ەلدەستىرمەك ەلشىدەن

883
0
بولىسۋ:

«نۇر وتان» پارتيياسى توراعاسىنىڭ بىرىنشى ورىنباسارى ماۋلەن اشىمباەۆ قىتايدىڭ قازاقستانداعى توتەنشە جانە وكىلەتتى ەلشىسى چجان سياومەن كەزدەستى. وندا تاراپتار «نۇر وتان» پارتيياسى مەن قىتاي كوممۋنيستىك پارتيياسىنىڭ وزارا ىنتىماقتاستىعىن ودان ارى نىعايتۋ ماسەلەلەرىن سوز ەتتى.

كەزدەسۋ بارىسىندا وسىعان دەيىنگى كە­لىسىمگە سايكەس پارتيياارالىق تاجىري­بە الماسۋ, پارتييالىق كادرلاردى دايار­لاۋ جانە جاستار ساياساتى سالاسىندا ىن­­تىماقتاستىقتى ارتتىرۋ باعىتىن­دا­عى جۇمىستاردى جانداندىرۋ جايى كەڭى­نەن تالقىلاندى.
وز سوزىندە ماۋلەن اشىمباەۆ چجان سياو مىرزانى جاڭا قىزمەتىمەن قۇتتىق­تاپ, وعان ساتتىلىك تىلەدى. سونداي-اق بۇل تا­عايىنداۋ ەكى ەل اراسىنداعى ارىپتەس­تىك­تى ارتتىرا تۇسەتىنىنە سەنىم بىلدىردى.
– ەكى ەل اراسىن وتە تىعىز ارى سترا­تە­گييالىق قارىم-قاتىناستار بايلا­نىس­تىرادى. مەملەكەت باسشىلارىنىڭ دوس­تىعى بىزدىڭ ەلدەرىمىزدىڭ دوستىق باي­لانىسىن نىعايتا تۇسەدى. قازاقستان پرە­زيدەنتى نۇرسۇلتان نازارباەۆ پەن قى­تاي حالىق رەسپۋبليكاسىنىڭ تورا­عاسى سي تسزينپين سوڭعى 6 جىلدا 18 رەت كەزدەسىپتى. وسىنىڭ وزىنەن-اق كوپ نار­سەنى اڭعارۋعا بولادى. ار كەزدەسۋدە وزا­را ىنتىماقتاستىق كەڭىستىگىن كەڭەي­تۋگە سەپتىگىن تيگىزەتىن ماڭىزدى قۇ­جات­تارعا قول قويىلىپ, ناقتى شەشىمدەر قا­بىل­داندى. بۇل ىستە «نۇر وتان» پار­تيياسى مەن قىتاي كوممۋنيستىك پار­تييا­سى دا ۇلكەن ۇلەس قوسۋدا, – دەدى ماۋلەن اشىمباەۆ.
وز كەزەگىندە ەلشى مىرزا مەملەكە­-تا­را­لىق ىنتىماقتاستىقتىڭ ماڭىزىنا توقتالىپ, قىتاي تاراپى جەتەكشى ساياسي پار­تييالار اراسىنداعى ديالوگتى ودان ارى تەرەڭدەتە تۇسۋگە دايىن ەكەنىن جەت­كىز­دى.
– قازىرگى تاڭدا قازاقستان مەن قى­تاي اراسىنداعى قارىم-قاتىناس سترا­تە­گييالىق جانە جان-جاقتى سيپاتتا. وزارا تى­عىز سەرىكتەستىك بىزدى بارلىق سالادا تيىم­دى ارەكەت ەتۋگە جەتەلەيدى. بۇل ماڭىز­دى ىرگەتاستى ەكى ەل مەملەكەت باس­شىلارى قالادى. سونىڭ ارقاسىندا بۇ­گىندە ەكى ەل اراسىنداعى ىنتىماقتاس­تىق تاريحتا بۇرىن-سوڭدى بولماعان دەڭ­گەيگە كوتەرىلىپ وتىر. وسى قارىم-قا­تىناستىڭ نىعايتۋدا جەتەكشى پار­تييا­لارىمىزدىڭ دا رولى ەرەكشە, – دەدى چجان سياو.
كەزدەسۋ سوڭىندا تاراپتار پار­تي­ياارالىق اشىق ارى سىندارلى ديالوگتى دا­مىتۋعا, سونداي-اق بىرقاتار ماڭىزدى با­عىتتار بويىنشا بىرىگىپ جۇمىس ىس­تەۋگە ۋاعدالاستى.

ە.ماقسوتۇلى

بولىسۋ:

پىكىر جازۋ


*