ارمەنييامەن بايلانىسىمىز بەكەم

802
0
بولىسۋ:

مەملەكەت باسشىسى ارمەنييا رەسپۋبليكاسىنىڭ پرەمەر-مينيسترى نيكول پاشينيانمەن كەزدەستى.

نۇرسۇلتان نازارباەۆ قازاقستان مەن ارمەنييا اراسىنداعى ىنتىماقتاستىقتىڭ جوعارى دەڭگەيدە ىلگەرىلەپ كەلە جاتقانىنا توقتالىپ, ونى كەڭەيتۋدىڭ الەۋەتى جەتكىلىكتى ەكەنىن اتاپ وتتى.
– قازاقستان ارمەنييامەن اردايىم جاقسى قارىم-قاتى­ناستا بولدى. ەلدەرىمىز اراسىنداعى ساۋدا اينالىمى بىلتىر 60 پايىزعا جۋىق وستى. بۇل ۇردىس قازىر دە جالعاسىن تاۋىپ وتىر. مۇنىمەن شەكتەلمەيتىنىمىزدى اتاپ وتكىم كەلەدى. ۇكىمەتتەرىمىز ەكىجاقتى بايلانىستاردى نىعايتۋ ۇشىن كۇش جۇمىلدىرۋى كەرەك. بىزدىڭ كومپانييالارىمىز ەكى ەلدىڭ دە ەكونوميكاسىنا ينۆەستيتسييا قۇيا الادى, – دەدى قازاقستان پرەزيدەنتى.
مەملەكەت باسشىسى ەڭبەك ميگراتسيياسى ماسەلەلەرىنە جانە ەكى ەل كاسىپكەرلەرى اراسىنداعى بايلانىستاردى كەڭەيتۋ قا­جەتتىگىنە توقتالىپ, ول ۇشىن تيىمدى جاعداي جاسالعانىن اتاپ وتتى.
ن.پاشينيان نۇرسۇلتان نازارباەۆقا كەزدەسۋگە جانە مەم­لەكەتارالىق بايلانىستاردى ودان ارى نىعايتۋ ىسىندەگى ماڭىز­دى ماسەلەلەردى تالقىلاۋعا مۇمكىندىك تۋعىزعانى ۇشىن ريزا­شىلىق بىلدىردى.

بولىسۋ:

پىكىر جازۋ


*