ونكولوگييالىق ورتالىق تۇجىرىمداماسى ۇسىنىلدى.

630
0
بولىسۋ:

مەملەكەت باسشىسى «نازارباەۆ ۋنيۆەرسيتەتى» دەربەس بىلىم بەرۋ مەكەمەسىنىڭ پرەزيدەنتى شيگەو كاتسۋمەن كەزدەستى.

كەزدەسۋگە پرەزيدەنت اكىمشىلىگىنىڭ باسشىسى ا.يسەكەشەۆ, دەنساۋلىق ساقتاۋ مينيسترى ە.بىرتانوۆ, «University Medical Center» كورپوراتيۆتىك قورى باسقارماسىنىڭ توراعاسى ج.جۇمادىلوۆ قاتىستى.

ەلباسىعا «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋدا ايتىلعان استاناداعى ۇلتتىق عىلىمي ونكولوگييالىق ورتالىق قۇرىلىسىنىڭ تۇجىرىمداماسى ۇسىنىلدى.

دەنساۋلىق ساقتاۋ مينيسترىنىڭ مالىمەتىنە سايكەس, بۇل ورتالىقتىڭ قۇرىلىس جۇمىستارى بيىل باستالادى. جاڭا مەديتسينا مەكەمەسىندە قاتەرلى ىسىك اۋرۋلارىنا دياگنوستيكا جاساپ, ەمدەۋ ۇشىن وزىق تەحنولوگييا, سونىڭ ىشىندە لازەرلىك, ساۋلەلىك, جاسۋشالى-يممۋندى تەراپييا جانە وزگە دە زاماناۋي ادىستەر قولدانىلاتىن بولادى.

سونىمەن قاتار, مەملەكەت باسشىسىنا جولداۋداعى جەكەلەگەن باعىتتاردى ىسكە اسىرۋعا قاتىستى نازارباەۆ ۋنيۆەرسيتەتىنىڭ قازىرگى جۇمىستارى جونىندە باياندالدى.

ش.كاتسۋ قازاقستان پرەزيدەنتىنە يننوۆاتسييالىق كلاستەردىڭ جۇمىس جوسپارى مەن ۋنيۆەرسيتەتتىڭ عىلىمي-زەرتحانالىق كەشەنىنىڭ ىسكە قوسىلۋى جونىندە مالىمدەپ, نازارباەۆ زيياتكەرلىك مەكتەپتەرىن دامىتۋدىڭ بىرقاتار ماسەلەلەرىن اتاپ وتتى.

كەزدەسۋ قورىتىندىسى بويىنشا نۇرسۇلتان نازارباەۆ بىرقاتار ناقتى تاپسىرما بەردى.

بولىسۋ:

پىكىر جازۋ


*