كەدەرگىلەر جويىلۋى تيىس

552
0
بولىسۋ:

سەناتور س.ەڭسەگەنوۆ ەۋرازييالىق وداق اياسىنداعى ەكونوميكالىق قاتىناستارعا كەدەرگىلەردى زەردەلەۋ ماقساتىندا ەلىمىزدىڭ باتىس وڭىرلەرىنە ساپارلادى. ول اقتوبە وبلىسىنىڭ ورتالىعىندا جانە العا اۋدانىنىڭ اۋماعىندا ورنالاسقان شاعىن جانە ورتا اۋىل شارۋاشىلىعى كاسىپورىندارىن ارالاپ, جۇمىستارىمەن تانىستى. 

جىلىجاي, مال بورداقىلاۋ, ولاردىڭ ونىمدەرىن وڭدەۋ جانە وتكىزۋ, سونىڭ ىشىندە ەكسپورتقا شىعارۋ تاجىريبەلەرىنە قانىعۋ ۇشىن Izet Greenhouse جىلى­جايىندا, «ايبەك» اۋىل شارۋا­شىلىعى وندىرىستىك كووپەراتيۆىندە, «رايىمقۇل» شارۋا قوجالىعىندا, 13 مىڭ باس سيىر ۇستاۋعا ارنالعان «العا مال بورداقىلاۋ» جانە «العا ەت وندىرۋ» كەشەندەرىندە ەڭبەك ۇجىمدارىمەن كەزدەستى. كاسىپ­كەرلەرمەن پىكىرلەسۋ كەزىندە مەملەكەتتىك قولداۋ, اكىمشىلىك كەدەرگىلەر, ەكسپورتقا شىعارۋدا تۋىنداعان ماسەلەلەر, جۇمىس قولىنىڭ جەتىسپەۋشىلىگى تۋرالى ۇسىنىستار ايتىلدى.
س.ەڭسەگەنوۆ ساپار اياسىندا اتىراۋ وبلىسىنداعى يساتاي اۋدانىنىڭ جانباي اۋىلدىق وكرۋگىنە قارايتىن قىزتۋعان ۋچاسكەسىندەگى بالىق ونىمىن وڭدەۋ كاسىپورنىنا دا باردى. 12 ساعاتتا 3 توننا بالىق ونىمدەرىن وڭدەيتىن «شاعالا اتىراۋ» كاسىپورنىنىڭ باسشىسى ابدولxاسان ۇعىباي وندىرىستىڭ ەكونوميكالىق جاعدايىن ايتا كەلە, اتىراۋ وبلىسى اكىمىنىڭ قولداۋىمەن «جايىق» موب مەكەمەسىنىڭ ەلەكتر جەلىسىنە قوسىلىپ جارىق الىپ وتىرعا­نىن ايتتى. سونداي-اق «قازاگرو» اق ارقىلى جابدىقتار تولىق الىنىپ, ورناتىلعان. الايدا قازىر مەكەمەنىڭ
106 ميلليون تەڭگە بەرەشەگى بار.
وندىرىس ىسكە قوسىلعاندا 80 ادام تۇراقتى جۇمىسقا الىنادى دەيدى كاسىپ­كەر. بىراق كاسىپورىن ىسكە قوسىلماي تۇر. ونىڭ سەبەپتەرى – بالىق اۋلاۋعا ليميت جوق, جايىق وزەنى بويىنداعى بولىنىپ قالعان كولشىكتەر تاۋارلى بالىق وسىرۋ ۇشىن بەرىلمەي وتىر, مەملەكەت ەسەبىنەن ينۆەستيتسييالىق سۋبسيدييالاۋدا شەشىل­مەي تۇرعان ماسەلەلەر بار. «مۇنداي كەدەرگىلەر ىسكە دەگەن قۇلشىنىستى سۋ سەپكەندەي باسادى ەكەن, بىراق ۇمىتىم ۇزىلگەن جوق» دەگەن كاسىپكەر جۇمىسىن جالعاستىرۋدا. شاعىن كاسىپورىن, تۇراقتى جۇمىس ورنى اشىلعاندا مەملە­كەتتىك ورگاندار تاراپىنان ناقتى قول­داۋ بولسا, جۇمىسى جاندانىپ كەتەتىنى, ال سوزبۇيدالىققا سالىنسا, كاسىپكەرلىك سالاسى ەشكىمنەن قولداۋ تاپپاسا, جابىلىپ قالاتىنى ايتىلدى.

ايحان شارىپ

بولىسۋ:

پىكىر جازۋ


*