ەلباسى ۇكىمەت باسشىلارىمەن كەزدەستى

549
0
بولىسۋ:

قازاقستان پرەزيدەنتى تمد-عا مۇشە ەلدەردىڭ ۇكىمەت باسشىلارى كەڭەسىنىڭ مۇشەلەرىمەن كەزدەستى. كەزدەسۋگە قازاقستان پرەمەر-مينيسترى ب.ساعىنتاەۆ, ازەربايجان پرەمەر-مينيسترى ن.مامەدوۆ, بەلارۋس پرەمەر-مينيسترى س.رۋماس, قىرعىز پرەمەر-مينيسترى م.ابىلعازيەۆ, تاجىكستان پرەمەر-مينيسترى ك.راسۋلزودا, وزبەكستان پرەمەر-مينيسترى ا.اريپوۆ, رەسەي ۇكىمەتىنىڭ توراعاسى د.مەدۆەدەۆ, ارمەنييا بىرىنشى ۆيتسە-پرەمەرى ا.ميرزويان, تۇرىكمەنستان مينيسترلەر كابينەتى توراعاسىنىڭ ورىنباسارى گ.مۋرادوۆ, تمد-نىڭ اتقارۋ كوميتەتىنىڭ توراعاسى – اتقارۋشى حاتشى س.لەبەدەۆ قاتىستى.

مەملەكەت باسشىسى تمد-عا مۇشە ەل­دەر دەلەگاتسييالارىنىڭ باسشىلارىنا ىل­تي­پات بىلدىرىپ, دوستاستىق مەملەكەتتەرىنىڭ ىن­تىماقتاستىعىن نىعايتۋ ۇشىن بۇگىن وتىپ جات­قان كەڭەستىڭ ايرىقشا مانى بار ەكەنىن اتاپ وتتى.
– بۇگىن سىزدەر ۇكىمەت باسشىلارى كەڭە­سى­نىڭ كەزەكتى وتىرىسىنا قاتىساسىزدار. ونىڭ كۇن تارتىبىندە 15 ناقتى ماسەلە بار. بۇل ىس-شارا ەلدەرىمىز اراسىنداعى وزارا تيىم­دى قارىم-قاتىناستاردى ودان ارى دا­مى­تۋعا زور ۇلەس قوسادى دەپ سەنەمىن, – دەدى نۇرسۇلتان نازارباەۆ.
قازاقستان پرەزيدەنتى تمد ەلدەرى ارا­سىن­داعى ساۋدا-ەكونوميكالىق باي­لا­نىس­تار­دى دامىتۋدىڭ ماڭىزدىلىعىن ايتتى.
– شيرەك عاسىردان استام ۋاقىت ىشىندە تمد ىرگەلى ۇيىمعا اينالدى. بۇل بىرلەستىك حا­لىقتارىمىز اراسىنداعى تاريحي باي­لا­نىس­تاردى ساقتاپ قالۋعا مۇمكىندىك بەرىپ, ار ەلدىڭ ەگەمەندىگىن نىعايتۋعا سەپتىگىن تي­­گىزدى. قازىرگى كەزدە دوستاستىق اياسىنداعى وزا­را ىقپالداستىقتىڭ ماڭىزدىلىعى ارتا تۇس­تى. تمد-داعى ساۋدا-ساتتىق كولەمى وسىپ كە­لەدى. بىلتىر تاۋار اينالىمىنىڭ كو­لە­مى 25 پايىزعا ارتىپ, 164 ميلليارد دول­لار­عا جەتتى. مۇنداي ۇردىس بيىل دا جالعاسىن تابۋ­دا, – دەدى مەملەكەت باسشىسى.
قازاقستان پرەزيدەنتى تمد مەم­لە­كەت­تەر باسشىلارى كەڭەسىنىڭ بيىلعى وتى­رى­سى­نىڭ ناتيجەلەرىنە دە توقتالدى.
– بىز ۇيىمىمىزدى نىعايتۋ ماسە­لە­لە­رىن قاراستىردىق. سونىڭ ىشىندە جۇمىستىڭ تيىم­دىلىگىن ارتتىرۋعا جانە ونى زامان تا­لا­­بىنا ساي بەيىمدەۋگە باعىتتالعان جاڭ­عىر­تۋ ۇدەرىسىن ىلگەرىلەتۋگە مان بەردىك. دوس­تاستىق اياسىنداعى ەكونوميكالىق كووپە­راتسييانى كەڭەيتۋ ۇشىن ەكونوميكالىق دامۋ ستراتەگيياسىن جانداندىرۋ جانە تمد ەل­دە­رى كورسەتەتىن قىزمەتتەردىڭ ەركىن ساۋداسى تۋ­رالى كەلىسىمنىڭ قابىلدانعان جوبالارىن جۇ­زەگە اسىرۋدى جەدەلدەتۋ قاجەتتىگى اي­تىل­دى, – دەدى نۇرسۇلتان نازارباەۆ.
سونىمەن قاتار مەملەكەت باسشىسى دۋ­شانبەدەگى مەملەكەتتەر باسشىلارى كەڭە­سىنىڭ وتىرىسىندا جارييا ەتىلگەن جاڭا ۇسى­نىستار, سونىڭ ىشىندە تمد ايا­سىندا ساۋ­دا كەدەرگىلەرىن جويۋ, كولىك-لو­گيستيكا جا­نە تۋريزم سالالارىنداعى وزا­را ىس-قي­مىل­دىڭ تيىمدىلىگىن ارتتىرۋ, عا­رىش سالا­سىن­داعى جوبالاردى جۇزەگە اسىرۋ, تسيفرلىق ەكونوميكانى دامىتۋ جا­نە يننوۆاتسييالىق شەشىمدەردى پاي­دا­لانۋ ماسەلەلەرىن تالقى­لاۋ ناتيجەسى جو­نىن­دە اڭگىمەلەدى.
نۇرسۇلتان نازارباەۆ سوزىنىڭ سوڭىندا مەم­لەكەتتەر باسشىلارىنىڭ كەڭەسىندە اي­تىلعان باستامالاردى ىسكە اسىرۋ ۇشىن ناق­تى شارالار كەشەنىن ازىرلەۋ قاجەتتىگىن ايت­تى. سونىمەن قاتار كەزدەسۋ بارىسىندا قا­زاقستان پرەمەر-مينيسترى ب.ساعىنتاەۆ پەن رەسەي ۇكىمەتىنىڭ توراعاسى د.مەدۆەدەۆ بايان­داما جاسادى.

بولىسۋ:

پىكىر جازۋ


*