مۇعالىمدەر مەموراندۋمعا قول قويدى

684
0
بولىسۋ:

«ورلەۋ» باۇو» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى جانە كاۋناس قالاسى پەداگوگتاردىڭ بىلىكتىلىگىن ارتتىرۋ ورتالىعىنىڭ ديرەكتورى اراسىندا ىنتىماقتاستىق قارىم-قاتىناس تۋرالى مەموراندۋمعا قول قويىلدى.

مەموراندۋمعا قول قويۋ تاراپتاردىڭ كاسىبي بايلانىستارىن ىنتىماقتاستىقپەن نىعايتۋ, ولاردىڭ ارىپتەستىك باعدارلامالاردى قۇرۋ مۇمكىندىگىن كەڭەيتۋ جانە بىلىم بەرۋ سالاسىندا باسەكەگە قابىلەتتىلىكتى ارتتىرۋ ماقساتىندا ۇيىمداستىرىلىپ وتىر.

«ورلەۋ» باۇو» اق دەلەگاتسيياسى قۇرامىندا «ورلەۋ» باۇو» اق باسقارما توراعاسىنىڭ بىرىنشى ورىنباسارى, پروفەسسور كاراەۆ ج. ا., «ورلەۋ» باۇو» اق باسقارما توراعاسىنىڭ ورىنباسارى سامساەۆ ي. م., «ورلەۋ» باۇو» اق فيليالى بىلىم بەرۋ جۇيەسىنىڭ باسشى جانە عىلىمي-پەداگوگيكالىق قىزمەتكەرلەرىنىڭ بىلىكتىلىگىن ارتتىراتىن رەسپۋبليكالىق ينستيتۋت ديرەكتورى, پروفەسسور ج. ا. ماكاتوۆا,  «ورلەۋ» باۇو» اق فيليالى الماتى وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, پروفەسسور كەڭەسباەۆ س. م., «ورلەۋ» باۇو» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, سادۋاقاسوۆا ر. ا., «ورلەۋ» باۇو» اق كاسىپتىك بىلىم بەرۋ, عىلىمي زەرتتەۋلەر جانە حالىقارالىق ىنتىماقتاستىق دەپارتامەنتىنىڭ ديرەكتورى, بيولوگييا عىلىمدارىنىڭ كانديداتى يسلامگۋلوۆا ا. ف., «ورلەۋ» باۇو» اق ادىستەمەلىك قامتاماسىز ەتۋ بولىمىنىڭ باستىعى, PhD قيلىباەۆ ت. ب.; «ورلەۋ» باۇو» اق حالىقارالىق ىنتىماقتاستىق بولىمىنىڭ باستىعى, پەداگوگيكا عىلىمدارىنىڭ ماگيسترى كاسىمبەكوۆا ا. ت. جانە ت.ب وقۋ-اعارتۋ سالاسىنىڭ وكىلدەرى بولدى.

