ۇلتتىق ارنا جانىبەك الىمحانۇلىنىڭ جەكپە-جەگىن كورسەتەتىن بولدى

1111
0
بولىسۋ:

25 جاستاعى قازاقستاندىق كاسىپقوي بوكسشى جانىبەك الىمحانۇلى 4 قاراشا كۇنى استانا ۋاقىتىمەن تاڭعى 4 شاماسىندا وزىنىڭ تورتىنشى جەكپە-جەگىنە شىعادى.

تەحاس شتاتىنداعى ەل پاسو قالاسىندا وتەتىن كەزدەسۋدى QazSport جانە Qazaqstan ارنالارى تىكەلەي ەفيردە تاراتپاق. جانىبەكتىڭ بۇل جولعى قارسىلاسى – امەريكالىق بوكسشى ۆون الەكساندەرا.

جەكپە-جەك سەگىز راۋندقا جوسپارلانعان. جانىبەك مۇنداي ۇزاق ۋاقىتتىق جەكپە-جەككە العاش رەت شىقپاق. الىمحانۇلىنىڭ بۇعان دەيىنگى ۇش كەزدەسۋى دە التى راۋندتان تۇرعان ەدى.

4 قاراشا كۇنى بولاتىن بوكس كەشىنىڭ باستى جەكپە-جەگى ميگەل بەرچەلت پەن ميگەل روماننىڭ اراسىندا وتپەك. سونداي-اق اندەركارتتا تاعى بىر قازاقستاندىق بوكسشى – ساعادات راحمانقۇلوۆ تا جۇدىرىقتاسادى. راحمانقۇلوۆ 22 جاستاعى پۋەروريكالىق نيكلاۋس فلاسقا قارسى شىعادى.

بۇگىن بوكس كەشىنىڭ قاتىسۋشىلارىنىڭ بارلىعى سالماق ولشەۋ راسىمىن وتكىزدى. الىمحانۇلىنىڭ سالماعى – 163,25 فۋنتتى كورسەتسە, ۆون – 162,25 فۋنت بولدى. راحمانقۇلوۆ – 147,25, ال فلاس – 147,5.

اباي ايماعامبەت

بولىسۋ:

پىكىر جازۋ


*