لوندون ديماش قۇدايبەرگەندى ەرەكشە قوشەمەتپەن كۇتىپ الدى (ۆيدەو)

2270
0
بولىسۋ:

ديماش قۇدايبەرگەندى لوندوندا قوشەمەتپەن كۇتىپ الدى.  DQ شوۋىنا قاتىسۋ ۇشىن كەلگەن انشىنى حيتروۋ اۋەجايىندا كورەرمەندەرى قۇشاق جايا قارسى الدى. 

انشىنى جانكۇيەرلەرى استاناداعى نۇرسۇلتان نازارباەۆ حالىقارالىق اۋەجايىندا الداعى كونتسەرتىنە ساتتىلىك تىلەپ شىعارىپ سالعان ەدى. لوندونداعى حالىقارالىق ۇلكەن اۋەجايدا قازاقستاندىق انشىنى الەمنىڭ ار ەلىنەن كەلگەن جۇزگە جۋىق ادام قارسى الدى. جانكۇيەرلەر وعان سىيلىق پەن گۇل شوقتارىن تابىس ەتتى. قاتىسۋشىلاردىڭ بارلىعى ەرەكشە كۇيگە بولەنىپ, سۇيىكتى انشىلەرىمەن سۋرەتكە تۇستى جانە تىلدەسۋ مۇمكىندىگىنە يە بولدى.

ۆەسنا مەدۆەدەۆا لوندونعا تورونتودان (كانادا) DQ شوۋىن كورۋگە اناسىمەن بىرگە كەلدى.

– ديماشتىڭ مۋزىكاسىمەن شامامەن بىر جىل بۇرىن انام تانىستىردى. سودان بەرى ونىڭ شىعارماشىلىعىنان كوز جازباي كەلەمىن. لوندوندا كوڭىلىم قۋانىشتان شالقىپ, ەرەكشە سەزىمدە جۇرمىن, – دەدى وز اسەرىمەن بولىسكەن بويجەتكەن. ديماش قۇدايبەرگەننىڭ كونتسەرتىنە الەمنىڭ ار تۇكپىرىنەن جينالعان كورەرمەننىڭ قاراسى كوپتىگى سونشالىق, بيلەتتەر بىرنەشە اپتا بۇرىن ساتىلىپ كەتكەن.

«ايقىن» اقپارات

بولىسۋ:

پىكىر جازۋ


*