ميراستىقتار مادەنيەتتى تسيفرلاندىرۋعا كوڭىل بولدى

588
0
بولىسۋ:

شىمكەنت قالاسىنا «نۇر وتان» پارتيياسى جانىنداعى «ميراس» رەسپۋبليكالىق قوعامدىق كەڭەسىنىڭ مۇشەلەرى كەلدى. جۇمىس ساپارىمەن كەلگەن ميراستىقتىقتاردىڭ ايماقتارعا شىعۋداعى نەگىزگى ماقساتى – مادەنيەت سالاسىن تسيفرلاندىرۋ جانە ەلىمىزدىڭ تەاترلارىنداعى قازىرگى رەپەرتۋار جايلى وزەكتى ماسەلەلەردى تالقىلاۋ.
«ميراس» رەسپۋبليكالىق كەڭەسىنىڭ تورا­عا­سى, ماجىلىس دەپۋتاتى بەكبولات تىلەۋحان, ما­جىلىس دەپۋتاتى باقىتبەك سماعۇل باستاعان بىر توپ قوناقتار الدىمەن ۇشىنشى مەگاپوليس شىم­كەنت قالاسىنداعى ادەپ-عۇرىپ جانە سالت داستۇر ورتالىعىمەن, ودان سوڭ «وتىرار» عى­لىمي-امبەباپ كىتاپحاناسىنىڭ جۇمىسى­مەن تانىستى.
ميراستىقتار كىتاپحانانىڭ جۇمىسىن, ونداعى تسيفرلاندىرۋ جاعدايىن, ەلەكتروندى كاتالوگتاردى, QR-كود تەحنولوگيياسىن كوردى. سونداي-اق, ولارعا قازۇەك تۋرالى ونلاين اق­پارات بەرىلدى.
كىتاپحاناعا ات باسىن بۇرعان قوناقتار مەم­لەكەت باسشىسى ن.نازارباەۆتىڭ «بولا­شاق­قا باعدار: رۋحاني جاڭعىرۋ» ماقالاسى ايا­سىندا جۇمىس جۇرگىزىپ وتىرعان ورتالىقتىڭ تى­نىس-تىرشىلىگىمەن تانىسىپ, وي بولىستى.
– الەمدەگى ەڭ جاقسى دەگەن بىرنەشە كى­تاپ­حانادا بولدىم. كىتاپحانا ارقىلى اربىر ەل وزىنىڭ ەرەكشەلىگىن ساقتاپ قالۋعا, ونى بو­لا­شاق ۇرپاققا بەرۋگە تالپىنادى. «وتىرار» كى­تاپحاناسىنداعى كوۆوركينگ ورتالىق زا­ما­ناۋي تالاپتارعا ساي ورنالاسىپتى. سونىمەن قا­تار, مۇنداعى بۇرىشتار دا ۇلتتىق داستۇرمەن بە­زەندىرىلگەن. بۇل باستاما وتە كۇپتارلىق جايت ەكەن, – دەدى رەسپۋبليكالىق كەڭەستىڭ مۇ­شە­سى اسكەر پيريەۆ.
ودان سوڭ قوناقتار شىمكەنت قالاسىنداعى قا­زاقستان حالقى اسسامبلەياسى ماجىلىس زا­لىندا وتكەن كوشپەلى جيىنعا قاتىستى. «نۇر وتان» پارتيياسى جانىنداعى «مي­راس» رەس­پۋب­ليكالىق كەڭەسى مۇشەلەرىمەن قا­تار «نۇر وتان» پارتيياسى شىمكەنت قا­لا­لىق في­ليا­لى­نىڭ بەلسەندىلەرى, زييالى قاۋىم وكىلدەرى مەن تاريحشىلار دا جينالعان.
جيىندا سوز العان «ميراس» رەسپۋبليكالىق كەڭە­سىنىڭ توراعاسى, ماجىلىس دەپۋتاتى بەك­بو­لات تىلەۋحان بۇل ىس-شارانىڭ ماڭىزدىلىعىن اتاپ وتتى.
