پايدالانۋعا بەرىلەدى.
باا تەمىرجول جۇيەسىن بىرلەسە دامىتۋ جوباسى تالقىعا سالىندى. تەمىرجول ينفراقۇرىلىمىن دامىتۋ نىسانىنىڭ ۇزىندىعى 604 كم قۇرايدى. قازاقستاندىق كومپانييالار تەندەرلىك راسىمىنە بەلسەندى قاتىسۋدا جانە جوبانى جۇزەگە اسىرۋ بويىنشا بىلىكتىلىكتەرىن راستادى. جوبانىڭ بىرىنشى كەزەڭىنە قاتىسۋى جونىندەگى شەشىم 2019 جىلدىڭ بىرىنشى توقسانىندا شىعارىلاتىن بولادى. سونىمەن قاتار, ەكونوميكانىڭ وزگە دە سالالارىنداعى جوبالار بويىنشا ىڭتىماقتاستىق جايى سوز ەتىلدى.

انار قونىس

بولىسۋ:

پىكىر جازۋ


*