دانييار ەلەۋسىنوۆ كاسىپقوي رينگتەگى تورتىنشى جەڭىسىنە قول جەتكىزدى (ۆيدەو)

6789
0
بولىسۋ:

قازاقستاندىق كاسىپقوي بوكسشى دانييار ەلەۋسىنوۆ امەريكالىق قارسىلاسى مەتت دوگەرتيدى جەڭىپ, قازاق ەلىنە قۋانىش سىيلادى. ولاردىڭ كەزدەسۋى بوستوندا وتكەن بوكس كەشىنىڭ اندەركارتىندا وتتى. اتالعان كەشتىڭ باستى جەكپە-جەگى دەمەتريۋس اندرادە مەن ۋولتەر كاۋتوندوكۆانىڭ اراسىندا وتكەن بولاتىن.

باستاپقىدا التى راۋندقا جوسپارلانعان ەلەۋسىنوۆ-دوگەرتي جەكپە-جەگى بىرىنشى راۋندتا-اق قازاقستاندىق جەڭىسىمەن اياقتالدى. دانييار قارسىلاسىن تەحنيكالىق نوكاۋتپەن ۇتتى.

وسىلايشا, 27 جاستاعى قازاق بوكسشىسى كاسىپقوي رينگتەگى تورتىنشى جەڭىسىنە قول جەتكىزدى. ول بۇعان دەيىن ەكى كەزدەسۋىن ۇلىبريتانييادا وتكىزگەن. ەندى ەكەۋىن اقش جەرىندە وتكىزىپ وتىر. ال 30 جاستاعى دوگەرتي بولسا كاسىپقوي كارەراسىندا 8 رەت جەڭىسكە جەتىپ, 6 رەت جەڭىلىپ, 1 مارتە تەڭ تۇسكەن.

ەلەۋسىنوۆ وزىنىڭ بەسىنشى كەزدەسۋىن 30 قاراشا كۇنى مونتە-كارلودا وتكىزەدى. ول كۇنگى بوكس كەشىنىڭ باستى جەكپە-جەگى رەسەيلىك دەنيس لەبەدەۆ پەن امەريكلىق مايك ۋيلسون اراسىندا وربىمەك.

اباي ايماعامبەت

بولىسۋ:

پىكىر جازۋ


*