– «نۇر وتان» پارتيياسى مەن قازاقستان جا­­­زۋشىلار وداعى جاس جازۋشىلاردى, اقىن­دار مەن زييالى قاۋىم وكىلدەرىن قولداۋ ماق­ساتىندا وزارا ىنتىماقتاستىق تۋرالى مە­موران­دۋمعا قول كويدى. بۇدان بىلاي پارتييا جازۋ­شىلارمەن بىرلەسىپ رەسپۋبليكالىق جاس جازۋ­شىلار بايقاۋىن, جازۋشىلاردىڭ شىعارماشىلىعىن ناسيحاتتايتىن تەلەجوبا اشۋ­دى قولعا الماق. سونىمەن قاتار كىتاپ­حا­نالاردا اشىلعان كوۆوركينگ ورتالىقتاردا شى­­عارماشىل ۇجىممەن كەزدەسۋلەر ۇيىم­داس­تىرۋدى, ارنايى Youtube-كانالدار اشىپ, اقىن-جازۋشىلارمەن تىعىز قارىم-قاتىناس ور­ناتۋدى جوسپارلاپ وتىر. بۇل كەرەمەت جاڭا­لىق, ماڭىزدى باستاما بولماق, – دەدى دەپۋتات.
جيىندا ماجىلىس دە­پۋ­تاتى باقىتبەك سماعۇل, مادەنيەت جانە سپورت مينيستر­لى­گى ما­دەنيەت جانە ونەر دەپارتامەنتىنىڭ دي­­­رەكتورى ابىل جولامانوۆ, شىمكەنت قالاسى اكى­مىنىڭ بىرىنشى ورىنباسارى قايرات نۇرتاي جا­نە جازۋشى زاحاردين قىستاۋبايۇلى ما­دە­نيەت سالاسىن تسيفرلاندىرۋ ماسەلەلەرى بويىن­شا بايانداما جاسادى.
ال ج.شانين اتىنداعى اكادەمييالىق قا­زاق دراما تەاترى ديرەكتورىنىڭ مىندەتىن ات­قارۋشى نازاربەك ۇسىپاحمەتوۆ ەلىمىزدىڭ تەاترلارىنداعى قازىرگى رەپەرتۋارلار تاقىرى­بى مەن «رۋحاني جاڭعىرۋ» باعدارلاماسى شەڭ­­­بە­رىندە وز پىكىرىن ورتاعا سالدى.
كەڭەس مۇشەلەرى وسى كۇنى شىمكەنت قالا­سىن­داعى تاۋەلسىزدىك ساياباعىندا اعاش وتىر­عى­زىپ, «ەسكى قالاشىق» اۋماعىن اباتتاندىرۋ جا­نە قايتا قالپىنا كەلتىرۋ جۇمىستارىن با­عالاپ, «قازاق ەلىنە مىڭ العىس!» مونۋ­مەن­تىنە گۇل شوعىن قويدى.
ايتا كەتەيىك, «ميراس» رەسپۋبليكالىق قو­عام­دىق كەڭەسىنىڭ كوشپەلى وتىرىسى شىم­كەنتتە العاش رەت وتكىزىلىپ وتىر. ميراستىقتار شاھارعا جۇمىس ساپارى كەزىندەگى كەزدەسۋلەردە ەل­باسى جولداۋىن تۇسىندىرۋ شارالارىن دا جۇر­گىزدى. «رۋحاني جاڭعىرۋ» باعدارلاماسى توڭى­رەگىندە ايتىلعان ۇسىنىستار مەن پىكىرلەر بويىن­شا حاتتاما تۇزىلىپ, ول اتقارۋشى ورگان­دارعا ورىنداۋ ۇشىن جولداناتىن بولدى.

ە.مۇراتبەك,

شىمكەنت قالاسى

بولىسۋ:

پىكىر جازۋ


*