قۇقىقتىق كومەك قولجەتىمدى

452
0
بولىسۋ:

ادىلەت ورگاندارىنىڭ الدىنا قويىلاتىن نەگىزگى مىندەتتەردىڭ بىرى – ازاماتتاردىڭ قۇقىعىن قورعاۋ. قوعام مەن مەملەكەتتىڭ تۇراقتى دامۋىنا سۇبەلى ۇلەس قوسۋ. ادىلەت مينيسترلىگى – ورتا­لىقتاندىرىلعان ورگان. تيەسىلى قۇزىرەتى اياسىندا مەملەكەتتىڭ قىزمەتىن قۇقىقتىق قامتاماسىز ەتەدى. مەملەكەتتىك ورگان­داردىڭ زاڭ شەڭبەرىندە, قۇجاتقا سايكەس جۇمىس ىستەۋىن قاداعالايدى.

سونىمەن قاتار ادىلەت مينيسترلىگى ادۆوكاتۋرا, نوتاريات, سوت ساراپتاماسى قىزمەتتەرىن رەتتەيدى. قۇقىقتىق اقپارات بويىنشا رەسپۋبليكالىق ور­تالىقتاردىڭ قىزمەتىن باعالايدى.
اۋماقتىق ادىلەت ورگانداردىڭ نەگىزگى فۋنكتسيياسىنا زاڭدى تۇلعالاردىڭ جىلجىمايتىن مۇلىككە قۇقىعىن, جەرگىلىكتى وكىلەتتى جانە اتقارۋشىلىق ورگانداردىڭ نورماتيۆتىك قۇقىقتىق اكتىلەرىن مەملەكەتتىك تىركەۋ, قۇقىقتىق كومەك جانە زاڭدى قىزمەت كورسەتۋ, قۇقىقتىق كومەكتى ناسيحاتتاۋ, باعالاۋ قىزمەتى اياسىندا مەملەكەتتىك باعالاۋدى قامتاماسىز ەتۋ, ينتەللەكتۋالدىق مەن­شىك قۇقىعىن قورعاۋ اياسىندا ىس-شا­رالار ۇيىمداستىرۋ جاتادى.
ادىلەت ورگاندارى ۇلتتىق كاسىپ­كەرلەر پالاتاسىمەن بىرلەسىپ, تۇراقتى تۇردە بيزنەس پەن قوعامنىڭ وكىلدەرىنە جاڭا زاڭنامالارىن تۇسىندىرۋ جۇمىس­تارىن جۇرگىزەدى. بيزنەس ۇشىن اكىمشىلىك قاراما-قايشىلىق­تاردى تومەندەتۋ ۇشىن ناتيجەلى شا­رالار قولدانادى. اتاپ ايتقاندا, بيزنەستى دامىتۋ وڭتاي­لاندىرىلادى. ياعني, تىركەۋ رۇقسات ەتىلەتىن تارتىپتەن حابار­لامالىق تار­تىپكە وتتى. قازاق­ستاندا زاڭدى تۇلعانى تىركەۋ شىعارما­شىلىق سۋبەكتىسىنىڭ تۇرىنە بايلا­نىستى 1 كۇننەن 14 كۇنگە دەيىن ۋاقىت الادى. بۇل كەزدە زاڭدى تۇلعانىڭ جارعىسىن تاپ­سىرۋ مىندەتتى ەمەس. سەبەبى, ول زاڭدى تۇلعانىڭ ىشكى تارتىبىن رەتتەيتىن قۇجات. تىركەۋشى ور­گانعا تەك زاڭدى تۇلعانىڭ دەرەكقورىنا قاجەتتى اقپاراتتى ەنگىزۋ ۇشىن وسى زاڭ­دى تۇلعا تۋرالى مالى­مەتتەرى كورسەتىلگەن وتىنىش قاجەت. وسى ارقىلى تىركەۋ كەزىندەگى كەدەرگىلەر تولىق جويىلادى.
قازىرگى ۋاقىتتا مەملەكەتتىك قىزمەت كورسەتۋدىڭ كەيبىر تۇرلەرىن ازاماتتار ەلەكتروندى ۇكىمەت ارقىلى ۇيدەن شىقپاي-اق قولدانا الادى.

اباي قورازوۆ,
الماتى قالاسى تۇركسىب اۋداندىق ادىلەت باسقارماسىنىڭ ينسپەكتورى

بولىسۋ:

پىكىر جازۋ


*