ەلباسى تۇركىستاندى دامىتۋ جونىندەگى جارلىققا قول قويدى

796
0
بولىسۋ:

تۇركىستانعا جاساعان جۇمىس ساپارىندا مەملەكەت باسشىسى نۇرسۇلتان نازارباەۆ وبلىس اكتيۆىندە تۇركىستان قالاسىن دامىتۋ بويىنشا كەڭەس وتكىزدى. جيىندا ەلباسى تۇركىستان قالاسىنىڭ دامىتۋ باعىتىنداعى ويلارىن ورتاعا سالدى.
«بۇگىن ەلىمىزدىڭ تاريحىندا بىر ەلەۋلى ۋاقىتتا كەزدەسىپ وتىرمىز. جاڭادان تۇركىستان وبلىسى قۇرىلىپ, تۇركىستان قالاسى وبلىس ورتالىعى مارتەبەسىن الدى. تۇركىستاننىڭ دامۋى, بولاشاعى قالاي بولادى دەگەن سۇراق بويىنشا اڭگىمەلەسەمىز. بىرىنشىدەن, مەنىڭ تاپسىرمام بويىنشا ارنايى ۇكىمەتتىك كوميسسييا قۇرىلىپ, جۇمىس ىستەدى» دەگەن ەلباسى سول كوميسسييا باسشىسىنىڭ ەسەبىن تىڭدادى. ەلباسىعا تۇركىستان قالاسىن دامىتۋ جونىندەگى جوسپارىن بايانداعان قر پرەمەر-مينيسترىنىڭ بىرىنشى ورىنباسارى اسقار مامين باس جوسپارعا لايىق ۇزدىك جوبا انىقتالعانىن مالىمدەدى.


«تۇركىستان قالاسىنىڭ باس جوسپارىن ازىرلەۋگە قاتىستى xالىقارالىق كونكۋرس ۇيىمداستىرىلدى. 22 ۇسىنىستىڭ ىشىنەن ۇزدىك جوبا تاڭدالدى. تاڭدالعان جوبا سىزدىڭ تاپسىرماڭىزدا قويىلعان تالاپتارعا تولىعىمەن سايكەس كەلەدى. سونىڭ ىشىندە تۇركىستاننىڭ تاريxي قۇندىلىقتارىن ساقتاۋ, ودان ارى كوركەيتۋ, قوجا اxمەت ياسساۋي كەسەنەسى نەگىزىندە مادەني-رۋxاني ورتالىقتى ساقتاۋ جانە اكىمشىلىك-ىسكەرلىك ورتالىقتى قۇرۋعا ەرەكشە كوڭىل بولىندى» دەدى اسقار مامين.
ماجىلىستە تۇركىستان وبلىسىنىڭ اكىمى جانسەيىت تۇيمەباەۆ وبلىستىڭ دامۋى, الەۋمەتتىك-ەكونوميكالىق كورسەتكىشتەرى جونىندە بايانداما جاسادى. ونىڭ ايتۋىنشا, 2018 جىلدىڭ 8 اي قورىتىندىسى بويىنشا وڭىردە نەگىزگى الەۋمەتتىك-ەكونوميكالىق كورسەتكىشتەردىڭ وسىمى ساقتالعان. اۋىل شارۋاشىلىعىنىڭ جالپى ونىم كولەمى 250 ملرد. تەڭگەگە جەتىپ, وتكەن جىلدىڭ سايكەس كەزەڭىمەن سالىستىرعاندا 103,6%-دى قۇراعان. مال باسى ارتىپ, 3500 توننا ەت ەكسپورتتالعان. كوكونىس, كارتوپ, باقشا داقىلدارىنان 2,7 ملن. توننا ونىم جينالىپ, رەكوردتىق كورسەتكىشكە قول جەتكىزىلدى. 500 مىڭ تونناعا جۋىق ونىم رەسەي, بەلارۋس, لاتۆييا, گەرمانييا مەملەكەتتەرىنە ەكسپورتتالسا, 1 ملن. تونناسى ەلىمىزدىڭ سولتۇستىك وڭىرلەرىنە جونەلتىلدى. ونەركاسىپ ونىمىنىڭ كولەمى 286,1 ملرد. تەڭگەنى قۇراپ, وتكەن جىلمەن سالىستىرعاندا 21 ملرد.تەڭگەگە ارتتى. وڭىر ەكونوميكاسىنا 142 ملرد. تەڭگە ينۆەستيتسييا باعىتتالدى. قازىر وبلىستا قۇرىلىس جۇمىستارى قارقىندى جۇرگىزىلۋدە. 8 ايدا قۇرىلىس كولەمى 66,2 ملرد. تەڭگەگە جەتىپ, وسىم 105,8% بولدى. بارلىق قارجىلاندىرۋ كوزدەرىنەن تۇرعىن ۇي قۇرىلىسىنا 21,2 ملرد. تەڭگە ينۆەستيتسييا باعىتتالدى. 291,8 مىڭ شارشى مەتر تۇرعىن ۇي, ياعني, 1922 پاتەر ىسكە بەرىلدى. وتكەن جىلدىڭ تيىستى كەزەڭىمەن سالىستىرعاندا وسىم 137,6%-دى قۇرادى. وسى دەرەكتەردى بايانداعان ول وبلىس ورتالىعىن تۇركىستان قالاسىنا كوشىرۋ باعىتىنداعى جۇمىستار مەن قالانى دامىتۋ جونىندەگى جوسپارلارعا دا توقتالدى.


