تاجىكستان – ستراتەگييالىق سەرىكتەس

865
0
بولىسۋ:

قازاقستان پرەزيدەنتى نۇرسۇلتان نازارباەۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەستى.

– ەلدەرىمىز اراسىندا وزارا سەنىمگە نەگىزدەلگەن قارىم-قاتىناس ورنادى. بىز تاجىكستانعا اردايىم كومەك كورسەتىپ, قول­داۋ بىلدىردىك. بۇگىندە وسى ىنتىماقتاستىعىمىزدى تەرەڭ­دەتىپ, وزارا ساۋدا-ساتتىقتى ىلگەرىلەتۋدى كوزدەپ وتىرمىز, – دەدى مەملەكەت باسشىسى.
سونىمەن قاتار نۇرسۇلتان نازارباەۆ تمد ەلدەرى ارا­سىنداعى بايلانىستاردى ودان ارى نىعايتۋ جانە ينتەگراتسييا­لىق ۇدەرىستەردى كەڭەيتۋ ۇشىن شارالار قابىلداۋدىڭ ماڭىزدى ەكەنىنە نازار اۋداردى.
تاجىكستان پرەزيدەنتى ەكى ەل اراسىندا قالىپتاسقان قاتىناستاردىڭ ستراتەگييالىق سيپاتى تۋرالى ايتتى.
– قازاقستان – تاجىكستاننىڭ نەگىزگى ستراتەگييالىق جانە ەكونوميكالىق ارىپتەستەرىنىڭ بىرى. بىزدىڭ ساۋدا-ەكونوميكالىق قاتىناستارىمىز كەڭەيىپ كەلەدى, – دەدى ە.راحمون.
تاجىكستان پرەزيدەنتى نۇرسۇلتان نازارباەۆتىڭ حا­لىقارالىق ارەناداعى بەدەلىن ەرەكشە اتاپ وتىپ, ەكونوميكالىق جانە ساياسي تۇرعىدان قولداۋ كورسەتكەنى ۇشىن قازاقستانعا ريزاشىلىق بىلدىردى.

بولىسۋ:

پىكىر جازۋ


*