ميلليونىنشى قوناق

890
0
بولىسۋ:

تۇركىستان وبلىسىنىڭ اكىمى جانسەيىت تۇيمەباەۆ  قوجا احمەت ياسساۋي كەسەنەسىنە كەلگەن ميلليونىنشى قوناقتى كۇتىپ الدى. وڭىر باسشىسى مۇحيتتىڭ ار جاعىنان – اقش-تىڭ سولتۇستىك كورولينا شتاتىنان ياسساۋي كەسەنەسىن كورۋگە كەلگەن ەرلى-زايىپتى ۋيليام جانە باربارا برەنچتەردى  قازاقتىڭ قوناقجاي سالتىمەن قارسى الىپ, شاپان كيگىزىپ, قولىنا قامشى ۇستاتىپ, تايقازان سىيلادى. تۋريستەردى  وڭىردەگى تۋريزمدى دامىتۋ ماقساتىندا اتقارىلىپ جاتقان جۇمىستارمەن تانىستىردى.

كەزدەسۋدە ۋيليام برەنچ ەلىمىزگە العاش كەلىپ وتىرعانىن, جالپى امە­ريكا ازاماتتارى ورتالىق ازييا ەلدەرى ىشىندە تۇركىستانعا جيى كەلەتىنىن جەت­كىزدى.
«تۇركىستان – ورتالىق ازييا مەم­لە­­كەتتەرى ىشىندەگى تاريحى باي, كيەلى مە­كەندەردىڭ بىرى. بىزدىڭ ەل ازامات­تارى وسى قاسيەتتى قالاعا جيى كەلەدى. تۇر­كىستان قالاسى مەن ياسساۋيدىڭ تاري­حىنان حاباردارمىز. قازاق­ستانعا, تۇر­كىستان وڭىرىنە كەلگەلى قازاق حال­قىنىڭ قوناقجايلىعى مەن دارقان كوڭى­لىنە كۋا بولىپ جۇرمىز. اقش-قا بار­عاننان كەيىن ونداعى وتان­داس­ت­ا­رى­مىزعا وسى قۇندى­لىقتارىڭىزدى جەت­كىزەمىز», – دەدى ۋيليام برەنچ.
– سىزدەردى قاسيەتتى قالامىزدىڭ ميل­ليونىنشى تۋريسى اتانۋ­لارىڭىز­بەن قۇتتىقتايمىن. بۇل – بىز ۇشىن قۋا­نىش. ماسەلەن, دال بۇگىن تۇركىستان قا­لاسىنا كەلۋشىلەر سانى 1 ملن ادام­عا جەتىپ, وتكەن جىل­دىڭ وسى كە­زەڭى­مەن سالىستىر­عاندا, 57,2 پايىزعا ارتىپ وتىر. سونىمەن قاتار وڭىردە تۋريزمدى دامىتۋ ۇشىن جۇيەلى باعدارلامالار دايار­لادىق. الداعى ۋاقىتتا كەلۋ­شىلەر سا­نى تاعى ارتا تۇسەدى دەپ جوسپارلاپ وتىر­مىز, – دەدى جانسەيىت قانسەيىت­ۇلى.
2018 جىلدىڭ ىى توقسانىنىڭ قو­رى­تىندىسى بويىنشا وبلىسقا كەلۋ­شىلەر سانى 65,4 مىڭ ادامعا جەتىپ, وتكەن جىلدىڭ وسى كەزەڭىمەن سالىس­تىر­عاندا 7,7 پايىزعا ارتقان. بۇدان وزگە, ورنالاستىرۋ ورىندا­رىمەن كور­سەتىلگەن قىزمەت كولەمى بيىلعى جىل­دىڭ التى ايىندا 543,7 ملن تەڭگەگە جە­تىپ, وسۋ قارقىنى 16,8 پايىزعا وس­كەن.
سونداي-اق قازاقستاننىڭ تۋريس­تي­فيكاتسييالاۋ كارتاسىنىڭ رەسپۋب­لي­كا­لىق ماڭىزى بار توپ-10 نىسانىنا وبلىستان «ازىرەت سۇلتان» قورىق-مۇرا­جايى ەنگىزىلگەن.

تەلمان بەيسەن

بولىسۋ:

پىكىر جازۋ


*