«سىزدىڭ «تۇركىستان وبلىسىن قۇرۋ, اكىمشىلىك ورتالىعىن تۇركىستان قالاسىنا كوشىرۋ تۋرالى» جارلىعىڭىز بويىنشا تيىستى جۇمىستار اتقارىلىپ جاتىر. مەملەكەتتىك ورگانداردى جايعاستىرۋ ۇشىن تۇركىستان قالاسىنان قاجەتتى 25 عيمارات بەلگىلەندى تۇرعىن ۇي ماسەلەسىن شۇعىل شەشۋ ۇشىن جەرگىلىكتى بيۋدجەت ەسەبىنەن تۇركىستان جانە كەنتاۋ قالالارىندا 1 956 پاتەرلى 33 تۇرعىن ۇيدىڭ (122 مىڭ شارشى مەتر) قۇرىلىسىن باستاپ كەتتىك. بۇگىندە تۇركىستان قالاسىن دامىتۋ, تۋريستىك الەۋەتىن كوتەرۋ باعىتىندا كەشەندى ىس-شارالار قولعا الىنىپ, وتاندىق جانە شەتەلدىك كاسىپكەرلەرمەن كەلىسسوزدەر جۇرگىزىلىپ, ناتيجەسىن بەرىپ جاتىر. كەشە عانا 28 قىركۇيەكتە تۇركىستان قالاسىندا 1-شى «كونە تۇركىستان – جاڭا مۇمكىندىكتەر» اتتى حالىقارالىق ينۆەستيتسييالىق جانە تۋريستىك فورۋمى وتتى. اتالعان فورۋمعا 17 شەتەل جانە وتاندىق 500-گە جۋىق ادام قاتىستى. ناتيجەسىندە 1,7 ملرد.اقش دوللارىن قۇرايتىن 17 قۇجاتقا قول قويىلدى» دەدى وبلىس اكىمى.
باياندامالاردى تىڭداعان ەلباسى «بىز بۇگىن تۇركىستاندى جاڭا وبلىسا ورتالىعى رەتىندە اياعىنان تىك تۇرعىزۋ ماسەلەسىمەن جينالىپ وتىرمىز. قازىر مەملەكەتتىك ورگاندار تۇركىستانعا كوشىپ, جۇمىس ىستەپ جاتىر. ەندى تۇركىستاندى حالىقارالىق دەڭگەيدەگى قالاعا اينالدىرۋ ۇشىن ۇكىمەت پەن وبلىس اكىمدىگى مىنا ماسەلەلەرگە نازار اۋدارۋلارى تيىس. بىرىنشىدەن, وڭىردىڭ قارجىلىق تۇراقتىلىعىن ارتتىرۋ كەرەك. وبلىستان شىمكەنت قالاسى بولىنىپ شىققاننان كەيىن بيۋجەتى ەكىگە بولىندى. سوندىقتان بيۋدجەتتى تولىقتىرۋ ۇشىن جاڭا كىرىس كوزدەرىن, بيۋدجەتتى مولايتۋ جولدارىن تابۋ قاجەت. ەكىنشىدەن, جۇمىسپەن قامتاماسىز ەتۋ, كاسىپكەرلىكتى دامىتۋ ماسەلەسى نازاردا بولعانى جون. جۇرتشىلىققا جاپپاي كاسىپكەرلىكپەن اينالىسۋدى ۇيرەتكەن جون. تۇركىستانداعى قۇرىلىس الاڭدارى مەن جۇمىس ورىندارىندا وزىمىزدىڭ جاستار جۇمىسپەن قامتىلۋى تيىس» دەگەن ەلباسى اۋىل شارۋاشىلىعىن ودان سايىن دامىتىپ, ونىمدەردى وڭدەپ شەتەلگە ەكسپورتتاۋ مىندەتىن جۇكتەدى. سونىمەن قاتار, كولىك-لوگيستيكا قىزمەتىن دامىتىپ, تۋريزمگە سەرپىن بەرۋ كەرەكتىگىنە توقتالدى. تۇركىستاندى ەلەكتر قۋاتىمەن, گازبەن, ساپالى كولىك جولدارىمەن, الەۋمەتتىك نىساندارمەن جانە اۋىز سۋمەن قامتۋ ماسەلەلەرىن شەشۋ جونىندە دە تاپسىرما بەردى. بالامالى قۋات كوزدەرىن دامىتۋدى جۇكتەدى.
اكتيۆ ماجىلىسىندە قازاقستاننىڭ قۇرمەتتى جۋرناليسى بايدۋللا قونىسبەك ەلباسىنىڭ تۇركىستانعا دەگەن ەرەكشە ىقىلاسى مەن قامقورلىعىنا ەل اتىنان العىس ايتسا, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى ۆيكتورييا چەركاشينا دا جاستارعا مەملەكەت تاراپىنان كورسەتىلىپ جاتقان قولداۋلارعا ريزا ەكەندىگىن جەتكىزدى.
تۇركىستاندى دامىتۋ جونىندەگى القالى جيىندا مەملەكەت باسشىسى تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ جونىندەگى باس جوسپاردىڭ تۇجىرىمداماسىن ماقۇلداۋ جانە «TURKISTAN» ارنايى ەكونوميكالىق ايماعىن قۇرۋ جونىندەگى تاريحي جارلىقتارعا قول قويدى.

تۇركىستان وبلىسى اكىمىنىڭ باسپاسوز قىزمەتى

بولىسۋ:

پىكىر جازۋ


*