تاريف قالىپتاستىرۋدىڭ اشىقتىعى ارتتىرىلادى

966
0
بولىسۋ:

ۇكىمەت مەملەكەت باسشىسىنىڭ قاۋىپسىزدىك كەڭەسىنىڭ وتىرىسىندا تاريف قالىپتاستىرۋدىڭ اشىقتىعىن قامتاماسىز ەتۋ جانە كوممۋنالدىق قىزمەتتەردىڭ باعاسىن تومەندەتۋگە قاتىستى بەرگەن تاپسىرمالارىن ورىنداۋ بويىنشا بەلسەندى جۇمىستار اتقارىپ جاتىر.

قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپولييالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ توراعاسى ازامات مايتيەۆ PrimeMinister.kz پورتالىنا بەرگەن ەكسكليۋزيۆتى سۇحباتىندا قانداي جۇمىستار جۇرگىزىلىپ جاتقانى جانە قانداي ناتيجەلەر كۇتىلەتىنى تۋرالى مالىم ەتتى.

تەكسەرۋ تۋرالى
– بيىلعى 12 قاراشادان باستاپ ەلىمىزدىڭ بارلىق قالالارىندا تۇرعىندارعا ارنالعان قوعامدىق قابىلداۋلار اشىلدى, ونىڭ بارىسىندا كەلىپ تۇسكەن ۇسىنىستار مەن شاعىمدار جۇيەلەنىپ, تاريف قالىپتاستىرۋ ۇردىسى تۋرالى تۇسىنىك بەرىلەدى جانە كەلىپ تۇسكەن شاعىمداردى قاراستىرۋدىڭ قورىتىندىسى بويىنشا تۇرعىن ۇي-كوممۋنالدىق شارۋاشىلىعى سالاسىنداعى مونوپوليستەرگە جوسپاردان تىس تەكسەرۋلەر جۇرگىزىلەتىن بولادى.

 جاڭا زاڭ تۋرالى
– تاريف قالىپتاستىرۋ ۇردىسىنىڭ اشىقتىعىن قامتاماسىز ەتۋدى كۇشەيتۋ, مونوپوليستەردىڭ تاريفتىك سمەتالار مەن ينۆەستيتسييالىق باعدارلامالاردى ورىنداۋىنا باقىلاۋدى كۇشەيتۋ ماقساتىندا بىز زاڭناماعا وزگەرىستەر ەنگىزۋگە باستاما بىلدىردىك. بۇگىنگى تاڭدا تابيعي مونوپولييالار تۋرالى جاڭا زاڭدار پارلامەنت ماجىلىسىنىڭ قاراۋىندا, ولار تابيعي مونوپولييالار سۋبەكتىلەرىنىڭ تاريفتىك سمەتالارىن جانە ينۆەستيتسييالىق باعدارلامالارىن ورىنداۋى بويىنشا ەسەپتەرىن قاراۋعا تۇتىنۋشىلاردىڭ قۇقىقتارىن قورعاۋ قوعامىن قاتىستىرۋدى كوزدەيدى.

تۇتىنۋشى ۇسىنى تۋرالى
– 2019 جىلدىڭ 1 قاڭتارىنان باستاپ تابيعي مونوپولييالار سۋبەكتىلەرى ۇشىن ەلەكتروندى تاريفتەردى بەكىتۋ وتىنىمدەرىنىڭ مىندەتتى فورماتىن ەنگىزەمىز. بۇل رەتتە تۇتىنۋشىلارعا اتالعان بازانىڭ ماتەريالدارىنىڭ تولىق قولجەتىمدى بولۋى قامتاماسىز ەتىلەدى. تيىسىنشە, تۇتىنۋشىلاردىڭ تابيعي مونوپولييالار وتىنىمدەرى بويىنشا ۇسىنىستارى, ەسكەرتپەلەرى مەن سۇراقتارى جۇيەلەنىپ, جارييا تىڭداۋلاردا قاراستىرىلادى, ولارعا تۇسىنىكتەر بەرىلەدى. وسىلايشا, تۇتىنۋشى وزىنىڭ بارلىق سۇراقتارىنا جاۋاپ الادى.

ەسەپ بەرۋ تۋرالى
– سونىمەن قاتار زاڭناماعا تۇزەتۋلەر ەنگىزۋگە باستاما بىلدىرىلگەن. ماسەلەن, تابيعي مونوپولييالار سۋبەكتىلەرىنىڭ تۇتىنۋشىلاردىڭ الدىندا تاريفتىك سمەتالارىنىڭ جانە ينۆەستيتسييالىق باعدارلامالاردىڭ ورىندالۋ بارىسى تۋرالى جىل سايىن ەسەپ بەرۋىنەن جارتى جىل سايىن جارييا ەسەپ بەرۋىنە اۋىستىرۋ.

مونيتورينگ تۋرالى
– بىز تابيعي مونوپولييالار سۋبەكتىلەرىنىڭ تاريفتىك سمەتالار مەن ينۆەستيتسييالىق باعدارلامالاردى ورىنداۋى بويىنشا قوعامدىق مونيتورينگ ينستيتۋتىن ەنگىزۋدى كوزدەيمىز. ياعني, بۇقارالىق اقپارات قۇرالدارىنىڭ, تۇرلى قوعامدىق بىرلەستىكتەر مەن ۇيىمداردىڭ, جەرگىلىكتى اتقارۋشى ورگانداردىڭ, «اتامەكەن» ۇلتتىق كاسىپكەرلەر پالاتاسىنىڭ وكىلدەرىنىڭ, تۇتىنۋشىلاردىڭ جانە باسقا دا مۇددەلى تۇلعالاردىڭ تابيعي مونوپولييالار سۋبەكتىلەرىنىڭ ينۆەستيتسييالىق باعدارلامالارىن قالاي ىسكە اسىرىپ جاتقانىن كورۋلەرى ۇشىن سول سۋبەكتىلەردىڭ تۇرعىن ۇي-كوممۋنالدىق شارۋاشىلىق نىساندارىنا بارۋى قامتاماسىز ەتىلەتىن بولادى.

جارييالىلىق تۋرالى
– قازىر كوممۋنالدىق قىزمەتتەردى تۇتىنۋ نورمالارىن جەرگىلىكتى اتقارۋشى ورگاندار بەكىتەدى. بىز بۇل ۇردىستى, بۇل مەحانيزمدى جارييا فورماتقا اۋىستىرعىمىز كەلەدى.

اسقار التايۇلى

بولىسۋ:

پىكىر جازۋ


*