ЕЛДЕСТІРМЕК ЕЛШІДЕН

795
0
Бөлісу:

«Нұр Отан» партиясы Төрағасының Бірінші орынбасары Мәулен Әшімбаев Қытайдың Қазақстандағы Төтенше және өкілетті елшісі Чжан Сяомен кездесті. Онда тараптар «Нұр Отан» партиясы мен Қытай Коммунистік партиясының өзара ынтымақтастығын одан ары нығайту мәселелерін сөз етті.

Кездесу барысында осыған дейінгі ке­лісімге сәйкес партияаралық тәжіри­бе алмасу, партиялық кадрларды даяр­лау және жастар саясаты саласында ын­­тымақтастықты арттыру бағытын­да­ғы жұмыстарды жандандыру жайы кеңі­нен талқыланды.
Өз сөзінде Мәулен Әшімбаев Чжан Сяо мырзаны жаңа қызметімен құттық­тап, оған сәттілік тіледі. Сондай-ақ бұл та­ғайындау екі ел арасындағы әріптес­тік­ті арттыра түсетініне сенім білдірді.
– Екі ел арасын өте тығыз әрі стра­те­гиялық қарым-қатынастар байла­ныс­тырады. Мемлекет басшыларының дос­тығы біздің елдеріміздің достық бай­ланысын нығайта түседі. Қазақстан Пре­зиденті Нұрсұлтан Назарбаев пен Қы­тай Халық Республикасының Төра­ғасы Си Цзиньпин соңғы 6 жылда 18 рет кездесіпті. Осының өзінен-ақ көп нәр­сені аңғаруға болады. Әр кездесуде өза­ра ынтымақтастық кеңістігін кеңей­туге септігін тигізетін маңызды құ­жат­тарға қол қойылып, нақты шешімдер қа­был­данды. Бұл істе «Нұр Отан» пар­тиясы мен Қытай Коммунистік пар­тия­сы да үлкен үлес қосуда, – деді Мәулен Әшімбаев.
Өз кезегінде елші мырза мемлеке­-та­ра­лық ынтымақтастықтың маңызына тоқталып, Қытай тарапы жетекші саяси пар­тиялар арасындағы диалогты одан әрі тереңдете түсуге дайын екенін жет­кіз­ді.
– Қазіргі таңда Қазақстан мен Қы­тай арасындағы қарым-қатынас стра­те­гиялық және жан-жақты сипатта. Өзара ты­ғыз серіктестік бізді барлық салада тиім­ді әрекет етуге жетелейді. Бұл маңыз­ды іргетасты екі ел мемлекет бас­шылары қалады. Соның арқасында бү­гінде екі ел арасындағы ынтымақтас­тық тарихта бұрын-соңды болмаған дең­гейге көтеріліп отыр. Осы қарым-қа­тынастың нығайтуда жетекші пар­тия­ларымыздың да рөлі ерекше, – деді Чжан Сяо.
Кездесу соңында тараптар пар­ти­яаралық ашық әрі сындарлы диалогты да­мытуға, сондай-ақ бірқатар маңызды ба­ғыттар бойынша бірігіп жұмыс іс­теуге уағдаласты.

Е.МАҚСОТҰЛЫ

Бөлісу:

Пікір жазу


*