التى بانك قىزمەت كورسەتەدى

521
0
بولىسۋ:

جامبىل وبلىسى اكىمدىگى ىشكى ساياسات باسقارماسى «وڭىرلىك كوممۋنيكاتسييالار قىزمەتىنىڭ» الاڭىندا قازاقستان ۇلتتىق بانكىنىڭ جامبىل فيليالى ديرەكتورى ەۆگەنيي شارىگين, «بانك تسەنتركرەديت» اق تاراز قالاسىنداعى فيليالىنىڭ ديرەكتورى بەكداۋىل يپتيلداەۆ, «تسەسنا بانك» اق فيليالىنىڭ ديرەكتورى عالىمجان دولانبەكوۆتىڭ قاتىسۋىمەن باسپاسوز كونفەرەنتسيياسى وتتى. سپيكەرلەر «7–20–25» باعدارلاماسىن ىسكە اسىرۋ» تۋرالى جۋرناليستەردىڭ سۇراقتارىنا جاۋاپ بەردى.

مەملەكەت باسشىسىنىڭ اعىمداعى جىلدىڭ ناۋرىز ايىندا ۇسىنعان بەس الەۋمەتتىك باستاماسىنىڭ بىرىن ىسكە اسىرۋ شەڭبەرىندە قازاقستان ۇلتتىق بانكى جاڭا «7–20–25. اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ۇي كرەديتتەۋ باعدارلاماسىن بەكىتىپ, «باسپانا» يپوتەكالىق ۇيىمى» قۇرىلعانى بەلگىلى. جامبىل وبلىسىندا بۇگىنگى كۇنى باعدار­لا­مانى جۇزەگە اسىرۋ ماقساتىندا 6 بانك­­تىڭ فيليالى جۇمىس ىستەيدى. ولار – تسەنتركرەديت بانكى, اتف بانك, حالىق بانك, تسەسنا بانك, ەۋرازييالىق بانك جانە فورتە بانك فيليالدارى. اتالعان باعدارلاما كەزەككە تۇرىپ, كۇتۋدىڭ قا­جەت­تى­لىگى بولماۋىمەن ۇتىمدى. اركىم قۇرى­لىس سالۋشىنى وزى تاڭدايدى, تۇر­عىن ۇيدى وزى تابادى, بانككە جۇگىنەدى جانە ارى قاراي يپوتەكا راسىمدەيدى.
جامبىل وبلىسى بويىنشا بۇگىنگى كۇنگە دەيىن بانك فيليالدارىمەن 407,7 ملن تەڭگەگە 51 وتىنىش قابىلدانىپ, 284,8 ملن تەڭگەگە 33 وتىنىش ماقۇلدانعان. ونىڭ ىشىندە 6 زاەم – بىلىم سالاسىندا جۇمىس ىستەيتىن جۇمىسشىلارمەن, 2 – اسكەري, 3 – مەملەكەتتىك ورگان قىزمەت­كەر­­لەرىمەن, 6 – مەديتسينا قىزمەتكەر­لەرى­مەن, 2 – سپورتشىلارمەن, 1 زاەم – اۋىل شارۋاشىلىعى سالاسىنىڭ قىزمەت­كە­رى­مەن, 1 – پوشتالىق قىزمەت جۇمىس­شى­سىمەن, 2 – ەكىنشى دەڭگەيدەگى بانكتىڭ قىزمەتكەرلەرىمەن, 5 زاەم جەكە ۇيىم­دار­دا جۇمىس ىستەيتىن تۇلعالارمەن جانە 1 زاەم حقكو قىزمەتكەرىمەن الىنعان. مامانداردىڭ ايتۋىنشا, باعدارلاما شەڭبەرىندە جۇزەگە اسىرىلۋى مۇمكىن باس­تاپقى تۇرعىن ۇي وبەكتىلەرىنە قا­تىس­­­تى قازىرگى تاڭدا باعدارلاما بويىن­شا باستاپقى تۇرعىن ۇيدى وبلىس ورتالى­عىن­داعى مىنا جەرلەردەن الۋعا بولادى ەكەن. ياعني, «7–20–25» باعدارلاماسى شەڭبە­رىن­دە ەدب جۇزەگە اسىرىلاتىن, جاقىن ارادا قتقجب-دان جاو بەرىلەتىن «نۇرلى جول» باعدارلاماسى بويىنشا تۇرعى­زىلعان «اراي» القابىنداعى شاما­مەن 100 پاتەر. سونداي-اق «7–20–25» باع­­دارلاماسى شەڭبەرىندە ەدب جۇزە­گە اسىرىلاتىن, كەلەسى جىلى قتقجب-دان جاو بەرىلەتىن «نۇرلى جول» باعدار­لا­ما­سى بويىنشا تۇرعىزىلعان 15 ىقشام­اۋدا­نىنداعى 300-گە جۋىق پاتەر (بارلى­عى بيىل 10 ۇي تۇرعىزىلدى – بۇل 800 پاتەر, ونىڭ 500-نە قتقجب باعىتى بويىن­شا باسىمدىققا يە سالىمشىلاردى نەسيەلەۋ كۇتىلىپ وتىر). ال جەكە قۇرىلىس سالۋشىلاردان – 80 پاتەر («بينوم» جشس, «جامبىل تاس-قۇم» جشس, «ابىلاي سانا 2003» جشس, «ۆوسحود» وك, «پيكو» وك جانە «قاراتاۋ قۇرى­لىس» جشس).

ەرمان ابديەۆ, جامبىل وبلىسى

بولىسۋ:

پىكىر جازۋ


*