20 ملن توننا استىق جينالادى

755
0
بولىسۋ:

قر پرەمەر-مينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا 2018 ج. ەگىن جيناۋ جۇمىستارىنىڭ بارىسى قارالدى.

قر پرەمەر-مينيسترىنىڭ ورىنباسارى – اۋىل شارۋاشىلىعى مينيسترى و. شوكەەۆ وبلىستىق اۋىل شارۋاشىلىعى باسقارمالارىنىڭ الدىن-الا بەرگەن مالىمەتتەرى بويىنشا بيىل داندى داقىلدار 15 ملن گا القاپتان جينالادى, ونىڭ ىشىندە بيداي — 11,1 ملن گا. مايلى داقىلداردىڭ ەگىن القاپتارى 2,8 ملن گا قۇرايدى, بۇل وتكەن جىلعى دەڭگەيدەن 0,4 ملن گا ارتىق.

«جالپى ەلىمىز بويىنشا جالپى استىق جيىنى 20 ملن ت دەڭگەيىندە بولادى دەپ بولجانىپ وتىر. مايلى تۇقىمدار وندىرىسىنىڭ كولەمى 2,3 ملن ت دەڭگەيىندە بولادى دەپ كۇتىلۋدە. كورسەتىلگەن كولەمدەر استىقتىڭ ەكسپورتتىق الەۋەتىن 9,0 ملن. تونناعا دەيىن, مايلى تۇقىمداردىڭ ەكسپورتىن – 1,0 ملن. تونناعا دەيىن جەتكىزۋگە, قۇرامجەم جانە ماي وڭدەيتىن كاسىپورىنداردى شيكىزاتپەن قامتاماسىز ەتۋگە مۇمكىندىك بەرەدى», — دەدى و. شوكەەۆ.

بۇگىنگى تاڭعا دەيىن داندى داقىلدار 8,9 ملن. گەكتاردان استام القاپتان نەمەسە جينالۋعا جاتاتىن القاپتىڭ 59%-ى جينالدى, 11,2 ملن. توننا استىق باستىرىلدى, تۇسىمدىلىك گەكتارىنا 12,5 تسەنتنەر بولدى.

وڭتۇستىك وبلىستاردا 86%, باتىس وبلىستاردا — 89%, سولتۇستىك, ورتالىق جانە شىعىس وبلىستاردا — 56% داندى داقىل جينالدى.

و. شوكەەۆ اتاپ وتكەندەي, جيناۋ ۇشىن 6,1 ملن گا داندى داقىل قالعان. قولدا بار استىق جيناۋ كومبايندارىنىڭ 800 مىڭ گا جۋىق بولاتىن تاۋلىكتىك ونىمدىلىگى مەن اۋا رايى قولايلى بولعان جاعدايلاردا ەگىن جيناۋ جۇمىستارىن قازان ايىنىڭ بىرىنشى ونكۇندىگىندە اياقتاۋ مۇمكىندىگى بار.

شىلدە-قازان ايلارىنىڭ ارالىعىندا ەگىن جيناۋ جۇمىستارىن جۇرگىزۋ ۇشىن شارۋالاردىڭ ديزەل وتىنىنا دەگەن قاجەتتىگى 394 مىڭ توننانى قۇرايدى. بۇل قاجەتتىلىك ەنەرگەتيكا مينيسترلىگىمەن بىرلەسىپ, وبلىستارداعى مۇناي وڭدەۋ زاۋىتتارىنا بەكىتىلگەن. 14 قىركۇيەكتەگى جاعداي بويىنشا ەگىن وراعىن جۇرگىزۋگە 268 مىڭ توننا ديزەل (68%) جونەلتىلدى. وڭىرلەردە قىركۇيەك ايىندا شارۋالارعا جەتكىزىپ بەرۋ باعاسىن قوسا العاندا, ديزەل وتىنىنىڭ ورتاشا باعاسى ليترىنە 165 تەڭگەنى قۇرايدى (جانار-جاعارماي بەكەتىندە ليترى 191 تەڭگە), بۇل نارىقتىق باعادان 14%-عا ارزان.

«جاۋىن-شاشىننىڭ مول تۇسۋى سالدارىنان ەلەۆاتورلارعا كەلىپ جاتقان استىقتىڭ ىلعالدىلىعى جوعارى, بۇل داندى جانە مايلى داقىلداردى قوسىمشا كەپتىرۋدى جانە تيىسىنشە استىق قابىلداۋ كاسىپورىندارىنىڭ قوسىمشا ديزەل وتىنىن ساتىپ الۋىن قاجەت ەتەدى. وبلىس اكىمدىكتەرىنىڭ مالىمەتتەرى بويىنشا بازيستىك ىلعالدىلىق 13,5% بولعاندا باستىرىلعان استىقتىڭ 50%-نان استامىنىڭ ىلعالدىلىعى 20%-دان جوعارى», — دەدى و.شوكەەۆ.

قر پرەمەر-مينيسترىنىڭ ورىنباسارى – اۋىل شارۋاشىلىعى مينيسترىنىڭ ايتۋىنشا, بۇگىندە 85 مىڭ ت كولەمىندەگى استىقتى كەپتىرۋ ۇشىن قازان-قاراشا ايلارىنا قوسىمشا جانار-جاعارماي بولۋگە التى وبلىستان وتىنىم كەلىپ تۇسكەن.

جالپى قولدا بار اۋىل شارۋاشىلىعى تەحنيكاسىنىڭ 96%-ى دايىن جانە ەگىن جيناۋ جۇمىستارىنا قاتىسۋدا. قازىرگى كەزدە شارۋالاردا 14 مىڭنان استام ونىمدىلىگى جوعارى استىق جينايتىن كومبايندار بار, ولارمەن داندى داقىلدار القابىنىڭ 70%-دان استامىن جيناۋ كوزدەلىپ وتىر.