سالتاناتتى جيىن بارىسىندا ەكى تاراپ تا بىر-بىرىنە ارىپتەستىك رەتىندە ىقىلاستى تۇردە قىزىعۋشىلىق تانىتتى. ايتا كەتۋ كەرەك, ليتۆا دەلەگاتسيياسىن الماتى قالاسىنداعى ليتۆا ەلشىلىگىنىڭ  باس كونسۋلى داريۋس ۆيتكاۋسكاس باستاپ كەلدى. قوناقتار قۇرامىندا ليتۆا ەلىنىڭ وقۋ-اعارتۋ سالاسىنداعى كوشباسشىلارى, وسى رەسپۋبليكانىڭ تەحنيكا عىلىمى جانە الەۋمەتتىك عىلىم دوكتورلارى, اعارتۋ سالاسى ماسەلەلەرى بويىنشا قالا مەرىنىڭ كومەكشىسى قىزمەتىندەگى  بەلگىلى تۇلعالار بولدى. سونىمەن بىرگە, كاۋناستاعى پانەمۋنسكيي باستاۋىش مەكتەپ ديرەكتورى ۆيرگينييا رۋپاينەنە, كاۋناستاعى پەداگوگتاردىڭ بىلىكتىلىگىن ارتتىرۋ ورتالىعىنىڭ ديرەكتورى راسا بورتكياۆيچەنە, الەۋمەتتىك عىلىم دوكتورى, ينجەنەرلىك ليتسەي ديرەكتورى داينيۋس جۆيرداۋسكاستار قاتىسقان بۇل جيىندا ليتۆا مەكتەپ ديرەكتورلارى قاۋىمداستىعىنىڭ كاۋناس بولىمشەسى پرەزيدەنتى,  پۋشكين اتىنداعى گيمنازييا ديرەكتورى ەريكاس گريشكياۆيچۋس دەلەگاتسييا قۇرامىمەن جينالعانداردى تانىستىردى. سونداي-اق دەلەگاتسييا قۇرامىنداعى «ساۋلەس» كاۋناس گيمنازيياسىنىڭ ديرەكتورى سوناتا درازداۆيچەنە; پەتراشيۋنسكيي اتىنداعى كاۋناس گيمنازيياسىنىڭ ديرەكتورى انتانينا دجيۋگەنە; تاداس يۆاناۋسكاس اتىنداعى كاۋناس گيمنازيياسىنىڭ ديرەكتورى سيگيتاس الۋباۋسكاس; كازيسا گرينيۋسا اتىنداعى كاۋناس گيمنازيياسىنىڭ ديرەكتورى ستانيسلوۆاس شيماناۋسكاس; الەۋمەتتىك عىلىمدار دوكتورى, يوناسا جانە پياتراسا ۆيلەيشيسوۆ اتىنداعى كاۋناس گيمنازيياسىنىڭ ديرەكتورى داليا لاپەنەنە; مايرونيسا اتىنداعى كاۋناس گيمنازيياسىنىڭ ديرەكتورى, الەۋمەتتىك عىلىمدار دوكتورى دايۆا گارنەنە; كاۋناس ميليكونسكيي پروگيمنازيياسىنىڭ ديرەكتورى ياناس ريزگياليس كەش قوناقتارى بولدى.

الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ قىزمەتكەرلەرى ليتۆادان كەلگەن قوناقتاردى «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامىنىڭ جالپى قىزمەتىمەن جانە «ورلەۋ» بىلىكتىلىكتى ارتتىرۋ ۇلتتىق ورتالىعى اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ جەتىستىكتەرىمەن تانىستىردى. ليتۆا دەلەگاتسيياسى «روبوتوتەحنيكا», «م. مونتەسسوري» كابينەتتەرى مەن اقپاراتتىق-كوممۋنيكاتسييالىق ورتالىقتا, مۋلتيمەدييالىق زەرتحانادا بولىپ, قازاقستان رەسپۋبليكاسىنداعى بىلىكتىلىكتى ارتتىرۋ جۇيەسىنىڭ تاريحى مۇراجايىن ارالادى.

كەزدەسۋ بارىسىندا تاراپتاردىڭ ارقايسىسى وز ەلىندەگى بىلىم بەرۋ جۇيەسى قۇرىلىمىنداعى ەرەكشەلىكتەرىمەن, قول جەتكەن جەتىستىكتەرىمەن بولىسىپ, العا قويعان باسىم مىندەتتەرىن, سونىڭ ىشىندە ىنتىماقتاستىق مىندەتتەردى اتاپ وتتى.

پەداگوگتاردىڭ بىلىكتىلىگىن ارتتىرۋ سالاسىنداعى قازاقستان مەن ليتۆا اراسىنداعى بۇل ىنتىماقتاستىق شارا وڭ سيپاتقا يە جانە جاڭا كاسىبي وسۋ مۇمكىندىگى, جاڭا يدەيالار جاڭعىرىعى ەكەنىن ايتا كەتكەن جون.

ەركىن قالدان

 

 

 

 

 

 

 

 

بولىسۋ:

پىكىر جازۋ


*