ساۋدا ۇيىمىنا سەنىم مول

989
0
بولىسۋ:

مەملەكەت باسشىسى دۇنيەجۇزىلىك ساۋدا ۇيىمىنىڭ باس ديرەكتورى روبەرتۋ ازەۆەدۋمەن كەزدەستى.
كەزدەسۋدە تاراپتار الەمدەگى قا­لىپ­تاسقان جاعدايعا بايلانىستى ساۋ­دا-ەكونوميكالىق ىنتىماقتاستىقتى دامىتۋعا قاتىستى پىكىر الماستى. سون­داي-اق 2020 جىلى استانادا وتەتىن دۇ­­نيەجۇزىلىك ساۋدا ۇيىمىنىڭ حىى مي­نيسترلەر كونفەرەنتسيياسىنا دايىن­دىق بارىسىن تالقىلادى.
– سىزبەن استانادا قايتا جۇز­دەس­كە­نى­مە قۋانىشتىمىن. قازاقستان دۇ­نيە­جۇزىلىك ساۋدا ۇيىمىنا مۇشە بولار كەز­دە ەلىمىزگە ۇلكەن قولداۋ كورسەت­كە­نىڭىز­دى بىلەمىز. بۇگىندە بىزدىڭ ەل ۇيى­م­نىڭ بەلسەندى مۇشەسى سانالادى. 2020 جى­لى استانادا كونفەرەنتسييا وتكىزۋ جو­نىندە شەشىم قابىلداندى. بىز وسى شا­رانى تيىستى دەڭگەيدە وتكىزۋ ۇشىن كۇش جۇمىلدىرامىز, – دەدى قازاقستان پرە­زيدەنتى.
نۇرسۇلتان نازارباەۆ دۇنيەجۇزىلىك ساۋدا ۇيىمىنىڭ ەلدەر اراسىنداعى ساۋ­دا-ەكونوميكالىق قارىم-قاتى­ناس­تاردى نىعايتۋدى جانە كەڭەيتۋدى كوز­دەيتىن باستى قاعيداتتارىن قازاق­ستان­نىڭ تولىق قولدايتىنىن اتاپ وتتى.
روبەرتۋ ازەۆەدۋ ن.نازارباەۆ­قا قو­ناق­جايلىق تانىتقانى جانە قازاق­ستان مەن دۇنيەجۇزىلىك ساۋدا ۇيى­مى­نىڭ الداعى ىنتىماقتاستىعىنا ار­­­نالعان ماسەلەلەردى تالقىلاۋعا مۇمكىندىك بەر­گەنى ۇشىن العىس بىلدىردى.
– جەنەۆاداعى سوڭعى كەزدەسۋىمىزدەن كەيىن قازاقستان مەن دۇنيەجۇزىلىك ساۋ­دا ۇيىمى اراسىنداعى ىنتىماق­تاس­تىقتىڭ تەرەڭدەگەنىن نىق سەنىممەن اي­تا الامىز. سىزدىڭ ەلىڭىز كوپجاقتى ساۋ­دا جۇيەسىن دامىتۋ قاعيداتتارىن ار­دايىم بەرىك ۇستانىپ كەلەدى. بىز قا­زاقستاننىڭ 2020 جىلى مينيسترلەر كون­فەرەنتسيياسىن وتكىزۋگە كەلىسىم بەر­گەنىنە قۋانىشتىمىز. بۇل بۇگىنگى الەم­دە بولىپ جاتقان وقيعالارعا باي­لانىستى ەرەكشە ماڭىزعا يە بولىپ وتىر, – دەدى دۇنيەجۇزىلىك ساۋدا ۇيى­مى­نىڭ باس ديرەكتورى.
سونداي-اق ر.ازەۆەدۋ جەتەكشى دەر­جاۆالار اراسىنداعى ساۋدا-ەكونوميكا ما­سەلەلەرىنە قاتىستى شيەلەنىستىڭ باس­قا ەلدەرگە تيگىزەتىن سالدارىنا توق­تالدى.

بولىسۋ:

پىكىر جازۋ


*