Шәкәрімнің сүйегі салынған шабадан

1442
0
Бөлісу:

Абайдың «Жидебай-Бөрілі» мемлекеттік қорық-музейінде Шәкәрімнің сүйегі салынған шабаданның таныстырылымы өтті.

Абай мемлекеттік қорық-музейі директорының орынбасары  Мейрамгүл Қайрамбаеваның айтуынша, бұл 1961 жылы Шәкәрім қажының сүйегі салынған шабадан. Бұл шабаданмен Ахат ата Құрқұдықта жатқан әкесі Шәкәрімнің сүйегін топырақтан аршып алып, Бақанастан Жидебайға әкеліп жерлепті.


– Шәкәрімнің сүйегі салынған шабадан нақты осы екендігі туралы Ахат Шәкәрімұлы, Мінәш Әрхамқызы, Досымхан Тоққараұлылардың жазбаларынан, естелігінен оқып, танысып көрдік. Шабадан 1952 жылы жасалып шыққан, ұзындығы – 72 см, ені – 46 см, биіктігі – 24 см. Ішінде «Ленинград, 1952» деген жазу бар. Қарауылда тұрған Кенжетілеу Доланбеков үйінің мүлкі. 1961 жылы Ахат ата Бақанасқа жол жүрерде өзімен бірге ала кеткен. Сол кездері жүргізуші боп істеп жүрген Қабидолла Медеуов дәл осы шабаданмен Ахат ақсақалды Қарауылдағы Шағатай Ысқақовтың үйіне апарып салғанын айтты. Бұл жәдігерді музей қорына 2017 жылдың шілде айында Айдар Доланбеков табыстады. Содан бері қарай қаншама зерттеулер жүргізіп, бүгін ғана ашық жариялап отырмыз, – деді директордың орынбасары Мейрамгүл Қайрамбаева.

Раушан Нұғманбекова,
Семей

Бөлісу:

Пікір жазу


*