«اۋىل شارۋاشىلىعى تەحنيكاسىن ساتىپ الۋدى ىنتالاندىرۋ جانە شارۋالاردى قارجىلاي قولداۋ ماقساتىندا مينيسترلىك بيىلدان باستاپ اۋىل شارۋاشىلىعى تەحنيكاسىنىڭ ليزينگى بويىنشا سىياقىنىڭ پايىزدىق مولشەرلەمەسىن ارزانداتۋ باعدارلاماسىن قايتا ىسكە قوستى, ينۆەستيتسييالىق سۋبسيدييالاۋ باعدارلاماسىن وزەكتىلەندىرىلدى», — دەدى و. شوكەەۆ.

اتالعان باعدارلامانى ىسكە اسىرۋ ۇشىن بيىل بيۋدجەتتەن 21,3 ملرد تەڭگە بولىنگەن. جىلىنا 17% اسپايتىن سىياقى مولشەرلەمەسىمەن اۋىل شارۋاشىلىعى تەحنيكاسىنىڭ ليزينگىن سۋبسيدييالاۋ قاراستىرىلىپ وتىر, ونىڭ 10% رەسپۋبليكالىق بيۋدجەت ەسەبىنەن وتەلەدى. سونىمەن قاتار, 2016 ج. باستاپ اۋىل شارۋاشىلىعى تەحنيكاسىن ساتىپ العان جاعدايدا ينۆەستيتسيلىق سۋبسيدييالار تولەۋ جۇزەگە اسىرىلىپ كەلەدى.

قازىرگى كەزدە ەلىمىزدە جالپى سىيىمدىلىعى 13,6 ملن توننانى قۇرايتىن 196 ليتسەنزييالانعان استىق قابىلداۋ كاسىپورىنى جۇمىس ىستەيدى, ولار اكىمدىكتەر بەرەتىن ليتسەنزييا نەگىزىندە استىق قولحاتتارىن بەرە وتىرىپ, قويما قىزمەتىن كورسەتەدى. استىق قابىلداۋ كاسىپورىندارىنىڭ ماتەريالدىق-تەحنيكالىق بازالارىن جاڭا جيىن-تەرىمدى قابىلداۋعا دايىنداۋ جۇمىستارى جوسپارلى تۇردە جۇرگىزىلۋدە. قولدا بار استىق ساقتاۋ سىيىمدىلىقتارىنىڭ جالپى كولەمى 26,7 ملن. توننانى قۇرايدى, بۇل كۇتىلىپ وتىرعان جيىن-تەرىمدى ەسكەرگەندە, استىق ساقتاۋ ۇشىن جەتكىلىكتى.

وز كەزەگىندە, ەنەرگەتيكا مينيسترىنىڭ ورىنباسارى م. دوسمۇحامبەتوۆ 2018 ج. ەگىستىك جۇمىستارىنا ديزەلدى وتىندى جەتكىزۋ بويىنشا وبلىستاردى موز-دەرگە بەكىتۋ كەستەسى اياسىندا شارۋالار ۇشىن قاجەتتىلىك 394,4 مىڭ ت كولەمىندە بەكىتىلگەنىن باياندادى, ونىڭ ىشىندە: اتىراۋ مۇناي وڭدەۋ زاۋىتى — 116 مىڭ ت, پاۆلودار مۇناي وڭدەۋ زاۋىتى — 149 مىڭ ت, شىمكەنت موز — 129,4 مىڭ ت.

«14 قىركۇيەكتەگى جاعداي بويىنشا جوسپارداعى 394,4 مىڭ توننا جاعدايىندا اۋىل شارۋاشىلىعى تاۋارلارىن وندىرۋشىلەرگە ديزەل وتىنىن تيەۋ 255,8 مىڭ توننانى قۇراپ وتىر. تولەنگەن بارلىق كولەمدەر باسىمدىقتى رەتپەن تيەلىپ جاتىر. مينيسترلىك اۋىل شارۋاشىلىعى تاۋارلارىن وندىرۋشىلەرگە باعىتتاۋمەن ديزەل وتىنىن تيەۋگە تاۋلىكتىك باقىلاۋ جۇرگىزىپ وتىر», — دەدى ەنەرگەتيكا ۆيتسە-مينيسترى.

اۋىل شارۋاشىلىعى تاۋارلارىن وندىرۋشىلەر ۇشىن جانار-جاعارماي باعاسىنا كەلسەك, 2018 ج. شىلدە ايىندا كۇزگى ەگىن جيناۋ جۇمىستارىن جۇرگىزۋگە ۇسىنىلعان باعا 180 مىڭ تەڭگە/توننانى, تامىز جانە قىركۇيەك ايلارىندا 181 مىڭ تەڭگە-توننانى قۇرادى. بۇل ورايدا قر-دا جانار-جاعارماي ستانتسييالارىندا ورتاشا نارىقتىق باعا 188,1 تگ/ل قۇرايدى.

www.primeminister.kz  حابارلاۋىنشا, ەگىن ەگەتىن نەگىزى وبلىستارداعى جاعدايلار تۋرالى اقمولا وبلىسىنىڭ اكىمى م. مىرزالين, سولتۇستىك قازاقستان وبلىسىنىڭ اكىمى — ق. اقساقالوۆ, قوستاناي وبلىسىنىڭ اكىمى — ا. مۇحامبەتوۆ باياندادى.

 

بولىسۋ:

پىكىر جازۋ


*