ەلباسى ۆۋچيچپەن كەزدەستى

563
0
بولىسۋ:

نۇرسۇلتان نازارباەۆ سەربييا رەسپۋبليكاسىنىڭ پرەزيدەنتى الەكساندر ۆۋچيچپەن كەزدەستى.

سالتاناتتى قارسى الۋ راسىمىنەن كەيىن تاراپتار شاعىن قۇرامدا ەكى جاقتى قارىم-قاتىناستار مەن حالىقارالىق كۇن تارتىبىنىڭ وزەكتى  ماسەلەلەرىن تالقىلادى.

قازاقستان پرەزيدەنتى ەكى ەل اراسىنداعى وزارا بايلانىستاردىڭ دوستىق سيپاتىن اتاپ وتىپ, ونى ودان ارى دامىتۋ قاجەتتىگىن ايتتى.

– پرەزيدەنت مىرزا, Cىز «ەكسپو-2017» حالىقارالىق كورمەسىنە ارنايى كەلىپ, بىزگە قولداۋ كورسەتتىڭىز. ال, بۇگىن VI الەمدىك جانە داستۇرلى دىندەر كوشباسشىلارىنىڭ سەزىنە قاتىسۋ ۇشىن قازاقستانعا رەسمي ساپارمەن كەلدىڭىز. مۇنىڭ بارى بىزدىڭ ەلىمىزگە دەگەن سىزدىڭ ناعىز دوستىق نيەتىڭىزدى بىلدىرەدى. بىز مۇنى جوعارى باعالايمىز, – دەدى نۇرسۇلتان نازارباەۆ.

مەملەكەت باسشىسى ەكى جاقتى ەكونوميكالىق قاتىناستاردى ىلگەرىلەتۋ مۇمكىندىكتەرىنە ارنايى توقتالدى.

– مەنىڭ سەربيياعا ساپارىم بارىسىندا قول جەتكىزىلگەن ۋاعدالاستىقتارعا سايكەس لوگيستيكا, كولىك جانە كوممۋنيكاتسييا, قورعانىس ونەركاسىبى, اۋىل شارۋاشىلىعى, فارماتسەۆتيكا جانە قۇرىلىس سالالارىندا ىنتىماقتاستىعىمىزدى كەڭەيتۋ قاجەت. سىزدىڭ بۇگىنگى ساپارىڭىز وزارا ىقپالداستىعىمىزدى جاڭا دەڭگەيگە كوتەرۋگە مۇمكىندىك بەرەدى, – دەدى قازاقستان پرەزيدەنتى.

كەزدەسۋ بارىسىندا نۇرسۇلتان نازارباەۆ قازاقستان رەسپۋبليكاسى مەن سەربييا رەسپۋبليكاسى اراسىندا دوستىق پەن ىنتىماقتاستىقتى جانە بەيبىتشىلىكتى نىعايتۋعا قوسقان ۇلەسى ۇشىن الەكساندر ۆۋچيچتى ى دارەجەلى «دوستىق» وردەنىمەن ماراپاتتادى.

ا.ۆۋچيچ نۇرسۇلتان نازارباەۆقا قوناقجايلىق كورسەتىپ قارسى العانى ۇشىن جانە حالىقارالىق ارەنادا سەربيياعا جان-جاقتى قولداۋ بىلدىرگەنى ۇشىن ريزاشىلىعىن جەتكىزىپ, قازاقستان پرەزيدەنتىن ەڭ جوعارى مەملەكەتتىك دەڭگەيدەگى ى دارەجەلى «سەربييا رەسپۋبليكاسىنىڭ وردەنىمەن» ماراپاتتادى.

بولىسۋ:

پىكىر جازۋ


*