ب.ساعىنتاەۆ: نۇركەنت قالاشىعىندا 99 مىڭ حالىق تۇراتىن بولادى

1480
0
بولىسۋ:

بۇگىن الماتى وبلىسىنا جۇمىس ساپارى بارىسىندا قر پرەمەر-مينيسترى باقىتجان ساعىنتاەۆ «قورعاس» شەكارا ماڭى ىنتىماقتاستىعى حالىقارالىق ورتالىعىنىنىڭ اۋماعىنا بارىپ, وندا قازاقستان–قىتاي شەكاراسىنداعى پانفيلوۆ اۋدانىندا ورنالاسقان نۇركەنت جاڭا قالاسىن دامىتۋدىڭ باس جوسپارىمەن تانىستى.

«قورعاس» شەكارا ماڭى ىنتىماقتاستىعى حالىقارالىق ورتالىعىنىڭ جانە «قورعاس – شىعىس قاقپاسى» ەركىن ەكونوميكالىق ايماعىن قۇرۋ جوبالارى مەملەكەتارالىق ماڭىزداعى نىساندار جانە ولار ەلەۋلى ەڭبەك رەسۋرستارىن تارتۋدى قاجەت ەتەدى, ال بۇل – 36 مىڭنان 68 مىڭعا دەيىن جاڭا جۇمىس ورىندارى. ازاماتتاردىڭ قولايلى ومىر سۇرۋىن قامتاماسىز ەتۋ ماقساتىندا 2013 جىلدان باستاپ نۇركەنت جاڭا قالاسىنىڭ قۇرىلىسى جۇرگىزىلىپ جاتىر.

قالانىڭ جالپى اۋدانى – 1460 گا. پرەمەر-مينيستر ب. ساعىنتاەۆقا 2035 جىلعا قاراي قالا حالقىنىڭ سانى شامامەن 99 مىڭ ادامدى قۇرايتىنىن ايتتى. سونىمەن قاتار, 2022 جىلعا قاراي 1 ملن م² استام تۇرعىن ۇي (ى كەزەك) پايدالانۋعا بەرىلەدى – بۇل شامامەن 5 اۋدان نەمەسە 50 مىڭ ادام. نۇركەنتتە بىرىنشى كەزەك اياسىندا 24 الەۋمەتتىك نىسان, ونىڭ ىشىندە 8 مەكتەپ, 12 بالاباقشا, بىر ەمحانا جانە 3 مەديتسينالىق ورتالىق سالۋ كوزدەلگەن.

الماتى وبلىسى اكىمدىگىنىڭ قۇرىلىس باسقارماسىنىڭ باسشىسى ب. تاكەنوۆ ەكى 86 پاتەرلىك ۇي بويىنشا جوبالىق-سمەتالىق قۇجاتتاما 2019 جىلعى ناۋرىزعا قاراي ازىر بولاتىنىن اتاپ وتتى. ۇشىنشى ۇيدىڭ جوسپارى جەكە ينۆەستور قاراجاتى ەسەبىنەن جۇرگىزىلىپ جاتىر. ىى كەزەك اياسىندا 4 مىڭعا جۋىق ادام باسپانالى بولادى. تۇرعىن ۇي قورىنىڭ جالپى اۋدانى – 70 مىڭ م².

بۇدان وزگە, «نۇرلى جەر» باعدارلاماسىن ىسكە اسىرۋ اياسىندا پانفيلوۆ اۋدانىنىڭ اكىمدىگى اۋدانى 16 815 م² بولاتىن تورت 60 پاتەرلى ارەندالىق ۇيدى جوبالاۋ جۇمىستارىن جۇرگىزىپ جاتىر.

ەسكە سالا كەتەيىك, پەنجينا اۋىلدىق وكرۋگىنىڭ اۋماعىندا ورنالاسقان نۇركەنت اۋىلى جاڭا قالانى سالۋدىڭ باستاۋى بولدى. قازىرگى تاڭدا مۇندا ۇش مىڭنان استام ادام ومىر سۇرۋدە. «نۇرلى جەر» باعدارلاماسى اياسىندا وتكەن جىلى 120 وتباسى باسپانالى بولدى. سونىمەن قاتار, الەۋمەتتىك ينفراقۇرىلىم نىساندارى: مەكتەپ, اۋرۋحانا, بالاباقشا بار.

الماتى وبلىسىندا وتكەن جىلى 5079 تۇرعىن ۇي (646,1 مىڭ م²) سالىندى, سونىڭ ىشىندە 3247-سى – جەكە تۇرعىن ۇيلەر. بيىل 706,6 مىڭ م², سونىڭ ىشىندە «نۇرلى جەر» باعدارلاماسى اياسىندا 592 پاتەردى پايدالانۋعا بەرۋ جوسپاردا بار.

انار قونىس

بولىسۋ:

پىكىر جازۋ


*